Ծաղկաձոր լեռնադահուկային առողջարան

Անվան այլ կիրառումների համար տե՛ս՝ Ծաղկոցաձոր (այլ կիրառումներ)

Ծաղկաձոր լեռնադահուկային առողջարան, տեղակայված է հայկական Ծաղկաձոր քաղաքի լեռնային մասում, Հայաստանի մայրաքաղաք Երևանից և Զվարթնոց օդակայանից մոտ 60 կմ հեռավորության վրա։

Ծաղկաձորը և Սևանա լիճը լեռնադահուկային երկրորդ ուղուց

Ծաղկաձորի պատմություն

Ծաղկաձոր քաղաքը տեղակայված է ծովի մակերևույթից 1750 մ բարձր Թեղենիս լեռան հարավարևելյան լանջին։ Խորհրդային ժամանակաշրջանում կառուցվել են ճոպանուղին և այլ սպորտային սարքավորումներ՝ խորհրդային մարզիկներին 1988 Ձմեռային օլիմպիական խաղերին նախապատրաստելու նպատակով։ Հետագայում քաղաքը զարգացավ որպես լեռնադահուկային առողջարան, իսկ վերջերս լիովին վերափոխվեց և հին ճոպանուղին փոխարինվեց նորով։ Ծաղկաձորը հայտնի է նաև Կեչառիսի վանքային համալիրի շնորհիվ։

Ճոպանուղիները

Հիմնական հոդված՝ Ծաղկաձորի ճոպանուղի

Ծաղկաձորում դահուկորդների և սնոուբորդինգի սիրահարների համար առկա է 27 կմ ճանապարհ և 6 վերելակ հյուրերին տեղափոխելու համար։ գտնվում է Թեղենիս լեռան արևելյան լանջին

Ճոպանուղին գտնվում է Թեղենիս լեռան արևելյան լանջին բաղկացած է երեք հաջորդական վերելակներից և ձգվում է լեռան ստորոտից (ծովի մակերևույթից 1969 մ ) մինչև լեռան գագաթը (2819 մ)։ 2006 թ. նոր՝ չորրորդ ճոպանուղին կառուցվեց, որով նոր դահուկային ուղի բացվեց։

Ճոպանուղու առաջին հատվածը չորս տեղանի է, իսկ մյուս հատվածները երկտեղանի են։ Ներկայումս, թե ճոպանուղին, թե սահուղիները զինված են լավագույն տեխնիկայով և սարքավորումներով։