Լիդա Սահակյան
- Վիքիպեդիայում կան հոդվածներ Սահակյան ազգանունով այլ մարդկանց մասին։
Լիդա Արշակի Սահակյան (ապրիլի 8, 1941, Թթուջուր, Կրասնոսելսկի շրջան, Հայկական ԽՍՀ, ԽՍՀՄ), հայ քիմիկոս։ Մանկավարժական գիտությունների դոկտոր, պրոֆեսոր։
Լիդա Սահակյան | |
|---|---|
| Ծնվել է | ապրիլի 8, 1941 (83 տարեկան) Թթուջուր, Կրասնոսելսկի շրջան, Հայկական ԽՍՀ, ԽՍՀՄ |
| Քաղաքացիություն |  ԽՍՀՄ |
| Մասնագիտություն | քիմիկոս |
| Հաստատություն(ներ) | Երևանի Մխիթար Հերացու անվան Պետական Բժշկական Համալսարան |
| Ալմա մատեր | Երևանի պետական համալսարան (1965) |
| Գիտական աստիճան | մանկավարժական գիտությունների դոկտոր և պրոֆեսոր |
Կենսագրություն խմբագրել
Լիդա Սահակյանը ծնվել է Գեղարքունիքի մարզի Թթուջուր գյուղում։ 1965 թվականին ավարտել է Երևանի պետական համալսարանը։ 1968 թվականից աշխատում է Երևանի պետական բժշկական համալսարանում, 1996 թվականից՝ դեղագիտության ֆակուլտետի քիմիայի ամբիոնի վարիչ[1]։
Աշխատությունները վերաբերում են c-տեղակալված գլուտամինաթթուների և ɑ-ամինաադիպինաթթուների սինթեզին։
1998-2000 թվականներին եղել է «Դպրոցական օլիմպիական շարժում» հասարակական կազմակերպության նախագահ, 2000 թվականից՝ պատվավոր նախագահ։ 1977 և 2006 թվականներին եղել է քիմիա առարկայի միջազգային օլիմպիադայի ժյուրիի նախագահ։ 2006 թվականից ՀՀ Մանկավարժական գիտությունների ակադեմիայի անդամ[2]։
Հեղինակ է «Անօրգանական քիմիա. ընդհանուր քիմիա» (2001), համահեղինակ՝ «Քիմիայի դպրոցական ծրագրերի» (7-10-րդ դասարանների), դասագրքերի (7-8-րդ դասարանների) և բուհական դասագրքերի, խնդրագրքերի, մեթոդական ձեռնարկների («Քիմիայի շտեմարանի բարդ խնդիրների լուծումները», 2002)[3][4][5]։
Պարգևներ խմբագրել
- Քիմիական կրթության ընկերակցության ոսկե մեդալ, 2006
Ծանոթագրություններ խմբագրել
- ↑ Admin. «Դեղագիտական ֆակուլտետի քիմիայի ամբիոն». www.ysmu.am. Վերցված է 2016 թ․ նոյեմբերի 8-ին.(չաշխատող հղում)
- ↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007.
- ↑ «Պրոբլեմամոդուլային ուսուցման ճկուն տեխնոլոգիա» (PDF). Արխիվացված է օրիգինալից (PDF) 2017 թ․ նոյեմբերի 18-ին. Վերցված է 2016 թ․ նոյեմբերի 8-ին.
- ↑ ՀՀ Գիտությունների ազգային ակադեմիայի հիմնարար գիտական գրադարան
- ↑ «Քիմիա. Լիդա Սահակյան, Գյուլնարա Փալիկյան, Ժաննա Սարգսյան, Զեփյուռ Կարապետյան, Նինա Հոբոսյան, Գոհար Ներսիսյան, Առլիկ Խաչատրյան, Սամվել Վարդապետյան, Կարինե Ավետիսյան - Պաշարների շտեմարան». lib.armedu.am. Արխիվացված է օրիգինալից 2017 թ․ հունվարի 18-ին. Վերցված է 2016 թ․ նոյեմբերի 8-ին.