Լիանա Խաչատրյան
Լիանա Խաչատրյան (1988, Երևան, Հայկական ԽՍՀ, ԽՍՀՄ), հայ արվեստագետ, արվեստի ուսուցիչ, նկարիչ-մանկավարժ։ Հայաստանի նկարիչների միության անդամ (2010)։ 2008 թվականին «Քաղաքը» գրաֆիկական աշխատանքների շարքի համար արժանացել է Հայաստանի Հանրապետության Նախագահի երիտասարդական մրցանակի[1]։
Լիանա Խաչատրյան | |
|---|---|
| Ծնվել է | 1988 |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  ԽՍՀՄ և  Հայաստան |
| Կրթություն | Հենրիկ Իգիթյանի անվան Գեղագիտության ազգային կենտրոն |
| Մասնագիտություն | արվեստագետ, նկարչուհի և մանկավարժ |
| Պարգևներ | |
| Անդամակցություն | Հայաստանի նկարիչների միություն |
Կենսագրություն խմբագրել
Լիանա Խաչատրյանը ծնվել է 1988 թվականին, Երևանում։ 1995-2005 թվականներին սովորել է Հենրիկ Իգիթյանի անվան գեղագիտության ազգային կենտրոնում, 2005-2009 թվականներին՝ Լորիս Քալաշյանի անվան հայկական բաց համալսարանի կերպարվեստի ֆակուլտետում։ Մասնակցել է ԱԻԿԱ-Հայաստան (Արվեստի քննադատների ազգային ասոցիացիա) մեկամյա կուրատորական դասընթացին։ 2009 թվականից դասավանդում է Գեղագիտության ազգային կենտրոնում[2]։ Զբաղվում է կերպարվեստի տարբեր ճյուղերով, այդ թվում գեղանկար, ձեռքի և հաստոցային գրաֆիկա, կերամիկա, քանդակ, ժամանակակից արվեստ։
Մասնակցել և կազմակերել է բազմաթիվ ցուցահանդեսներ և արվեստի միջոցառումներ, այդ թվում՝ ցուցահանդեսներ է կազմակերպել համագործակցելով Երևանի պետական համալսարանի, Հայաստանի ամերիկյան համալսարանի, Թումո ստեղծարար տեխնոլոգիաների կենտրոնի, Կոմիտասի թանգարան-ինստիտուտի, Երևանի ժամանակակից արվեստի թանգարանի և այլ հաստատությունների հետ։
Պարգևներ խմբագրել
Ծանոթագրություններ խմբագրել
- ↑ 1,0 1,1 «Լիանա Խաչատրյանի մասին presidentprize.am կայքում». Արխիվացված է օրիգինալից 2022 թ․ հուլիսի 16-ին. Վերցված է 2020 թ․ դեկտեմբերի 13-ին.
- ↑ «Գեղագիտության ազգային կենտրոն, Կերպարվեստ և դեկորատիվ կիրառական արվեստ». Արխիվացված է օրիգինալից 2020 թ․ հունիսի 9-ին. Վերցված է 2020 թ․ հունիսի 14-ին.