Խորվաթական խոհանոց

Խորվաթական խոհանոց (խորվ.՝ Hrvatska kuhinja), խորվաթների ազգային խոհանոցը։

Նկարագրություն

Բալկաններում յուրաքանչյուր տարածաշրջան ունի իր սեփական խոհարարական ավանդույթները։ Խորվաթիան բացառություն չէ, և իր խոհանոցի արմատները գալիս են խոր հնադարից։ Ընդ որում, մայրցամաքի խոհանոցը տարբերվում է ափամերձից։ Մայրցամաքի խոհանոցը բնութագրվում է վաղ սլավոնական և ավելի ուշ հարևան մշակույթների շփումներով՝ հունգարական, ավստրիական և թուրքական, որտեղ սննդի պատրաստման համար օգտագործվում է խոզի ճարպ և այնպիսի համեմունքներ, ինչպիսիք են սև պղպեղը, պապրիկան, սխտորը։ Ափամերձ տարածքը կրում է հունական, հռոմեական, ինչպես նաև ավելի ուշ իտալական (հատկապես վենետիկյան) և ֆրանսիական խոհանոցների ազդեցությունը, որտեղ օգտագործում են ձիթապտղի յուղ, խոտաբույսեր և համեմունքներ, ինչպիսիք են հազրեվարդը, եղեսպակը, դափնու տերևը, խնկածաղիկը, սուսամբարը, դարչինը, մեխակը, մշկընկույզը, կիտրոնի և նարինջի կեղևը։ Խորվաթիայում հայտնի են նաև նախկին Հարավսլավիայի սննդամթերքները և բաղադրատոմսերը։ Լայնորեն հայտնի է այնպիսի մսային նրբախորտիկ, ինչպիսին է ոչխարի կուլենը ծխեցրած երշիկը, որը գրանցված ապրանքային նշան է ԵՄ-ում։

Խորվաթական խոհանոցը կարելի է բաժանել մի քանի տարածաշրջանների` Իստրիա, Դալմաթիա, Դուբրովնիկ, Լիկա, Խորվաթական Զագորե, Մեջիմուրսկ, Պոդրավինա, Սլավոնիա և այլն, որոնք ունեն իրենց խոհարարական ավանդույթները, բնորոշ են տարածքի համար և պարտադիր չէ, որ հայտնի լինեն Խորվաթիայի մյուս մասերում։

• Որոշ ուտեստներ
• 
  Գուլյաշ, հայտնի է տարածաշրջանների մեջ մասում
• 
  Խորվաթական պրշուտ
• 
  Օմարներ Դալմաթիայից
• 
  Տրյուֆել Իստրիայից

• Խմիչքներ
• 
  Սլիվովիցա
• 
  Velebitsko գարեջուր
• 
  Մարաշինո

Արտաքին հղումներ

• Խորվաթական խոհանոցի բաղադրատոմսեր
• Croatian cuisine(անգլ.)
• Хорватська кухня — ремарки до відпочинку в Хорватії Արխիվացված 2015-10-05 Wayback Machine(ուկր.)

Վիքիպահեստն ունի նյութեր, որոնք վերաբերում են «Խորվաթական խոհանոց» հոդվածին։