Լյուքսեմբուրգյան պալատ

Լյուքսեմբուրգյան պալատ (ֆր.՝ Palais du Luxembourg), պալատ, որ կառուցվել է Մարիա Մեդիչիի համար Սողոմոն դե Բրոսի նախագծով 1615-1645 թվականներին Փարիզի Լյուքսեմբուրգյան այգում՝ հանգուցյալ հերցոգ, Լյուքսեմբուրգյան տոհմի ներկայացուցիչ Պինեի կալվածքի տեղում (այստեղից էլ՝ անվանումը)։

Լյուքսեմբուրգյան պալատ
Palais du Luxembourg
Ժամանակակից կարգավիճակ`	Ֆրանսիայի Սենատի նստավայր
Երկիր`	Ֆրանսիա
Ճարտարապետական ոճ`	վերածնունդ, բարոկկո
Հիմնող`	Մարիա Մեդիչի
Ճարտարապետ`	Սողոմոն դե Բրոս
Կառուցման ժամանակաշրջան`	1615-1645

Ոճը անցումային է՝ վերածննդից բարոկկո։ Մարիա Մեդիչիի պատվերով Ռուբենսը թագուհու կյանքի դրվագներով 24 կտավ է նկարել պալատի համար։ Շինարարությունն ավարտելուց մի քանի ամիս անց Լյուդովիկոս XIII-ը Մեդիչիին արտաքսում է պալատից։ Վերջինիս մահից հետո պալատում ապրել են նրա որդին՝ Գասթոն Օռլեանցին, և թոռնիկը՝ Աննա դե Մոնպասիեն։

Նացիստական օկուպացման ժամանակ պալատում է տեղակայվել Գերմանիայի զինված ուժերի ռազմաօդային ուժերի՝ լյուֆտվաֆի (գերմ.՝ Luftwaffe) գրասենյակը Ֆրանսիայում։ Այնտեղ ժամանակ առ ժամանակ մնում էր Հերման Գյորինգը, իսկ գեներալ-ֆելդմարշալ Գուգո Շպերլեն բավական երկար ապրել է այնտեղ։ Ներկայումս այստեղ է գործում Ֆրանսիայի Սենատը։

Արտաքին հղումներ

• Լյուքսեմբուրգյան պալատը Ֆրանսիայի Սենատի կայքում

Վիքիպահեստն ունի նյութեր, որոնք վերաբերում են «Լյուքսեմբուրգյան պալատ» հոդվածին։