Ծագ
- Անվան այլ կիրառումների համար տե՛ս՝ Ծագ (այլ կիրառումներ)
Ծագ, գյուղ Արևմտյան Հայաստանում, Խարբերդի վիլայեթի Ակնի գավառակում[1]։ Գտնվում էր Ակն քաղաքից արևելք, Ոսկեբերանի ափին, Մնձուր լեռան ստորոտներում։
Գյուղ | |
---|---|
Ծագ | |
Վարչական տարածք | Արևմտյան Հայաստան |
Վիլայեթ | Խարբերդի վիլայեթ |
Գավառակ | Ակնի գավառակ |
Այլ անվանումներ | Զագ, Զաք, Ին, Քյուչուկ շեհիր |
Պաշտոնական լեզու | Հայերեն |
Ազգային կազմ | Հայեր (մինչև Մեծ եղեռնը) |
Կրոնական կազմ | Քրիստոնյա (մինչև Մեծ եղեռնը) |
Ժամային գոտի | UTC+3 |
Անվան ստուգաբանություն խմբագրել
Հայրեն իրենց արտադրանքով բավարարում էին շրջակա թուրքական գյուղերի կարիքները, որի համար էլ թուրքերը գյուղը կոչում էին Ծագ կամ Քյուչուկ Շեհիր, որը նշանակում է փոքրիկ քաղաք։
Պատմություն խմբագրել
1895 թվականի ջարդերի ժամանակ հայերի մի մասը կոտորվեց, մնացած մասն էլ հավատափոխ եղավ։ 1915 թվականի Մեծ եղեռնի ժամանակ գյուղն ամբողջովին ամայացավ։
Բնակչություն խմբագրել
1900 թվականին ուներ ավելի քան 100 տուն՝ մոտ 450 հայ բնակչով։
Տնտեսություն խմբագրել
Բնակչության հիմնական զբաղմունքը անասնապահություն, հողագործությունն ու արհեստներն էր։
Պատմամշակութային կառույցներ խմբագրել
Գյուղն ուներ Ս. Նշան անունով հայկական եկեղեցի։ Ըստ որոշ աղբյուրների եկեղեցին կառուցվել է 1249 թվականին։
Կրթություն խմբագրել
Գյուղում գործում էր հայկական վարժարան[2]։
Տես նաև խմբագրել
Ծանոթագրություններ խմբագրել
- ↑ «Արաբկիրի գավառակ». Վերցված է 2015 ապրիլի 14-ին.
- ↑ «Հայաստանի և հարակից շրջանների տեղանունների բառարան», հտ 2, էջ 828
Աղբյուրներ խմբագրել
- «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
- Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 6, էջ 685)։ |