Լուսինե Թովմասյան

Վիքիպեդիայում կան հոդվածներ Թովմասյան ազգանունով այլ մարդկանց մասին:

Լուսինե Թովմասյան (հուլիսի 25, 1986(1986-07-25), Երևան, Հայկական ԽՍՀ, ԽՍՀՄ), գեղեցկության մրցույթի հայ մասնակից, ով 2003 թվականին, 17 տարեկանում արժանացել է «Միսս Հայաստան» կոչմանը։

Լուսինե Թովմասյան
Ծնվել է	հուլիսի 25, 1986(1986-07-25) (37 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	Հայաստան
Մասնագիտություն	գեղեցկության մրցույթի մասնակից և մոդել

Կենսագրություն

Լուսինե Թովմասյանը ծնվել է Հայաստանի մայրաքաղաք Երևանում, որտեղ էլ անցկացրել է իր մանկությունը։ Սովորել է Երևանի ռուս-հայկական (սլավոնական) համալսարանի միջազգային հարաբերություններ ֆակուլտետում։ 2009 թվականին ավարտել է Լոնդոնի Վեստմինստեր (“Westminster”) համալսարանի միջազգային հարաբերությունների բաժինը։ Մասնակցել է «Միսս Հայաստան» մրցույթին 2003 թվականին, երբ 17 տարեկան էր և շահել է տիտղոսը։ «Վիցեմիսս Եվրոպա-2005» մրցույթի հաղթողն է։

Իր ուժերը փորձել է նաև դերասանական արվեստում։ Նկարահանվել է «Երևան» ստուդիայի «Մի վախեցիր» և «Արտիստը» ֆիլմերում, որպես գլխավոր դերակատարուհի։ Նկարահանվել է նաև «Նախաճաշ 2-ի համար» ֆիլմում։

«Նոր ռադիո»-ի և «Նոր հանդես» (“New Mag”) ամսագրի հիմնադիր նախագահն է։ Աշխատել է Հայաստանի հանրային հեռուստաընկերությունում, վարել «Մենք ու մենք» նախագիծը։

Արտաքին հղումներ

• Լուսինե Թովմասյանը Էյ Վի Փրոդաքշն կայքում Archived 2020-07-08 at the Wayback Machine.