Կապիկը Սարուգասիմա կղզուց
Կապիկը Սարուգասիմա կղզուց (ռուս.՝ Обезьяна с острова Саругасима), 1970 թվականի խորհրդային նկարված մուլտֆիլմ[1]։
 | |
|---|---|
 | |
| Տեսակ | մուլտֆիլմ |
| Ժանր | հեքիաթ |
| Ռեժիսոր | Միխայիլ Բոտով |
| Սցենարիստ | Կոնստանտին Ռուդնիցկի |
| Հնչյունավորում | Անատոլի Պապանով և Վասիլի Լիվանով |
| Բեմադրող նկարիչ | Վլադիմիր Տարասով |
| Երաժշտություն | Եվգենի Կրիլատով |
| Օպերատոր | Միխայիլ Դրույան |
| Երկիր |  ԽՍՀՄ |
| Ընկերություն | Սոյուզմուլտֆիլմ |
| Թվական | 1970 |
Սյուժե խմբագրել
Մուլտֆիլմը նկարահանվել է ըստ Հիրոս Սարուգասիմայի ճապոնական հեքիաթի մոտիվների վրա, որի սյուժեն ծագում է Բուդդայի անցյալ կյանքի մասին պատմող պատմություններից մեկից։
Ծովի տիրակալ վիշապը ծանր հիվանդանում է։ Պալատական բժիշկը` մեդուզան, նրան կապիկի լյարդ է նշանակում։ Անհրաժեշտ էր փնտրելու մեկին, ով կարղ էր ծովից ցամաք դուրս գալ։ Ընտրվում է կրիան։ Կրիան կապիկին բերում է ծովի տիրակալ վիշապի մոտ այն պատրվակով, թե իբր այնտեղ մաքրած բանան է աճում։ Սակայն կապիկը դելֆինից իմանալով կրիայի ծրագրերի մասին` խաբում է նրան և ստիպում է վերադառնալ կղզի։ Վիշապը ոչինչ չիմանալով` շնաձկների ուղարկում է որսի։ Բայց ծուռոտանիները, ացվակցելով կապիկին, օգնում են նրան և կրիան հասնել մինչև կղզի։ Այստեղ կրիային հիասթափություն էր սպասվում։ Չէ՞ որ վիշապը հանձնարարությունը չկատարելու դեպքում խոստացել էր ոչնչացնել նրա ողջ ցեղը։ Սակայն կապիկը խղճում է կրիային և առաջարկում նրան ձագեր ունենալ կղզում։ Այս մուլտֆիլմում բացատրվում է, թե ինչու են կրիաները ծնվում են ցամաքում, ափամերձ ավազին։
Հեղինակներ խմբագրել
- Ռեժիսոր` Միխայիլ Բոտով
- Սցենարի հեղինակ` Լև Ռուդնիցկի
- Բեմադրող նկարիչ` Վլադիմիր Տարասով
- Նկարիչներ` Դմիտրի Անպիլով, Իրինա Տրոյանովա
- Նկարիչ-մուլտիպլիկատորներ` Բորիս Բուտակով, Օլեգ Կոմարով, Վլադիմիր Պեկար, Նիկոլայ Կլիմով, Իգոր Պոդգորսկի, Միխայիլ Պերշին, Վալերի Ուգարով
- Օպերատոր` Միխայիլ Դրույան
- Կոմպոզիտոր` Եվգենի Կրիլատով
- Հնչյունային օպերատոր` Վլադիմիր Կուտուզով
- Խմբագիր` Արկադի Սնեսարև
- Օգնականններ` Գ. Լյուբարսկայա, Ն. Նայաշկովա
- Մոնտաժող` Տատյանա Սազոնովա
- Դերերը հնչյունավորել են`
- Անատոլի Պապանով` Վիշապ
- Թամարա Դմիտրիևա` Կապիկ
- Վասիլի Լիվանով` Կրիա
- Մարիա Վինոգրադովա` Դելֆին (լուսագրերում նշված չէ)
- Մուլտֆիլմի տնօրեն` Ֆյոդոր Իվանով
Տարբերությունները հեքիաթից և ջատակից խմբագրել
Ճապոնական հեքիաթը, ըստ որի ստեղծվել է այս մուլտֆիմը, կոչվել է «Մեդուզան և կապիկը»։ Այնտեղ կապիկի հետևից Սարուգասիմա կղզի էին ուղարկում ոչ թե կրիային, այլ` մեդուզային։ Հեքիաթում ասվում է, որ այդ ժամանակ մեդուզան այնպիսին չէր, ինչպես հիմա. նրան ուներ 4 թաթ, նա կարողանում էր դուրս գալ ցամաք։ Մեդուզան այնտեղ խելացի չէ և շատախոս է, նա ինքն է ճանապարհին շատախոսում` ասելով կապիկին լյարդի մասին, իսկ կապիկը խաբում է նրան, ասելով, թե լյարդը թողել է կղզում։ Երբ մեդուզան վերադառնում է առանց ոչնչի, բարկացած վիշապը հրամայում է բոլորին այնքան ծեծել մեդուզային, որ նրանից ոսկոր չմնա:Հեքիաթի վերջում ասվում է. «Ծեծում են նրան, ջարդում են բոլոր ոսկորները, և մեդուզան դառնում է այնպիսին, ինչպիսին մենք հիմա նրան տեսնում ենք»։ Մուլտֆիլմում վերջաբանը ավելի մարդասիրական է։
Ջատակում, որը հեքիաթի հիմքն է, կապիկը Գանգես գետն անցնում է կոկորդիլոսի մեջքին նստած։
Վերաթողարկում խմբագրել
ԽՍՀՄ-ում, իսկ ավելի ուշ` Ռուսաստանում, մուլտֆիլմը VHS ձևաչափով թողարկվել է «Խոշոր պլան» ընկերության կողմից մուլտֆիլմերի մի քանի ժողովածուներում։ 1990-ականների կեսերին նույն ձևաչափով վերաթողարկվել է «Սոյուզ» ընկերության կողմից։ 2002 թվականին VHS և DVD ձևաչափերով վերաթողարկվել է մուլտֆիլմերի «Հեքիաթային ջունգլի» հավաքածուում։ Վերականգնված տարբերակը տեղ է գտել «Խոշոր պլան» ընկերության թողարկած «Աշխարհի ժողովուրդների հեքիաթներ» մուլտֆիլմերի հավաքածուում։
Աուդիո թողարկում խմբագրել
1990-ական թվականներին Twic Lyrec ընկերության կողմից Ալեքսանդր Պոժարովի տեքստով թողարկվել է ձայներիզների վրա։
Ծանոթագրություններ խմբագրել
- ↑ «Կապիկը Սարուգասիմա կղզուց» մուլտֆիլմը «Անիմատոր.ռու» կայքում