Բացել գլխավոր ցանկը

Խաբարովսկի երկրամաս, մտնում է Ռուսաստանի կազմի մեջ, ստեղծվել է 1938 թվականի հոկտեմբերի 20-ին։ Գտնվում է Հեռավոր Արևելքի հարավային կեսի կենտրոնական մասում, Խաղաղ օվկիանոսի ափին։ Սահմանակից է Չինաստանին, ողողվում է Օխոտի և Ճապոնական ծովերով, Թաթարական և Նևելսկու նեղուցներով անջատվում է Սախալինից։ Տարածությունը 787 633 կմ2 է, բնակչությունը՝ 1 342 083 (2013)։ Բաժանվում է 2 վարչական շրջանի, 17 մունիցիպալ շրջանի, ունի 29 քաղաք, 188 գյուղ։ Կենտրոնը՝ Խաբարովսկ քաղաքն է՝ 585 556 բնակչությամբ (2012)։ 1965 թվականին պարգևատրվել է Լենինի շքանշանով։

Picto infobox map.png
Խաբարովսկի երկրամաս
flag of Khabarovsk Krai? Զինանշան
Flag of Khabarovsk Krai.svg
Coat of arms of Khabarovsk Krai.svg
Дорога Ванино-Лидога 05.JPG
ԵրկիրՌուսաստան Ռուսաստան
Մաան էՀեռավորարևելյան դաշնային շրջան
Կարգավիճակkrai of Russia?[1]
Մտնում էՌուսաստան[2]
ՎարչկենտրոնԽաբարովսկ
Պաշտոնական լեզուներռուսերեն
Բնակչություն1 328 302 մարդ (հունվարի 1, 2018)[3]
Տարածք787 633 կմ²
Map of Russia - Khabarovsk Krai.svg
Հիմնադրված էհոկտեմբերի 20, 1938 թ.
Սահմանակցում էՀրեական ինքնավար մարզ, Ամուրի մարզ, Սախա-Յակուտիայի հանրապետություն, Մագադանի մարզ, Սախալինի մարզ, Պրիմորիեի երկրամաս և Հեյլունցզյան
Ժամային գոտիՎլադիվոստոկի ժամանակ
ՆախորդFar East Krai?
ISO 3166-2 կոդRU-KHA
Ավտոմոբիլային կոդ27
Կոորդինատներ: 54°48′ հս․ լ. 136°50′ ավ. ե. / 54.800° հս․. լ. 136.833° ավ. ե. / 54.800; 136.833
khabkrai.ru

Բովանդակություն

ԲնությունԽմբագրել

Ափագիծը 2500 կմ է (կղզիները ներառյալ՝ 3390 կմ), թույլ կտրտված։ Գերակշռում է լեռնային ռելիեֆը (ավելի քան 70%-ը)։ Հարավ-արևմուտքում Տուրանի, Էզոպի, Փոքր Իփնգանի, Բուրեյան լեռներն են (750-2640 մ բարձրությամբ), հարավ-արևելքում՝ Սիխոտե-Ալինի մի շարք լեռնաշղթաներ (700-1400 մ, բարձր գագաթը՝ Տարդոկի-Ցանի լեռն է, 2077 մ), հյուսիսում՝ Զագդի, Սելեմջայի, Մայսկի, Ստանովոյ, Սունտար-Խայատա լեռները (ամենաբարձր գագաթը երկրամասում 2933 մ է), Օխոտի ծովին զուգահեռ՝ Ուլինսկի և Զուգջուրի լեռներն են (մինչև 2000 մ), ապա՝ Ցուդոմո-Մայսկիի բարձրավանդակը (800-1200 մ), հարավում՝ Ստորին ու Միջին Ամուրյան, Էվորոն-Տուգուրյան, իսկ հյուսիսում՝ Օխոտի բարձրավանդակները։

