Վիքիպեդիա

Լիամ Միլլեր

ֆուտբոլիստ

Ուիլյամ Պիտեր Միլլեր (անգլ.՝ William Peter Miller; փետրվարի 13, 1981(1981-02-13)[1][2], Կորկ, Մանսթեր, Իռլանդիա - փետրվարի 9, 2018(2018-02-09)[3], Կորկ, Մանսթեր, Իռլանդիա), ավելի հայտնի որպես՝ Լիամ Միլլեր (անգլ.՝ Liam Miller), իռլանդացի ֆուտբոլիստ, «Ուիլմինգտոն Համերհեդս» ակումբի կիսապաշտպան։ Հանդիսանում է Իռլանդիայի ազգային հավաքականի նախկին ֆուտբոլիստներից մեկը։

Football pictogram.svg
Լիամ Միլլեր
անգլ.՝ Liam Miller
Liam Miller (cropped).jpg
Անձնական տվյալներ
Ամբողջական անուն Ուիլյամ Պիտեր Միլլեր
Ազգությունը Իռլանդիա Իռլանդիա
Քաղաքացիությունը Իռլանդիա Իռլանդիա
Ծննդյան ամսաթիվ փետրվարի 13, 1981(1981-02-13)[1][2]
Ծննդավայր Կորկ, Իռլանդիա
Մահվան ամսաթիվ փետրվարի 9, 2018(2018-02-09)[3] (36 տարեկան)
Մահվան վայր Կորկ, Մանսթեր, Իռլանդիա
Հասակ 170 սմ
Քաշ 68 կգ
Դիրք կենտրոնական կիսապաշտպան
Ակումբային տեղեկություններ
Ներկա ակումբ Ամերիկայի Միացյալ Նահանգներ Ուիլմինգտոն Համերհեդս
Համար 6
Պատանեկան կարիերա
1997-2000 Շոտլանդիա Սելտիկ
Մասնագիտական կարիերա*
Տարի Ակումբ Խաղ (Գոլ)
2000-2004 Շոտլանդիա Սելտիկ 26 (2)
2001 → Դանիա Օրհուս 18 (0)
2004-2006 Անգլիա Մանչեսթեր Յունայթեդ 9 (0)
2005-2006 → Անգլիա Լիդս Յունայթեդ 28 (1)
2006-2009 Անգլիա Սանդերլենդ 57 (3)
2009 → Անգլիա Քուինս Պարկ Ռեյնջերս 13 (0)
2009-2011 Շոտլանդիա Հայբերնիան 66 (7)
2011-2013 Ավստրալիա Պերտ Գլորի 50 (2)
2013-2014 Ավստրալիա Բրիսբեն Ռոար 24 (3)
2014 Ավստրալիա Մելբուրն Սիթի 2 (0)
2015 Իռլանդիա Կորկ Սիթի 29 (0)
2016-մ.հ. Ամերիկայի Միացյալ Նահանգներ Ուիլմինգտոն Համերհեդս 0 (0)
Ազգային հավաքական
Իռլանդիա Իռլանդիա (մինչև 17)
Իռլանդիա Իռլանդիա (մինչև 21)
2004-2009 Իռլանդիա Իռլանդիա[4] 21 (1)
* Մասնագիտական կարիերայում ընդգրկված են միայն առաջնության խաղերը և գոլերը 
ըստ 2016 թվականի փետրվարի 18-ի:

