Լիանա Հունանյան
հայ տնտեսագետ
- Վիքիպեդիայում կան հոդվածներ Հունանյան ազգանունով այլ մարդկանց մասին։
Լիանա Ալեքսանդրի Հունանյան (մարտի 28, 1977, Երևան, Հայկական ԽՍՀ, ԽՍՀՄ), Հայաստանի պետական գործիչ։
| Լիանա Հունանյան | |
|---|---|
| Ծնվել է | մարտի 28, 1977 (47 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Կրթություն | ՀԱՊՀ |
| Մասնագիտություն | տնտեսագետ |
| Կուսակցություն | Հայաստանի Հանրապետական կուսակցություն |
Կրթություն խմբագրել
- 1994-1998 թվականներին սովորել և ավարտել է Հայաստանի պետական ճարտարագիտական համալսարանի մետալուրգիայի ֆակուլտետը։
- 2004-2006 թվականներին սովորել և ավարտել է Հայաստանի ամերիկյան համալսարանը՝ ստանալով Գործարար ղեկավարման մագիստրոսի կոչում «Ֆինանսներ և հաշվապահություն» մասնագիտացմամբ։
Աշխատանքային գործունեությունը խմբագրել
- 1998-2000 թվականներին «Մելլաթ բանկ» դ/բ ՓԲԸ SWIFT-ի թղթավարության գծով պատասխանատու աշխատակից։
- 2001-2005 թվականներին զբաղեցրել է ՀՀ կենտրոնական բանկի ֆինանսական գործառնությունների դեպարտամենտի մասնագետի, ռիսկերի կառավարման վարչության մասնագետի, ռիսկերի կառավարման վարչության դրամավարկային կարճաժամկետ ծրագրավորման և ներքին ռիսկերի կառավարման բաժնի ռիսկերի կառավարչի պաշտոնները։
- 2005-2007 թվականներին՝ ՀՀ Կենտրոնական բանկի տնտեսական հետազոտությունների վարչության տնտեսական հետազոտությունների և դրամավարկային քաղաքականության բաժնի տնտեսագետ, ֆինանսական վերլուծաբան։
- 2007-2010 թվականներին՝ ՀՀ Կենտրոնական բանկի վիճակագրության վարչության տնտեսական վիճակագրության զարգացման բաժնի ֆինանսական վերլուծաբան։
- 2010 թվականի մարտից մինչև 2010 սեպտեմբեր - ՀՀ կառավարության աշխատակազմի ֆինանսատնտեսագիտական վարչության պետի տեղակալ։
- 2010 թվականի սեպտեմբերին նշանակվել է ՀՀ կառավարության աշխատակազմի ֆինանսատնտեսագիտական վարչության պետ։
- 2012 թվականի հոկտեմբերի 30-ին ՀՀ վարչապետի որոշմամբ ազատվել է Հայաստանի Հանրապետության կառավարության աշխատակազմի ֆինանսատնտեսագիտական վարչության պետի պաշտոնից՝ այլ աշխատանքի անցնելու կապակցությամբ[1]։
- 2012 թվականի հոկտեմբերի 30-ին ՀՀ վարչապետի որոշմամբ նշանակվել է ՀՀ ֆինանսների նախարարի տեղակալ[2]։
- 2014 թվականի մայիսի 17-ին ՀՀ վարչապետի որոշմամբ ազատվել է Հայաստանի Հանրապետության ֆինանսների նախարարի տեղակալի պաշտոնից[3]։
- 2014 թվականի սեպտեմբերի 1-ին նշանակվել է ՀՀ գյուղատնտեսության նախարարի խորհրդական։
Պարգևներ խմբագրել
- ՀՀ վարչապետի հուշանվեր (2014)։
Տիրապետում է հայերեն, ռուսերեն և անգլերեն լեզուներին։
Հայաստանի Հանրապետական կուսակցության անդամ է։
Ամուսնացած է, ունի 2 որդի։
Ծանոթագրություններ խմբագրել
- ↑ «Լ. ՀՈՒՆԱՆՅԱՆԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ԱՇԽԱՏԱԿԱԶՄԻ ՖԻՆԱՆՍԱՏՆՏԵՍԱԳԻՏԱԿԱՆ ՎԱՐՉՈՒԹՅԱՆ ՊԵՏԻ ՊԱՇՏՈՆԻՑ ԱԶԱՏԵԼՈՒ ՄԱՍԻՆ». Արխիվացված է օրիգինալից 2019 թ․ ապրիլի 22-ին. Վերցված է 2016 թ․ հունվարի 2-ին.
- ↑ «Լ. ՀՈՒՆԱՆՅԱՆԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՖԻՆԱՆՍՆԵՐԻ ՆԱԽԱՐԱՐԻ ՏԵՂԱԿԱԼ ՆՇԱՆԱԿԵԼՈՒ ՄԱՍԻՆ». Արխիվացված է օրիգինալից 2019 թ․ ապրիլի 22-ին. Վերցված է 2016 թ․ հունվարի 2-ին.
- ↑ «ԼԻԱՆԱ ՀՈՒՆԱՆՅԱՆԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՖԻՆԱՆՍՆԵՐԻ ՆԱԽԱՐԱՐԻ ՏԵՂԱԿԱԼԻ ՊԱՇՏՈՆԻՑ ԱԶԱՏԵԼՈՒ ՄԱՍԻՆ». Արխիվացված է օրիգինալից 2019 թ․ ապրիլի 22-ին. Վերցված է 2016 թ․ հունվարի 3-ին.