Լևոն Խաչատրյան (ճարտարապետ)
Անվան այլ կիրառումների համար տե՛ս՝ Լևոն Խաչատրյան (այլ կիրառումներ)- Վիքիպեդիայում կան հոդվածներ Խաչատրյան ազգանունով այլ մարդկանց մասին։
Լևոն Կամսարի Խաչատրյան (մայիսի 2, 1939, Երևան, Հայկական ԽՍՀ, ԽՍՀՄ), հայ ճարտարապետ։
| Լևոն Խաչատրյան | |
|---|---|
| Ծնվել է | մայիսի 2, 1939 (84 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  Ուկրաինա |
| Կրթություն | ՀԱՊՀ |
| Մասնագիտություն | ճարտարապետ |
Կենսագրություն խմբագրել
1962 թվականին ավարտել է Երևանի պոլիտեխնիկական ինստիտուտը։ 1962 թվականից աշխատել է Հայպետնախագիծ ինստիտուտում, 1980-1990 թվականներին՝ տիպային նախագծման արվեստանոցի ղեկավար, 1993-2000 թվականներին՝ տնօրեն։ 2000 թվականից բնակվում է Կիևում[1]։
Ստեղծագործական ուղի խմբագրել
Խաչատրյանի համահեղինակությամբ Երևանում իրականացվել են բնակելի տներ, Վանաձորում՝ Շահումյանի անվան և Երևանյան հրապարակների կառուցապատումը (1960-1980-ական թվականներ), պատկերասրահ (1970), Ջերմուկում՝ Կույրերի միավորման առողջարանը (1970), Ստեփանավանում (1977) և Սևանի ափին (1985)՝ զբոսաշրջիկների հանգրվաններ, Ծաղկաձորում՝ ԽՍՀՄ սպորտկոմիտեի գլխավոր օլիմպիական մարզահանգրվանի համալիրը (1961-1965 և վերականգնում-վերակառուցումը՝ 1983-1988 թվականներ, երկուսն էլ՝ հեղինակային խմբերի հետ), Սլավուտիչում՝ քաղաքաշինական համալիր (Ուկրաինա, 1986)[2]։
Մրցանակներ խմբագրել
1997 թվականին արժանացել է Ուկրաինայի պետական մրցանակի։
Ծանոթագրություններ խմբագրել
- ↑ Baghdasaryan, Aram. «AV Production - Լևոն Խաչատրյան». avproduction.am. Վերցված է 2016 թ․ հունիսի 4-ին.(չաշխատող հղում)
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.