Միլլերը Գլազգոյի «Սելտիկի» սանն է, 2001 թվականին «կելտերի» հետ կնքել է իր առաջին պրոֆեսիոնալ ֆուտբոլային պայմանագիրը։ Այդ նույն թվականին Լիամը, կնքելով կես տարի ժամկետ ունեցող վարձավճարային պայմանագիր, համալրում է դանիական «Օրհուսի» կազմը, որի հետ էլ այդ ժամանակահատվածում անցկացնում է 18 հանդիպում։ Վերադառնալով «Սելտիկ Պարկ»՝ իռլանդացին շուրջ երկու տարի պայքար է մղում «կելտերի» հիմնական կազմի ֆուտբոլիստ դառնալու համար։ 2003-04 ֆուտբոլային տարում Միլլերը թիմի կազմում մասնակցելով 40 խաղի՝ վերջիվերջո անցկացնում է իր առաջին ոչ պակաս լրիվ մրցաշրջանը «սպիտակականաչների» կազմում։ Մրցաշրջանի ավարտից հետո իռլանդացին հրաժարվում է շոտլանդական ակումբի հետ նոր պայմանագիր կնքել և ուղևորվելով Անգլիա՝ պայմանագիր է կնքում «Մանչեսթեր Յունայթեդի» հետ[5]։ «Կարմիր սատանաների» կազմում, Լիամը չի կարողանում հաստատվել, ինչի պատճառով էլ «մանկունյացիների» հետ երկու տարվա ընթացքում մասնակցում է ընդամենը 22 հանդիպման։ 2005-06 մրցաշրջանի երկրորդ կեսը Միլլերը վարձավճարով անց է կացնում «Լիդս Յունայթեդի» կազմում[6]։ 2006 թվականին Լիամը տեղափոխվում է «Սանդերլենդ»։ 2009 թվականի հունվարին Լիամի նոր գործատուն է դառնում «Քուինս Պարկ Ռեյնջերսը», որի կազմը նա համալրում է վարձավճարային պայմանագրով։ Այդ նույն տարվա սեպտեմբերին Միլլերը պայմանագիր է կնքում շոտլանդական «Հայբերնիանի» հետ, որի կազմում անցկացնում է երկու ֆուտբոլային մրցաշրջան։ 2011 թվականի ամռանը, էդինբուրգցիների հետ ունեցած պայմանագրի ժամկետի լրանալուց հետո խավբեկը ուղևորվում է Ավստրալիա, որտեղ պայմանագիր է կնքում «Պերտ Գլորի» ֆուտբոլային ակումբի հետ[7]։

2004 թվականից 2009 թվականը Լիամը պաշտպանել է Իռլանդիայի ազգային հավաքականի գույները։ Նա հավաքականի կազմում մասնակցել է 21 հանդիպման և դարձել է մեկ գոլի հեղինակ։

Վաղ տարիներԽմբագրել

Լիամ Միլլերը ծնվել է 1981 թվականի փետրվարի 13-ին, իռլադական Կորկ քաղաքում՝ կրոնասեր աշխատավորների ընտանիքում[8]։ Նրա հայրը ազգությամբ շոտլանդացի է, իսկ մայրը՝ իռլանդուհի։ Հարցազրույցներից մեկի ժամանակ Միլլերը ասել է, որ կրոնը և ֆուտբոլը նրա ընտանիքում գրավում էին առաջատար հորիզոնականները[9]։ Կրթությունը ստացել է իր հարազատ քաղաքում գտնվող Կոուչֆորդ (անգլ.՝ Coachford College) քոլեջում[10]։

Ակումբային կարիերաԽմբագրել

«Սելտիկ»Խմբագրել

1997 թվականին տասնվեցամյա Միլլերով հետաքրքրվում է շոտլանդական «Սելտիկը», որն էլ իռլանդացուն առաջարկում է թիմի պահեստային կազմի պայմանագիր։ 2000 թվականի մայիսի 21-ին Լիամը «Դանդի Յունայթեդի» դեմ խաղում նշում է իր նորամուտը «սպիտակականաչների» կազմում[11]։ Նույն թվականի օգոստոսի 24-ին, ՈւԵՖԱ գավաթի շրջանակներում անցկացվող՝ Լյուքսեմբուրգի «Ժենեսի» դեմ խաղում, Լիամը նշում է իր նորամուտը եվրոգավաթային մրցաշարերում[12]։

