Խաչիկ Հովակիմյան
- Վիքիպեդիայում կան հոդվածներ Հովակիմյան ազգանունով այլ մարդկանց մասին։
Խաչիկ Հովսեփի Հովակիմյան (ապրիլի 10, 1926, Տավուշ, Հայաստան - հուլիսի 7, 1995, Երևան, Հայաստան), հայ քաղաքական, հասարակական գործիչ, Հայաստանի վաստակավոր լրագրող։
| Խաչիկ Հովակիմյան | |
|---|---|
| Ծնվել է | ապրիլի 10, 1926 |
| Ծննդավայր | Տավուշ, Հայաստան |
| Մահացել է | հուլիսի 7, 1995 (69 տարեկան) |
| Մահվան վայր | Երևան, Հայաստան |
| Քաղաքացիություն |  ԽՍՀՄ և  Հայաստան |
| Կրթություն | Երևանի պետական համալսարան (1949) |
| Մասնագիտություն | լրագրող, պետական գործիչ և քաղաքական գործիչ |
| Պարգևներ և մրցանակներ |  և  |
Կենսագրություն խմբագրել
Խաչիկ Հովակիմյանը ծնվել է 1926 թվականին, Շամշադինի շրջանի Թովուզ (այժմ՝ Տավուշի մարզի Տավուշ) գյուղում։ 1944 թվականին ընդունվել է Երևանի պետական համալսարանի պատմության ֆակուլտետը, որն ավարտել է 1949 թվականին և ուսումը շարունակել ԵՊՀ ասպիրանտուրայում։ 1949-1951 թթ. եղել է Երևանի պետական համալսարանի կոմերիտական կազմակերպության առաջին քարտուղար, 1952-1955 թվականներին աշխատել է կուսակցության Երևանի օկրուգային կոմիտեում, այնուհետև՝ ՀԿԿ Կենտկոմում որպես դասախոս։ 1955 թվականին նշանակվել է ՀԿԿ Կենտկոմի պրոպագանդայի և ագիտացիայի բաժնի վարիչի տեղակալ, դասախոսական խմբի ղեկավար, 1961-1970 թվականներին՝ «Սովետական Հայաստան» օրաթերթի գլխավոր խմբագիր։ Եղել է Հայաստանի ժուռնալիստների միության նախագահ, 1966-1970 թվականներին՝ ԽՍՀՄ ժուռնալիստների միության վարչության քարտուղար, 1979-1988 թվականներին խմբագրել է «Կուսակցական խոսք» (1989 թվականից՝ «Քաղաքական զրուցակից») հանդեսը, 1992-1995 թվականներին՝ «Մեր խոսքը» թերթի հիմնադիր-խմբագիր[1][2]։ Հովակիմյանը եղել է «Տավուշ» հայրենակցական միության հիմնադիր նախագահը։
Հիշատակ խմբագրել
Երևանի քաղաքապետարանի որոշմամբ Խաչիկ Հովակիմյանի հուշաքարը փակցվել է Երևանի Պռոշյան փողոցի N 1 տան պատին, որտեղ 1956-1995 թթ. ապրել է նա[3]։
Պարգևներ խմբագրել
- «Աշխատանքային կարմիր դրոշի» շքանշան
- «Պատվո նշան» շքանշան
- Մեդալներ, պատվոգրեր
Ծանոթագրություններ խմբագրել
- ↑ Հայ գրատպոթյուն և գրքարվեստ, Ե․, 2015, էջ 618
- ↑ «ՀԱԱՀ -ի գիտական գրադարան քարտարան, Հովակիմյան, Խաչիկ Հովսեփի». koha.anau.am. Վերցված է 2018 թ․ հունիսի 15-ին.(չաշխատող հղում)
- ↑ Daily, AZG. «ՄԵԾԱՎԱՍՏԱԿ ԽՄԲԱԳՐԱՊԵՏԸ ԵՎ ՀԱՍԱՐԱԿԱԿԱՆ ԳՈՐԾԻՉԸ՝ ԽԱՉԻԿ ՀՈՎԱԿԻՄՅԱՆ». AZG Daily. Վերցված է 2018 թ․ հունիսի 15-ին.