Ծովաձիուկ (քանդակ)
«Ծովաձիուկ» քանդակ (ռուս.՝ Скульптура «Морской конек»), քանդակ Ղրիմի Ալուշտա քաղաքում։ Տեղադրվել է 2015 թվականին։ Հեղինակն է քանդակագործ Ալեքսանդր Ռոմաշենկոն։
 | |
|---|---|
 | |
 | |
| Տեսակ | հուշարձան |
| Ստեղծում | 2015 |
| Երկիր |  Ռուսաստան և  Ուկրաինա |
| Բնակավայր | Ալուշտա |
| Շինության ձև | Քանդակ |
| Նյութ | պողպատ |
| Ներկա վիճակ | Կանգուն |
Պատմություն խմբագրել
«Ծովաձիուկ» քանդակը Ղրիմի այս հանգստավայրի խորհրդանիշն է և զբոսաշրջիկների լուսանկարվելու սիրված վայրերից մեկը[1]։
Սկզբնապես քանդակը գտնվում էր Ալուշտայի ակվարիումի մոտ, որն էլ հենց այն տեղադրել էր այնտեղ 2015 թվականի հուլիսին։ Նախատեսվում էր, որ քանդակը պետք է ծառայի որպես ուղեցույց և հանդիպման վայր։ Սակայն 2015 թվականի օգոստոսին տեղացիները խնդրեցին «Ծովաձիուկը» տեղափոխել առափ՝ համարելով, որ այն ավելի հարմար վայր է լուսանկարչական նկարահանումների համար[1]։
Նկարագրություն խմբագրել
2,5 մ բարձրությամբ քանդակը պատկերում է կոփածո ծովաձիուկին։ Այն պատրաստված է չժանգոտող պողպատից։ Քանդակի պտտվող հիմքի վրա փորագրված է երեք գրություն. «Հանդիպման վայր», «Ալուշտա» և ««Ալուշտայի ակվարիում». նվեր քաղաքին՝ 2015»[1]։
Հեղինակի՝ քանդակագործ Ալեքսանդր Ռոմաշենկոյի խոսքերով, սկզբնապես դիտարկվում էր ձկան պատկերով տարբերակը, սակայն ի վերջո ակվարիումի ամբողջ տնօրենությունն ընտրեց ծովաձիուկի տարբերակը՝ այն համարելով ավելի տպավորիչ։ Բացի այդ, Սև ծովի կենդանական աշխարհի այս ինքնատիպ ներկայացուցիչը Ալուշտայի ակվարիումի առաջին բնակիչներից էր[1]։
Հասցեն՝ քաղաքի առափի և Գորկու փողոցի խաչմերուկ[1]։
Ծանոթագրություններ խմբագրել
- ↑ 1,0 1,1 1,2 1,3 1,4 https://tonkosti.ru/Скульптура_«Морской_конек»_в_Алуште.
{{cite web}}: Missing or empty|title=(օգնություն)