2001-02 մրցաշրջանում իռլանդացին կնքելով կես տարի ժամկետով վարձավճարային պայմանագիր՝ համալրում է դանիական «Օրհուսի» կազմը։ Այս ակումբի հետ Լիամը մասնակցում է 18 հանդիպման[13]։ Պայմանագրի ժամկետի լրանալուց հետո դանիացիները «Սելտիկին» առաջարկելով 300 հազար ֆունտ սթերլինգ՝ ցանկանում էին վերջնականորեն գնել Միլլերի տրանսֆերը, սակայն «կելտերը» մերժում են նրանց առաջարկը և վերադարձնում են Լիամին իրենց շարքերը[14]։

2003 թվականի սեպտեմբերի 30-ին, Չեմպիոնների լիգայի շրջանակներում, Լիամը հեղինակում է թիմի կողմից ֆրանսիական «Լիոնի» դարպասը խփված երկու գոլերից մեկը։ Խաղն ավարտվում է հենց 2-0 հաշվով։

Նույն թվականի հոկտեմբերի 18-ին, «Հարթ օֆ Միդլոտիանի» դեմ խաղում Միլլերը դառնում է դուբլի հեղինակ և այդպիսով բացում է «սպիտակականաչների» կազմում, իր կողմից շոտլանական Պրեմիեր Լիգայում խփված գոլերի հաշիվը[15]։

Այս ամենը ստիպում է «Սելտիկի» գլխավոր մարզիչ Մարտին Օ’Նիլին՝ փութացնել կելտերի տնօրինությանը իռլանացուն նոր պայմանագրի առաջարկման հարցում, քանի որ Լիամի հետ ունեցած ընթացիկ պայմանագրի ժամկետը լրանում էր 2003-04 մրցաշրջանի վերջում[5][16]։

Սակայն Լիամի համար անսպասելի է դառնում անգլիական «Մանչեսթեր Յունայթեդը», որի հետ կիսապաշտպանը 2004 թվականի հունվարին նախնական պայմանավորվածություն է ձեռք բերում[5][17]։ Միլլերի այս որոշումը հիասթափեցնում է Օ’Նիլին, ով հարցազրույցներից մեկում ասում է, որ «ցանկանում էր երիտասարդ հեռանկարային իռլանդացու շուրջ կառուցել ամբողջ թիմի խաղը»[18]։ Ինքը՝ Միլլերը խոսել է այն մասին, որ շատ շնորհակալ է հյուսիսիռլանդացի փորձագետից այն բանի համար, որ նա «ըստ էության իրեն ֆուտբոլ խաղալ է սովորեցրել»[9]։

Իռլանդացու տեղափոխությունը «Մանչեսթեր» բուռն վրդովմունքներ է առաջեցնում «Սելտիկի» երկրպագուների մոտ, որոնք էլ մեղադրում էին «սպիտակականաչների» տնօրինությանը Լիամի պայմանագրի կնքման հարցը անտեղի ձգձգելու համար[19]։

«Մանչեսթեր Յունայթեդ»Խմբագրել

2004 թվականի հուլիսի 1-ին Միլլերը պաշտոնապես դառնում է «կարմիր սատանաների» ֆուտբոլիստը։ Նույն թվականի հոկտեմբերի 26-ին Լիգայի գավաթի շրջանակներում՝ «Քրու Ալեկսանդրայի» դեմ խաղում, Լիամը հեղինակում է իր առաջին գնդակը նոր թիմի կազմում[20]։ Լիամը «Յունայթեդի» կազմում անց է կացնում երկու մրցաշրջան և այդ ժամանակահատվածում մասնակցում է ընդամենը 22 խաղի և դառնում է երկու գոլի հեղինակ[8]։ Այնուամենայնիվ Միլլերը որոշ ժամանակ անց ասում է.

