Խալտուրինի փողոց (Յալթա)
- Անվան այլ կիրառումների համար տե՛ս՝ Խալտուրինի փողոց (այլ կիրառումներ)
Խալտուրինի փողոց (ռուս.՝ Улица Халтурина), փողոց Ղրիմի Յալթա քաղաքում։ Անվանվել է ռուս բանվոր հեղափոխական Ստեպան Նիկոլաևիչ Խալտուրինի (1856-1882) պատվին։ Սկիզբ է առնում Կիրովի փողոցից և ավարտվում Յուժնոբերեժնոյե խճուղու հետ հատումով։ Երկարությունը մոտ 2 կիլոմետր է։
Խալտուրինի փողոց | |
---|---|
Երկիր | Ռուսաստան / Ուկրաինա[1], Ղրիմ |
Գտնվում է | Յալթա |
Երկարություն | 1900 մետր |
Անվանվել է | Ստեպան Խալտուրին |
Փոստային ինդեքս | 298609 |
Նկարագրություն խմբագրել
Յալթա քաղաքի Խալտուրինի փողոցը սկսվում է Կիրովի փողոցից, հատում Բեզիմյաննի նրբանցքը, Տիմիրյազևի փողոցը, Խալտուրինի նրբանցքը, Հյուսիսային զառիթափը, Մոշկարինի փողոցը, Լուկոմսկու փողոցը, Վոյկովի փողոցը, Ռաբոչայա փողոցը և ավարտվում Յուժնոբերեժնոյե խճուղու հետ հատումով։ Փողոցում կա համարակալված 96 շինություն։ Երկարությունը 1900 մետր է։
Խալտուրինի փողոցի փոստային դասիչն է՝ 298609։
Փողոցն անվանվել է ռուս բանվոր հեղափոխական Ստեպան Նիկոլաևիչ Խալտուրինի (1856-1882) պատվին։ 1880 թվականի փետրվարին Ձմեռային պալատում նա անհաջող մահափորձ է կատարել կայսր Ալեքսանդր II-ի դեմ։ Ն. Ժելվակովի հետ նախապատրաստել է զինվորական դատախազ Ստրելնիկովի սպանությունը։ Մահապատժի է ենթարկվել 1882 թվականին[2]։
Ծանոթագրություններ խմբագրել
- ↑ Տվյալ աշխարհագրական օբյեկտը տեղայակված է Ղրիմի թերակղզում, որի մեծ մասը տարածքային վեճի առարկա է Ռուսաստանի և Ուկրաինայի միջև։ Համաձայն Ռուսաստանի վարչատարածքային բաժանման՝ թերակղզում տեղակայված են ՌԴ Ղրիմի Հանրապետության սուբյեկտները և դաշնային նշանակություն ունեցող Սևաստոպոլ քաղաքը։ Համաձայն Ուկրաինայի վարչատարածքային բաժանման՝ Ղրիմում գտնվում են Ուկրաինայի կազմի մեջ մտնող Ղրիմի Ինքնավար Հանրապետությունը և հատուկ կարգավիճակ ունեցող Սևաստոպոլ քաղաքը։
- ↑ «Հայկական Սովետական Հանրագիտարան, հ. 4, էջ 707».
Աղբյուրներ խմբագրել
Արտաքին հղումներ խմբագրել
- г. Ялта, улица Халтурина Արխիվացված 2019-04-16 Wayback Machine