Լյուդվիգ Միրզոյան

Լյուդվիգ Վասիլի Միրզոյան (մայիսի 1, 1923(1923-05-01), Երևան, Հայկական ԽՍՀ, ԱԽՖՍՀ, ԽՍՀՄ - հուլիսի 20, 1999(1999-07-20), Երևան, Հայաստան), հայազգի խորհրդային աստղագետ։ Ֆիզմաթ գիտությունների դոկտոր (1968), պրոֆեսոր (1970), ՀՀ ԳԱԱ ակադեմիկոս (1996, թղթակից անդամ՝ 1986 թվականից), ՀԽՍՀ գիտության վաստակավոր գործիչ (1974)։

Լյուդվիգ Միրզոյան
Ծնվել է	մայիսի 1, 1923(1923-05-01) Երևան, Հայկական ԽՍՀ, ԱԽՖՍՀ, ԽՍՀՄ
Մահացել է	հուլիսի 20, 1999(1999-07-20) (76 տարեկան) Երևան, Հայաստան
Քաղաքացիություն	ԽՍՀՄ և  Հայաստան
Ազգություն	հայ
Մասնագիտություն	աստղագետ և համալսարանի դասախոս
Հաստատություն(ներ)	Երևանի պետական համալսարան և ՀՀ ԳԱԱ Վ. Հ. Համբարձումյանի անվան Բյուրականի աստղադիտարան
Գործունեության ոլորտ	ֆիզիկա
Անդամակցություն	Հայաստանի գիտությունների ազգային ակադեմիա, Միջազգային աստղագիտական միություն և Institut d'astrophysique de Paris?
Ալմա մատեր	Երևանի պետական համալսարան (1947)
Կոչում	ակադեմիկոս
Գիտական աստիճան	ֆիզիկամաթեմատիկական գիտությունների դոկտոր (1968)
Պարգևներ	և Հայկական ԽՍՀ գիտության վաստակավոր գործիչ

Կենսագրություն

Մասնակցել է Հայրենական մեծ պատերազմին 1942-1945 թթ.։ Ավարտել է Երևանի պետական համալսարանի ֆիզմաթ ֆակուլտետը 1947 թ.։ 1949 թվականից դասավանդել է Երևանի համալսարանում։ 1959 թվականից եղել է Բյուրականի աստղադիտարանի տնօրենի տեղակալը, 1965 թվականից՝ աստղերի ու միգամածությունների ֆիզիկայի բաժնի վարիչը։ Աշխատանքները վերաբերում են աստղերի ֆիզիկային ու էվոլյուցիային։ Կարևոր արդյունքներ է ստացել աստղասփյուռների ընդարձակման ու դրանցում գտնվող աստղերի անկայունության զարգացման վերաբերյալ։ «Գիտելիք» ընկերության նախագահության անդամ է, աստղագիտության և տիեզերագնացության գիտամեթոդական խորհրդի նախագահ։ «Աստղաֆիզիկա» համամիութենական պարբերականի գլխավոր խմբագրի տեղակալ (1965)։

Անդամակցություն

Լյուդվիգ Միրզոյանի հուշատախտակը Երևանի Աղայան փողոցում

• 1970 ԽՍՀՄ ԳԱ աստղագիտական խորհրդի անդամ
• 1958 Միջազգային աստղագիտական միության և նրա մասնագիտական հանձնաժողովների անդամ
• 1970 Աստղագնացության միջազգային ակադեմիայի թղթակից անդամ
• 1970-1975 թթ. Փարիզի աստղաֆիզիկայի ինստուտի անդամ-խորհրդական
• 1974-1987 թթ.՝ ՀԽՍՀ խմբագրության խորհրդի անդամ և աստղագիտության գիտաճյուղային խորհրդի նախագահ
• 1976-1998 թթ.` ԲԱ կից մասնագիտական խորհրդի անդամ և նախագահի տեղակալ
• 1986 թվականից` ԲԱ գլխավոր գիտաշխատակից և թեմատիկ խմբի ղեկավար
• 1986 թվականին դարձել է ՀԽՍՀ ԳԱ թղթակից անդամ, 1965-1988 թթ. «Աստղաֆիզիկա» համամիութենական հանդեսի գլխավոր խմբագրի տեղակալ, 1988-1998 թթ.` գլխավոր խմբագիր
• 1990 թվականին դարձել է Եվրոպական աստղագիտական ընկերության անդամ

Պարգևներ

• Պարգևատրվել է Աշխատանքային կարմիր դրոշի շքանշանով, 1974
• ՀՀ գիտությունների վաստակավոր գործիչ

Երկեր

• Բռնկվող աստղեր, Ե., 1973:
• Անկայուն երևույթներ աստղերի աշխարհում, Ե., 1980:
• Нестационарность и юволюция звезд. Е., 1981.

Գրականություն

• Լյուդվիկ Վասիլի Միրզոյան (Կենսամատենագիտություն), Ե., 1998
• Նունե Միրզոյանի «Կյանք` նվիրված Բյուրականին» (գիրքը հոր՝ ակադեմիկոսԼյուդվիկ Միրզոյանի մասին է)

Արտաքին հղումներ

• Լյուդվիգ Վասիլի Միրզոյան

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 619)։