  Ես չեմ ափսոսում Մանչեսթերում անցկացրած իմ ժամանակի համար։ Չէ՞ որ ես եղել եմ այդ հռչակավոր ակումբի մի մասնիկը և աշխատել եմ մեծն Ալեքս Ֆերգյուսոնի տնօրինության տակ[5][9]։  

2005 թվականի նոյեմբերի 4-ին Լիամը կնքելով երեք ամիս ժամկետով վարձավճարային պայմանագիր՝ համալրում է «Լիդս Յունայթեդի» կազմը[21]։ Այնուհետև Լիամի պայմանագիրը երկարաձգվում է մինչև 2005-06 մրցաշրջանի ավարտը[22]։ Յորկշիրական ակումբի սպիտակ մարզաշապիկով իռլանդացին հեղինակեց ընդամենը մեկ գոլ՝ նոյեմբերի 19-ին, «Սաութհեմփթոնի» դարպասը[23]։ Լիամը «Լիդսի» «Պրեստոն Նորթ Էնդի» դեմ Լիգայի փլեյ-օֆֆ փուլի կիսաեզրափակչում Պրեմիեր լիգա դուրս գալու համար մղվող թվով երկու հանդիպումներում՝ խաղում է կարևոր դեր թիմի հաղթանակի համար։ Եզրափակչում «Յունայթեդին» անհաջողություն էր սպասում. մայիսի 21-ին «Միլենիում» մարզադաշտում նրանք 0-3 հաշվով պարտվում են «Ուոտֆորդին» և զրոյի են հավասարեցնում անգլիական բարձրագույն դիվիզիոն դուրս գալու հնարավորությունը[24]։ «Սիրամարգերի» կազմում Միլերը մասնակցում է 28 հանդիպման և դառնում է մեկ գոլի հեղինակ[8]։

2006 թվականի հուլիսին «Daily Telegraph» թերթը տեղեկացնում է, որ «Մանչեսթեր Յունայթեդը» պատրաստ է վաճառել Լիամին, եթե իրենց հղվի հարմար առաջարկ[25]։ Այդ տեղեկությունը ավելի քան իրական է դառնում այն ժամանակ, երբ Միլլերը չի հայտավորվում անգամ՝ «մանկունյացիների» հուլիսի 16-ին կայանալիք «Օրլանդո Պայրետսի» դեմ ընկերական խաղին, այն ինչ այդ խաղի համար հայտավորված թիմի կազմի մեջ էին պահեստային և ակադեմիայի երիտասարդ ֆուտբոլիստները[26]։

Օգոստոսի 31-ին իռլանդացին, ստորագրելով 3 տարի ժամկետով պայմանագիր, համալրում է անգլիական «Սանդերլենդի» կազմը[27]։ Միլլերը լքեց Մանչեսթերը` երկու մրցաշրջանում նրա կազմում Պրեմիեր լիգայում անցկացնելով ընդամենը 9 խաղ[8]։

«Սանդերլենդ»Խմբագրել

2006 թվականի սեպտեմբերի 9-ին, Լիամը նշում է իր նորամուտը «Սանդերլենդի» կազմում։ Նրա նորամուտային խաղում «սև կատուները» «Փրայդ Պարկ» մարզադաշտում 2-1 հաշվով հաղթում են «Դերբի Քաունթիին»[28]։ Սեպտեմբերի 13-ին կայացած իր հաջորդ խաղում, իռլանդացին հեղինակում է իր առաջին գոլը նոր ակումբի կազմում։ «Լիդս Յունայթեդի» դեմ խաղում Միլլերը, կախելով գնդակը «սիրամարգերի» դարպասապահ Տոնի Ուորների վրայով, հանդիպման 28-րդ րոպեին բացում է խաղի հաշիվը[29][30]։

2007 թվականի հունվարի 6-ին հանդիպման արդեն 37-րդ րոպեին ստանալով երկրորդ դեղին քարտը` Լիամը հեռացվում է Անգլիայի գավաթի շրջանակներում անցկացվող «Պրեստոնի» դեմ կիսաեզրափակչային խաղից։ Արդյունքում «սև կատուները» այդ խաղում կրում են նվազագույն հաշվով պարտություն[31]։ 2006-07 մրցաշրջանի արդյունքներով Սանդերլենդին տրվում է՝ հաջորդ ֆուտբոլային տարին Պրեմիեր Լիգայում սկսելու իրավունք։

