Խնձորեսկի ճոճվող կամուրջ

Խնձորեսկի ճոճվող կամուրջ;
Երկիր	Հայաստան
Տեղանք	Խնձորեսկ
Նշանակություն	քաշը 14 տոննա
Տեսակ	կամուրջ
Կառուցվել է	2012
Երկարություն	160 մ
Լայնություն	1.5 մ
Բարձրություն	63 մ
Շինարարության սկիզբ	2011, մայիսի 9

Խնձորեսկի ճոճվող կամուրջ, կամուրջ Սյունիքի մարզի Խնձորեսկ գյուղում՝ Գորիս-Ստեփանակերտ մայրուղուց աջ, խոր ձորի զառիթափի լանջերին և սարահարթի վրա։

Պատմություն խմբագրել

Կամուրջը միմյանց հետ կապում է հին Խնձորեսկի երկու «ափերը»` Հին և Նոր Խնձորեսկները, որտեղից երևում են Խնձորեսկի չորս եկեղեցիները և «Ինը մանուկի» աղբյուրը։

Կամուրջը կառուցվել է 2012 թվականին խնձորեսկցի գործարար Ժորա Ալեքսանյանի նախաձեռնությամբ ու հովանավորությամբ, ով կառույցը նվիրել է ծնողների՝ Հայկ և Թամարա Ալեքսանյանների հիշատակին։

Կամրջից բացվում է տեսարան դեպի ձորը, որտեղ գտնվում է Անապատ եկեղեցին, որի բակում թաղված է Մխիթար Սպարապետը։ Կամրջի մյուս ծայրում քարանձավային քաղաքն է՝ իր բազմաթիվ տուն-քարանձավներով ու «առանձնատներով»^[1]^[2]։