Խաղաղության պաշտպանության սովետական կոմիտե
Խաղաղության պաշտպանության սովետական կոմիտե (ռուս.՝ Советский комитет защиты мира), հասարակական կազմակերպություն նախկին Խորհրդային Միությունում[1], Խաղաղության համաշխարհային խորհրդի անդամ կազմակերպություն։ Հիմնադրվել է 1949 թվականի օգոստոսին, Մոսկվայում, Խաղաղության կողմնակիցների համամիութենական I կոնֆերանսում։
Ըստ Սովետական մեծ հանրագիտարանի, կոմիտեի կազմում ընդգրկված էին բանվորներ, կոլտնտեսականներ, գրողներ, արվեստի աշխատողներ (360 մարդ)։ Ակտիվորեն մասնակցել է Խաղաղության համաշխարհային խորհրղի նստաշրջանների և կոնգրեսների ձեռնարկած բոլոր միջոցառումներին
Սերտ կապեր է պահպանել այլ երկրների խաղաղության պաշտպանության կոմիտեների հետ։ Կոմիտեի նախաձեռնությամբ 1973 թվականին Մոսկվայում կայացել է Խաղաղասեր ուժերի համաշխարհային կոնգրես։ Հրատարակել է «Վեկ XX ի միր» («Век XX и мир») բյուլետենը (1967 թվականից՝ ռուս., անգլ., ֆրանս., իսպան., գերմ.)։
1974 թվականին կոմիտեն պարգևատրվել է ժողովուրդների բարեկամության շքանշանով։ 1991 թվականի ԽՍՀՄ կազմալուծմամբ կոմիտեն դադարել է գոյություն ունենալուց[2][3]։
1992 թվականին վերակազմավորվել է Խաղաղության և հաշտության ֆեդերացիա (Федерация мира и согласия) անվամբ։
Ծանոթագրություններ խմբագրել
- ↑ Соколов А. К., Тяжельникова В. С. Часть II «Послевоенный сталинизм» Глава 1. Мир после войны // Курс советской истории, 1941—1999. — М.: Высшая школа, 1999. — 415 с. — ISBN 5-06-003679-0
- ↑ Peace and disarmament, Progress Publishers, 1982
- ↑ Soviet Peace Committee(չաշխատող հղում)
|
Սա Խորհրդային Միության մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 4, էջ 713)։ 
|