«Սանդերլենդի» կազմում իր առաջին գոլը Անգլիայի բարձրագույն դիվիզիոնում Միլլերը, ցնցելով «Միդլսբրոյի» դարպասը, հեղինակում է սեպտեմբերի 22-ին[32]։ Դեկտեմբերի 8-ին Միլլերը իր կարիերայում արդեն երկրորդ անգամ է հեռացվում խաղադաշտից. «Չելսիի» հետ խաղի ժամանակ իռլանդացին ընդհարվում է լոնդոնցիների պերուացի հարձակվող՝ Կլաուդիո Պիսառոյի հետ[33]։

2008 թվականի փետրվարի 27-ին, «Սանդերլենդի» գլխավոր մարզիչ՝ Ռոյ Կինը հանում է Միլլերին տրանսֆերային վաճառքի։ Պաշտոնական հայտարարության մեջ նշվում է, որ այս ամենի պատճառը «կիսապաշտպանի կողմից խաղադաշտում ցուցաբերված անկարգապահությունն էր» և «մարզումներից հաճախակի ուշացումները»[34]։ Մամուլում տարածվում է ինֆորմացիա, ըստ որի իռլանդացու ծառայություններով հետաքրքրվում է կանադական «Տորոնտոն», որի կազմում էլ այդ պահին արդեն հանդես էին գալիս «սև կատուների» նախկին ֆուտբոլիստներից՝ Դենի Դիչիոն, Կառլ Ռոբինսոնը և Էնդի Ուելշը[35]։

«Քուինս Պարկ Ռեյնջերս»Խմբագրել

2009 թվականի հունվարին իռլանդացուն վարձավճարային պայմանագիր առաջարկելուն պատրաստ «Քուինս Պարկ Ռեյնջերսը» հետաքրքրվում էր Լիամի ծառայություններով։ «Սանդերլենդի» տնօրինությունը պատասխանում է, որ պատրաստ է «զննել» «Ռեյնջերների» կողմից առաջարկված պայմանագիրը[36]։ Արդյունքում, հաջորդ օրը Միլլերը դառնում է «Քուինս Պարկ Ռեյնջերսի» ֆուտբոլիստը։ Ըստ նոր պայմանագրի «Ռեյնջերները» 2008-09 մրցաշրջանի ավարտից հետո ունեին կիսապաշտպանի վերջնական գնման իրավունքը[37][38]։ Նույն թվականի մայիսի 19-ին լրանում է Միլլերի պայմանագրի ժամկետը, իսկ «Ռեյնջերսի» տնօրինությունը հրաժարվում է նոր պայմանագիր կնքել նրա հետ[39]։ Նույն կերպ է վարվում նաև «Սանդերլենդը», իսկ քանի որ իռլանդացու «սև կատուների» հետ ունեցած պայմանագրի ժամկետը լրանում էր ամռանը, ապա հուլիսի 31-ին կիսապաշտպանը ինքնըստինքյան դառնում էր ազատ գործակալ։

«Հայբերնիան»Խմբագրել

Լիամը ինչ-որ ակումբից նոր պայմանագիր կնքելու առաջարկ չէր ստանում, այդ իսկ պատճառով էլ համարյա ամբողջ 2009 թվականի ամառը սեփական մարզավիճակը պահելու համար՝ անց է կացնում տարատեսակ իռլանդական ակումբների հետ մարզվելով[5]։ Այնուամենայնիվ սեպտեմբերին գործազուրկ Լիամի մասին իմանում է շոտլանդական «Հայբերնիանի» գլխավոր մարզիչ՝ Ջոն Հյուզը, ով շատ էր զարմացել տեսնելով «գետնին ընկած տաշած քարը»[5]։ Մարզիչը երկար մտորումների մեջ չընկավ և անմիջապես Միլլերին առաջարկեց երկու տարի ժամկետով պայմանագիր[40], որն էլ իռլանդացին պատրաստականորեն կնքեց։ Այդ օրվանից հետո կիսապաշտպանը «Հայբերնիանի» համար դառնում է առանցքային ֆուտբոլիստ և նրա նկատմամբ սկսում են սեր տածել էդինբուրգական ակումբի երկրպագուները, որոնք էլ ժամանակի ընթացքում Լիամին տալիս են «Հայբերնիանի Արքա» (անգլ.՝ King of Hibs) մականունը[18]։

