Լևոն Մկրտչյան (կինոռեժիսոր)

Այս հոդվածը կինոռեժիսորի մասին է։ Այլ գործածությունների համար այցելեք Լևոն Մկրտչյան (այլ կիրառումներ)։

Լևոն Հայկի Մկրտչյան (Լևոն Գյումրեցի, փետրվարի 25, 1953(1953-02-25), Լենինական, Հայկական ԽՍՀ, ԽՍՀՄ), հայ կինոռեժիսոր, սցենարիստ և օպերատոր։

Լևոն Հայկի Մկրտչյան
Ծնվել է	փետրվարի 25, 1953 (68 տարեկան)
Ծննդավայր	Լենինական, Հայկական ԽՍՀ, ԽՍՀՄ
Կրթություն	Մոսկվայի Գերասիմովի անվան կինեմատոգրաֆիայի ինստիտուտ
Քաղաքացիություն	Հայաստան
Ազգություն	հայ
Մասնագիտացում	կինոռեժիսոր
Պարգևներ
IMDb	ID ID 5214652

Կենսագրություն

1978 թվականին ավարտել է Երևանի գեղարվեստա-թատերական ինստիտուտի ռեժիսորական բաժինը, իսկ 1984 թվականին՝ Մոսկվայի Համամիութենական կինոինստիտուտի բարձրագույն դասընթացը, կուրսի ղեկավար՝ Ջ. Ֆիրսովա։ Վավերագրական կինոյի դիմանկարային ժանրում ստեղծել է բավականին ուշագրավ ֆիլմեր, նվիրված հայազգի նշանավոր անձանց՝ կոմպոզիտոր Արմեն Տիգրանյանին, փիլիսոփա Դավիթ Անհաղթին, նկարիչ Ժանսեմին (Jansem) և Գառզուին, աստղագետ Վիկտոր Համբարձումյանին և այլք։ 1989 թվականին նկարահանել է «Պարետային ժամ» ֆիլմը նվիրված Ղարաբաղյան շարժմանը։ 1995 թվականին Ֆրանսիայում բացվել է իր լուսանկարների անհատական ցուցահանդեսը։ 2002 թվականին նկարահանել է շատ հայտնի՝ Մատյան Անկախության վավերագրական ֆիլմը, նվիրված Հայաստանի անկախության 10 ամյակին և նախագահ Լևոն Տեր-Պետրոսյանի գործունեությանը (1991-2001)։ 1987 թվականին ռեժիսորը իր նկարահանած չորս ֆիլմերի համար արժանացել է Լենինյան Կոմերտմիության մրցանակի դափնեկրի կոչման՝ Եղիշե Չարենց Հայտնի և Անհայտ Էջեր, Հովհաննես Շիրազ, Պարույր Սևակ - Կամ Եղիցի լույս և Գյումրի ֆիլմերի համար։ Բանաստեղծ Շիրազը 1983 թվականին Լևոն Մկրտչյանին կնքել էր նոր ազգանվամբ՝ Լևոն Գյումրեցի և ռեժիսորի 1984 թվականին նկարահանած «Այրուձի» ֆիլմը ստորագրված է հենց՝ Լևոն Գյումրեցի անվամբ։ Հովհաննես Շիրազ ֆիլմի դիտումից հետո - «Աստված է իր մատը դրել այս հայի ճակատին», այսպիսի գնահատանքի խոսք է գրել 1983 թվականին Հովհաննես Շիրազը ռեժիսոր Լևոն Մկրտչյանի մասին։ 2001 թվականին նկարահանել է «Եվ եղավ լույս» ֆիլմը նվիրված, Հայաստանում Քրիստոնեության Հաստատման 1700- ամյակին, 301-2001 թթ)։ Կինոնկարի պրեմիերան տեղի է ունեցել Նյու Յորքում։

