Հանգստուն

Հանգստուն, գյուղ Արևմտյան Հայաստանում, Էրզրումի վիլայեթի Քղիի գավառակում։ Գտնվում էր Քղի գյուղաքաղաքից քիչ հյուսիս, Քեշիշ-քյոփրուսի քանդված կամրջի դիմաց։ Գյուղի մոտ էր գտնվում հին Քղի ավանը, որը իսպառ ոչնչացել է1616 թվականի երկրաշարժի պատճառով։

Գյուղ
Հանգստուն
Վարչական տարածք	Արևմտյան Հայաստան
Վիլայեթ	Էրզրումի գավառԷրզրումի գավառ
Գավառակ	Քղիի գավառակ
Այլ անվանումներ	Անգստուն, Հագստուն, Հագըստուն, Հագտուն, Հանգատուն, Հանգիստտուն, Հուքուսլուն, Խուկուսլուն
Պաշտոնական լեզու	Հայերեն
Ազգային կազմ	Հայեր (մինչև Մեծ եղեռնը)
Կրոնական կազմ	Քրիստոնյա (մինչև Մեծ եղեռնը)
Ժամային գոտի	UTC+3
Հանգստուն (Աշխարհ)

Անվան ստուգաբանություն

Գյուղի անվանումը՝ Հանգստատուն, հանգստյան տուն, հանգստարան, ստացել է ի պատիվ Խադ եպիսկոպոսի, որը հանգչում է նույնանուն մատուռում։

Պատմություն

Գյուղն ավերվել է 1914-1915 թվականներին՝ Մեծ եղեռնի ժամանակ երիտթուրքերի ձեռքով։ Կոտորածից փրվել է միայն 75 անձ, իսկ մինչ կոտորածը 125 հոգի հասցրել են գաղթել ԱՄՆ և այլ երկրներ։

Բնակչություն

XX դարի սկզբին ուներ 1400 հայ բնակիչ, որոնք ունեին բավականին բարեկեցիկ վիճակ։

Տնտեսություն

Բնակչության հիմնական զբաղմունքը երկրագործությունն ու անասնապահությունն էր։

Պատմամշակութային կառույցներ

Հանգստունն ուներ Ս. Աստվածածնի և Ս. Խադ մատուռներ։ Վերջին մատուռը կոչվում էր ի պատիվ մատուռում թաղված Խադ եպիսկոպոսի։ Գյուղի մոտ էր գտնվում Ապառու ս. Կարապետ վանքը։

Կրթություն

Գյուղում գործում էր հայկական վարժարան։

Տես նաև

• Էրզրումի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 6, էջ 41)։