Լյուբլյանայի համալսարան

Լյուբլյանայի համալսարան (սլովեն.՝ Univerza v Ljubljani), համալսարան Լյուբլյանայում։

Լյուբլյանայի համալսարան
University of Ljubljana Palace.jpg
Տեսակհասարակական համալսարան և ազատ հասանելիության հրատարակություն
Հիմնադրված է1919[1]
Անվանված էԱլեքսանդր I Կարագեորգիևիչ և Edvard Kardelj?
ՌեկտորGregor Majdič?
ԱնդամակցությունMediterra, Ուտրեխտի ցանց, Եվրոպական Քաղաքական Ինստիտուտների Ցանց և Եվրոպայի համալսարանների միություն[2]
ԵրկիրFlag of Slovenia.svg Սլովենիա[3]
ՏեղագրությունԼյուբլյանա
Պարգևներ«Բացառիկ ծառայությունների համար» շքանշան
Կայքuni-lj.si
##Լյուբլյանայի համալսարան (Սլովենիա)
Red pog.png
Լյուբլյանայի համալսարան, Սլովենիա
University of Ljubljana Վիքիպահեստում

Սլովենիայի ամենահին համալսարանն է, որն ունի ավելի քան 37,000 ուսանող։ Եվրոպայի խոշորագույն համալսարաններից մեկն է, ունի 23 ֆակուլտետ, երեք գեղարվեստական 3 ակադեմիա[4]։ Մտնում է եվրոպական համալսարանների Ուտրեխտի ցանցի մեջ։

ՊատմությունԽմբագրել

Դեռևս 17-րդ դարում Լյուբլյանայում գործել են հումանիտար ու աստվածաբանական ակադեմիաներ, իսկ 1810 թվականին՝ Նապոլեոնի ժամանակներում, երբ Սլովենիան մտնում էր Իլիրիայի նահանգի մեջ, այստեղ հիմնադրվել է առաջին համալսարանը (ֆր.՝ Écoles centrales), որը, սակայն, շուտով փակվել է։

Առաջին համաշխարհային պատերազմից և Սերբերի, խորվաթների ու սլովենացիների թագավորության ձևավորումից հետո 1918 թվականի նոյեմբերի 23-ին Լյուբլյանայում ստեղծվել է համալսարանական հանձնաժողով, որն իր վերջնականորեն ձևավորումն է ստացել 1918 թվականի դեկտեմբերի 5-ին դոկտոր Դ․ Մայարոնի նախագահությամբ։ Հանձնաժողովի քարտուղարն է եղել բանասեր, դոկտոր Ֆրան Ռամովշը։

Արդեն 1919 թվականի մարտից սկսվել են ապագա համալսարանի առանձին ֆակուլտետների ձևավորման շուրջ հանձնաժողովի աշխատանքները։ 1919 թվականի հուլիսի 16-ին Թագավորության խորհրդարանը Բելգրադում որոշում է ընդունել համալսարանում բացել իրավագիտության, փիլիսոփայության, տեխնիկական, աստվածաբանական ու բժշկական ֆակուլտետներ (վերջինս երկամյա ոչ լիարժեք ուսուցմամբ)։ Որոշումը նույն թվականի հուլիսի 23-ին ստորագրել է տեղապահ Ալեքսանդրը[5]։ Առաջին դասախոսությունը սլովեներենով 1919 թվականի դեկտեմբերի 3-ին կարդացել է պրոֆեսոր Ֆրան Ռամովշը։

Ակադեմիական առաջին տարում (1919-1920) համալսարանում ուսանել է 942 ուսանող՝ 28 աղջիկ, 914 տղա, իսկ 1940-1941 ուստարում ուսանողների թիվը հասնում էր արդեն 2474-ի։

Ներկայումս համալսարանում աշխատում է 3,500 պրոֆեսոր ու գիտաշխատող, ինչպես նաև մոտ 900 մարդուց բաղկացած տեխնիկական ու վարչական անձնակազմ։ Համալսարանի տարեկան բյուջեն կազմում է 330,7 միլիոն եվրո (2018)[4]։

Մինչև Մարիբորում համալսարան բացումը (1978) Լյուբլյանայի համալսարանը միակն է եղել Սլովենիայում։

Ֆակուլտետներ և ակադեմիաներԽմբագրել

ՖակուլտետներԽմբագրել

  • Բիոտեխնիկական ֆակուլտետ (Յամնիկարևա փ․, 101)
  • Տնտեսագիտության ֆակուլտետ (Կարդելև հր․, 17)
  • Ճարտարապետության ֆակուլտետ (Ցոյսովա փ․,12)
  • Հասարակական գիտությունների ֆակուլտետ (Կարդալև հր․, 5)
  • Էլեկտրատեխնիկական ֆակուլտետ (Տրժաշկայա փ․, 25)
  • Դեղագործոկոն ֆակուլտետ (Աշկերչևա փ․, 7)
  • Երկրաբանա-շինարարական ֆակուլտետ (Յամովա փ․, 2)
  • Քիմիայի ու քիմիական տեխնոլոգիայի ֆակուլտետ (Աշկերչևա փ․, 5)
  • Ֆիզմաթ ֆակուլտետ (Յադրանսկայա փ․, 19)
  • Ծովագնացության ու տրանսպորտի ֆակուլտետ (Ծովագնացների ճանապարհ, Պորտորոժ)
  • Ինֆորմատիկայի ու համակարգչային գործի ֆակուլտետ (Տրժաշկա փ․, 25)
  • Սոցիալական գործի ֆակուլտետ (Տոպնիշկա փ․, 31)
  • Մեքենաշինության ֆակուլտետ (Աշկերչևա փ․, 6)
  • Սպորտի ֆակուլտետ (Գորտանով փ․, 22)
  • Կառավարման ֆակուլտետ (Գոսարև փ․, 2)
  • Փիլիսոփայության ֆակուլտետ (Աշկերչևա փ․, 2)
  • Բժշկական ֆակուլտետ (Վրազի փ․)
  • Բնական-տեխնիկական ֆակուլտետ (Աշկերչևա փ․, 12)
  • Մանկավարժական ֆակուլտետ (Կաևդելև հր․, 16)
  • Իրավաբանական ֆակուլտետ (Պոլյանսկայա փ․, 2)
  • Աստվածաբանական ֆակուլտետ (Պոլյանսկայա փ․, 4)
  • Անասնաբուժական ֆակուլտետ (Գերբիչև փ․, 60)
  • Բժշկական ֆակուլտետ (Լեչեբնայա փ․, 5)

ԱկադեմիաներԽմբագրել

  • Երաժշտական ակադեմիա
  • Թատրոնի, ռադիոյի, կինոյի ու հեռուստատեսության ակադեմիա
  • Գեղարվեստի ակադեմիա

Համալսարանի ռեկտորատը գտնվում է Լյուբլյանայի կենտրոնի պատմական շենքում։ Համալսարանին կից գործում է աստղագիտական գեոֆիզիկական աստղադիտարան։

ԾանոթագրություններԽմբագրել

Արտաքին հղումներԽմբագրել