Կինոռեժիսորը 2002 թվականից բնակվում է ԱՄՆ ում։ Նկարահանել է ավելի քան 40 վավերագրական ֆիլմ, 100-ից ավելի հեռուստատեային տեսաֆիլմեր և հաղորդումներ, 20-ից ավելի տեսասյուժեներ՝ միջազգային համբավ ունեցող «CNN» հեռուստաընկերության համար։

Ֆիլմագրություն

• Վահան Տերյան-100 (1985) Ֆիլմի տեքստը կարդում է Սոս Սարգսյանը։
• Պարույր Սևակ կամ «Եղիցի լույս» (1984)
• Գյումրի (1987) Ֆիլմը նկարահանվել է Գյումրիում ավերիչ Երկրաշարժից աﬕսներ առաջ։ Կառապանի անունից պատմում է Ազատ Գասպարյանը
• Եղիշե Չարենց, «Հայտնի և Անհայտ Էջեր» - Սցենարի հեղինակ և ռեժիսոր Լևոն Մկրտչյան, ֆիլմի տեքստը կարդում է Սոս Սարգսյանը։ «Հայկ» վավերագրական Ֆիլմերի կինոստուդիա - 1987։ Ֆիլմում նկարահանվել են՝ Արփենիկ Չարենցը, Գևորգ Էմինը, նկարիչ Ռեգինա Ղազարյանը, երգիչ, բանահավաք՝ Հայրիկ Մուրադյանը և Չարենցի բանտի ընկեր՝ Մուրադ Ջուլֆիգարովը։
• Մաշտոց (1988) տեքստը կարդում է Սոս Սարգսյանը
• Շառլ Ազնավուր Հայաստան (1989)
• Զորավար Անդրանիկ (1990) տեքստը կարդում է Խորեն Աբրահամյանը
• Կիլիկիայի Հայկական Թագավորությունը 1993 Ֆրանսիա սցենարի հեղինակ Հրաչուհի Տատուրյան, ռեժիսոր Լևոն Մկրտչյան։ Ֆիլմում նկարահանվել են Ֆրասիայի նախկին նախագահ Ֆ. Միտերանը, Շառլ Ազնավուրը, նկարիչ Գառզուն, Շահեն Խաչատրյանը և Վեհափառ Հայրապետ Գարեգին Ա -ն։
• Եվ եղավ լույս 2001 (Նվիրված է Քրիստոնեության 1700 ամյակին)
• Մատյան Անկախության (2002) (The manuscript of independence )
• Պրեմիերա Թեհրանում (Ֆիրդուսի, Ռոստամ և Սոհրաբ) դիրիժոր Լորիս Ճգնավորյան, նկարահանվել է Չարլի Չապլինի տղան, Իրան 2001
• Հայրիկի դպրոցը 1995 (երգիչ - բանահավաք Հայրիկ Մուրադյան)
• Ազատության Ճանապարհին - Սցենարը՝ Գևորգ Էմին, Արա Վահունի և Ռուբեն Գևորգյանց
• Հաղթանակների ճանապարհով - Ավստրիա, Գերմանիա, Հունաստան ) սցենարը Հրաչուհի Տատուրյանի
• Պարետային ժամ - 1990
• Հովհաննես Շիրազ (2005)
• Հիշողություն - 2005 (Արփիար Ջանոյան)
• Քեզ Սիրում Ենք Հայաստան - 2007

Գրականություն

• Les DOCUMENTARY Films of the ARMENIAN SOVIET REPUBLIC - Berlin 1990
• ARMENIAN Cinema - CRITICS and Film| - JURNALISTS 1924-1999
• Թորոս Թորանյան - Թող Հայաստանը Խոսի, Հալեպ 1998

Արտաքին հղումներ

• Կիլիկիայի հայկական թագավորությունը, Armenian Cilicia, France Part 1 director Levon Mkrtchyan
• Armenian Cilicia, France Part 2 director Levon Mkrtchyan