Կալիֆոռնիա (թերակղզի)

Անվան այլ կիրառումների համար տե՛ս՝ Կալիֆոռնիա (այլ կիրառումներ)

Կալիֆոռնիա, Ներքին Կալիֆոռնիա (Baja California), թերակղզի Հյուսիսային Ամերիկայի արևմուտքում՝ Մեքսիկայում։ Ողողվում է Կալիֆոռնիայի ծոցով և Խաղաղ օվկիանոսով, Մեքսիկայից առանձնացված է Կալիֆոռնիայի ծոցով և Կոլորադո գետով։ Երկարությունը մոտ 1200 կմ է, լայնությունը՝ 50-250 կմ, տարածությունը՝ մոտ 144 հզ. կմ²։ Կալիֆոռնիայի թերակղզին աշխարհում երկրորդն է, իր երկարությամբ, Մալակկա թերակզուց հետո։ Մակերևույթը լեռնային է (ամենաբարձր կետը՝ 3078 մ)։

Կալիֆոռնիա Baja California
Կոորդինատներ
29°19′30″ հս․. լ. 114°32′28″ ամ. ե.
Տեղագրություն	Հյուսիսային Ամերիկա
Ողողող ջրեր	Խաղաղ օվկիանոս Կալիֆոռնիայի ծոց
Ընդհանուր մակերեսը	144 կմ²
Երկիր	Մեքսիկա
	Վիքիպահեստում

Անվանում

Անվանումն առաջացել է իսպաներեն Caliente Fornalla «տաք հնոց (փուռ)» արտահայտությունից․ «արևից շիկացած հող» իմաստով, որովհետև ամռանն այստեղ անտանելի շոգ է լինում։

Կլիմա

Կլիման հյուսիսում մերձարևադարձային է, հարավում՝ արևադարձային, տարեկան տեղումները՝ մինչև 250 մմ։ Գերակշռում է անապատային և կիսաանապատային բուսածածկույթը։

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 176)։