Գետերի մեծ մասը պատկանում է Ամուրի ավազանին, ունեն տրանսպորտային և ձկնատնտեսական նշանակություն։ Շատ կան լճեր։ Խաբարովսկի երկրամասը գտնվում է տայգայի զոնայում։ Հողերը ճմապոդզոլային են, հարթավայրերում՝ մարգագետնաճահճային և ճահճային, հարավային շրջաններում՝ գորշ, հյուսիսում՝ լեռնատայգային և լեռնատունդրային։ Տարածված են փշատերև անտառները, լեռնային բարձունքներում՝ տունդրաները։ Անտառապատ է՝ 428 000 կմ2։

Կենդանիներից կան գորշ արջ, լուսան, գայլ, աղվես, վարազ, որմզդեղն, հյուսիսային եղջերու, սկյուռ, թռչուններ։ Գետերը հարուստ են ձկներով։ Այստեղ են Բոլշե-Խեխցիրսկի և Կոմերիտմիության արգելոցները։

ԿլիմաԽմբագրել

Կլիման մուսոնային է։ Հունվարի միջին ջերմաստիճանը հարավում -22 °C է, հյուսիսում՝ 30, -40 °C, ծովափին՝ -18-ից -24 °C, հուլիսի միջին ջերմաստիճանը ծովափին 15-20 °C է, հարավային ներքին շրջաններում՝ 20-21 °C։ Տեղումները հյուսիսում 400-600 մմ են, հարավում՝ 600-800 մմ, Սիխոաե-Ալինի արևելյան լանջերին՝ 1000 մմ։

ԲնակչությունԽմբագրել

Խաբարովսկի երկրամասում բնակվում են ռուսներ (91, 8%), ուկրաինացիներ (2, 1%), հրեաներ (0, 2%), հյուսիսային փոքրաթիվ ժողովուրդներ և այլք։ Միջին խտությունը 1 կմ2 վրա 1, 7 մարդ է, քաղաքային բնակչությունը՝ 81, 48% ։ Խիտ է բնակչությունը մարզի հարավային շրջաններում։ Խոշոր քաղաքներն են Խաբարովսկը, Ամուրի Կոմսոմոլսկը, Սովետսկայա Գավանը, Բիրոբիջանը, Ամուրսկը, Ամուրի Նիկոլաևսկը։

ԱրդյունաբերությունԽմբագրել

Խաբարովսկի երկրամասը Հեռավոր Արևելքի արդյունաբերական շրջաններից է. մասնագիտանում է մեքենաշինության և մետաղամշակման, սև մետալուրգիայի, անտառային, փայտամշակման և թաղանթանյութի, թղթի արդյունաբերության, քիմիական արդյունաբերության, գունավոր մետաղների հանույթի, ձկնարդյունաբերության և նավթավերամշակման ուղղություններով։ Տալիս է Հեռավոր Արևելքի մեքենաշինության և մետաղամշակման արտադրանքի 45%-ը։ Թողարկվում են նավեր, մետաղահատ հաստոցներ, շարժիչներ, տուրբիններ, տրանսֆորմատորներ, լայն սպառման առարկաներ։

ԳյուղատնտեսությունԽմբագրել

Մշակում են հացահատիկ, կարտոֆիլ։ Զբաղվում են թռչնաբուծությամբ, խոզաբուծությամբ, եղջերաբուծությամբ, մեղվաբուծությամբ, գազանաբուծությամբ և գազանորսությամբ։

ՏրանսպորտԽմբագրել

Հիմնական տրանսպորտը երկաթուղին է (Անդրսիբիրյան մայրուղու Օբլուչիե-Իսսբարովսկ-Բիկին հատվածը)։

ՄշակույթԽմբագրել

Կա 9 բուհ, 34 գիտական հիմնարկ, 618 գրադարան, 8 թանգարան, 4 թատրոն, 595 ակումբ, 803 կինոկայանք։ Գործում է 9 առողջարան, 2 հանգստյան տուն։ Հրատարակվում է երկրամասային 2 թերթ (1980 թվականի դրությամբ)։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։  
  1. Шахрай С. М., Алексеев С. С., Собчак А. А. et al. Конституция Российской Федерации
  2. OKTMO
  3. 3,0 3,1 26. Численность постоянного населения Российской Федерации по муниципальным образованиям на 1 января 2018 годаFederal State Statistics Service.