Խոզապուխտ, խոզապուխտ

«Խոզապուխտ, խոզապուխտ» (իսպ.՝ Jamón, jamón), իսպանացի ռեժիսոր Բիգաս Լունայի` 1992 թվականին նկարահանված գեղարվեստական ֆիլմը։ Այն հայտնի դերասանուհի Պենելոպե Կրուսի առաջին դերն է կինոյում (նկարահանումների ժամանակ նա եղել է 16 տարեկան)։

Խոզապուխտ, խոզապուխտ իսպ.՝ Jamón, jamón
Երկիր	Իսպանիա  Իտալիա
Ժանր	դրամա, կինոկատակերգություն և ռոմանտիկ ֆիլմ
Թվական	1992 և մայիսի 13, 1993
Լեզու	իսպաներեն
Ռեժիսոր	Բիգաս Լունա
Պրոդյուսեր	Անդրես Վինսենտե Գոմես
Սցենարի հեղինակ	Բիգաս Լունա և Քիմ Մոնսո
Դերակատարներ	Ստեֆանիա Սանդրելլի, Աննա Գալիենա, Պենելոպե Կրուս, Խավիեր Բարդեմ, Ժորդի Մոլյա, Խուան Դիեգո և Միգել Գարսիա Բորդա
Օպերատոր	Խոսե Լուիս Ալկայնե
Երաժշտություն	Նիկոլա Պիովանի
Մոնտաժ	Տերեսա Ֆոնթ
Նկարահանման վայր	Բարսելոնա
Տևողություն	95 րոպե
Jamón Jamón Վիքիպահեստում

Սյուժե

Սիլվիան (Պենելոպե Կրուս) երիտասարդ գրավիչ աղջիկ է, որն աշխատում է ներքնազգեստի կարի գործարանի բուֆետում։ Շուտով պարզվում է, որ նա հղի է գործարանի սեփականատեր Խոսե Լուիսից (Ժորդի Մոլյա)։ Ի զարմանս նրա՝ Խոսեն ամենևին հիասթափված չէ այդ լուրից, այլ Սիլվիային սիրո խոստովանություն է անում, առաջարկություն անում և պնդում երեխայի ծնունդը։

Բուֆետապանուհու որդու մոտալուտ հարսանիքի լուրը բնավ չի գոհացնում Խոսե Լուիսի մորը՝ Կոնչիտային (Ստեֆանիա Սանդրելլի), նա աղջկան կասկածում է բացառապես շահադիտական նկատառումների մեջ։ Խոսե Լուիսի հայրը հանգիստ է վերաբերվում այդ իրադարձությանը Այդ ժամանակ Կոնչիտան վարձում է Խոսե Լուիսի ընտանիքում աշխատող սեքսուալ պատանի Ռաուլին (Խավիեր Բարդեմ), որպեսզի նա գայթակղի Սիլվիային՝ հույս ունենալով, որ նման սկանդալի հրապարակումը կկանխի ամուսնությունը։ Այնուամենայնիվ, Սիլվիան հավատարիմ է մնում իր սիրելիին՝ չնայած Ռաուլի համառ ուշադրությանը։ Ռաուլն աստիճանաբար իսկապես սիրահարվում է Սիլվիային, բայց միևնույն ժամանակ Կոնչիտան ինքն է համակվում Ռաուլի հանդեպ կրքով։ Շուտով նա դառնում է Կոնչիտայի սիրեկանը։

Մինչդեռ Խոսե Լուիսը վարանում է՝ պատրա՞ստ է արդյոք հարսանիքին մոր կամքին հակառակ։ Սիլվիային նման անվստահությունը դուր չի գալիս, և նա սկսում է մտածել «իսկական, անկախ և խելամիտ տղամարդու» մասին։

Ֆիլմն ավարտվում է մեծ ծեծկռտուքով, որտեղ որպես զենք օգտագործվում են խոզի բուդ։ Ռաուլը սպանում է Խոսե Լուիսին։

Պրեմիերան տարբեր երկրներում

• 1992 թվականի սեպտեմբերի 2՝ Իսպանիա
• 1992 թվականի սեպտեմբեր՝ Իտալիա, Վենետիկի կինոփառատոն
• 1993 թվականի ապրիլի 2՝ Շվեդիա
• 1993 թվականի մայիսի 13՝ Գերմանիա
• 1993 թվականի մայիսի 20՝ Ավստրալիա (մայիսի 26-ին՝ Ադելաիդայի կինոփառատոնում)
• 1993 թվականի հունիսի 4՝ Միացյալ Թագավորություն
• 1993 թվականի հուլիսի 24՝ Ճապոնիա
• 1993 թվականի օգոստոսի 26՝ Նիդերլանդներ
• 1993 թվականի սեպտեմբերի 23՝ Արգենտինա
• 1993 թվականի սեպտեմբերի 2՝ ԱՄՆ (միայն Նյու Յորքում, ցուցադրությունը մյուս քաղաքներում եղել է 1994 թվականի փետրվարին)
• 1994 թվականի փետրվարի 26՝ Հարավային Կորեա
• 1994 թվականի օգոստոսի 5՝ Ֆինլանդիա
• 2001 թվականի հուլիսի 9՝ Չեխիա, Կառլովի Վարիի կինոփառատոն, սահմանափակ ցուցադրություն այլ քաղաքներում՝ 2003 թվականի մարտի 18-ից

Փաստեր

• Ֆիլմի անվանումը նմանակում է մանկական բառախաղը։ «Jamón, jamón, jamón ...» (խոզապուխտ, խոզապուխտ, խոզապուխտ ...) բառի կրկնակի արագ կրկնությունից հետո այն շուտով սկսում է հնչել (վանկերի տեղափոխություն) այսպես՝ «monja, monja, monja…» (միանձնուհի, միանձնուհի, միանձնուհի ...):
• Ամերիկյան վարձույթում ֆիլմը թողարկվել է «Պատմություն խոզապուխտի և կրքի մասին» վերնագրով (A Tale of Ham and Passion):
• Ֆիլմը նկարահանվել է Իսպանիայի Կաստեհոն դե Մոնեգրոս մունիցիպալիտետում և Սարագոսա պրովինցիայում։
• Ռաուլը համաձայնվում է Կոնչիտայի սիրեցյալը դառնալ այն բանից հետո, երբ Կոնչիտան համաձայնվում է նրան նվիրել «Yamaha FZR600» մոտոցիկլետ։
• Ֆիլմում կա «սննդի», մասնավորապես, ինչպես անվանումն է ենթադրում, խոզապուխտի մի քանի այլաբանություն.
  • Եզրափակիչ ծեծկռտուք՝ խոզի բդի օգտագործմամբ,
  • Սիլվիայի և Խոսե Լուիսի անկողնային տեսարան.

Խոսե Լուիսը վեր է բարձրացնում Սիլվիայի վերնաշապիկը և սկսում է համբուրել ու ծծել նրա պտուկները։

Սիլվիա։ Դե, ինչպե՞ս ես սիրում ուտել իմ կրծքերը։ (How come you like eating my tits?)

Խոսե Լուիս։ Ես սիրում եմ նրանց համը։ (I like the way they taste)

Սիլվիա։ Եվ ի՞նչ համ ունեն նրանք։ (What do they taste like?)

Խոսե Լուիս։ Չգիտեմ։ Ոչ մի։ Մեկը նման է օմլետի, մյուսը խոզապուխտի։ (I don’t know. Nothing. That’s be asking too much: one tasting like an omelette the other like ham)

• Բնօրինակում օգտագործվել են «Իսպանական տորտիլյա» և համապատասխանաբար անգլ.՝ Jamón serrano անվանումները։
• 1992 թվականին Վենետիկի կինոփառատոնի ժամանակ ֆիլմի ռեժիսոր Բիգաս Լունան արժանացել է «Արծաթե առյուծ» մրցանակի։ Դրանից հետո՝ 1993 թվականին, ֆիլմն առաջադրվել է ևս 7 մրցանակի, և հաղթել դրանցից չորսը։

Արտաքին հղումներ

• Ֆիլմի սյուժեն և դրա մասին կարծիք moviecritic2000.blogspot.com կայքում Արխիվացվել է 23-02-2010 (անգլ.)
• Ֆիլմի մասին videovista.net կայքում Արխիվացվել է 23-02-2010 (անգլ.)
• Ֆիլմի մասին penelope-cruz.ru կայքում Արխիվացված 2020-09-22 Wayback Machine

Վիքիպահեստն ունի նյութեր, որոնք վերաբերում են «Խոզապուխտ, խոզապուխտ» հոդվածին։