2009 թվականի սեպտեմբերի 13-ին, Լիամը «Համիլթոն Ակադեմիկալի» դեմ խաղում նշում է իր նորամուտը նոր ակումբի կազմում։ Նույն թվականի նոյեմբերին Միլլերին է վիճակվում «Շոտլանդական Պրեմիեր Լիգայի ամսվա ֆուտբոլիստ» մրցանակը[5][41]։ «Հիբսի» կազմում իր առաջին մրցաշրջանում, Միլլերը մասնակցում է 38 խաղի և դառնում է երկու գոլի հեղինակ[42]։

Նոր ֆուտբոլային տարում իռլանդացին նորից սկսում է ցուցաբերել հիանալի խաղ, սակայն նույնը ակումբի մնացած ֆուտբոլիստների մասին չէր կարելի ասել։ Արդյունքում 2010 թվականի աշնանը վատ արդյունքների համար, «Հայբերնիանի» գլխավոր մարզչի պաշտոնից հեռացվում է Ջոն Հյուզը[43]։ 2011 թվականի հունվարին էդինբուրգցիների նոր գլխավոր մարզիչ Քոլին Կոլդերվուդը, թիմի կիսապաշտպանական գծի ուժեղացման համար պայմանագիր է կնքում երեք նոր կիսապաշտպանների հետ և պայմանագրերի կնքումից շատ չանցած չհայտավորվելու բնական պատճառներ չունեցող Միլլերը իր Շոտլանդիայում գտնվելու ամբողջ ժամանակահատվածում առաջին անգամ՝ դուրս չի գալիս խաղադաշտ թիմի հիմնական կազմի հետ և պահեստային նստարաններին է անցկացնում երկու խաղ[44]։ Այնուամենայնիվ թիմի գլխավոր մարզիչը հարցազրույցներից մեկի ժամանակ խոսում է իռլանդացու բարձր կարգի մասին և ասում, որ հույս ունի, որ այսպիսի ուժեղ մրցակցությունը կստիպի խավբեկին ավելի լավ մարզավիճակի ձգտելուն[44]։ Նույն թվականի մարտին Միլլերը նշում է, որ ինքը երջանիկ է Էդինբուրգում[45]։ Սակայն, չնայած այս հանգամանքի «Հայբերնիանի» տնօրինությունը չի կարողանում համաձայնության հասնել Լիամի ներկայացուցիչների հետ պայմանագրի ժամկետի երկարաձգման հարցում և հունիսի 1-ին կիսապաշտպանը լքում է ակումբը՝ որպես ազատ գործակալ[7]։

«Պերտ Գլորի»Խմբագրել

Հունիսի 3-ին հայտնի է դառնում, որ Միլլերը ուղևորվել է Ավստրալիա, որտեղ էլ երկու տարի ժամկետով պայմանագիր է կնքել «Պերտ Գլորի» ակումբի հետ[46]։ Հոկտեմբերի 9-ին, մասնակցելով «Ադելաիդա Յունայթեդի» դեմ ամբողջ խաղին՝ իռլանդացին նշեց իր նորամուտը նոր թիմի կազմում[47]։ 2012 թվականի հունվարի 29-ին այդ նույն «Ադելաիդա Յունայթեդի» դեմ խաղում աչքի ընկնելով դիպուկ արդյունավետ հարվածով՝ Լիամը բացեց իր գոլերի հաշիվը նոր թիմի կազմում[48]։

«Բրիսբեն Ռոար»Խմբագրել

2013 թվականի մայիսի 22-ին Միլլերը կնքելով 2 տարի ժամկետ ունեցող պայմանագիր՝ ազատ գործակալի կարգավիճակով համալրում է «Բրիսբեն Ռոար» ֆուտբոլային ակումբի կազմը։ Ֆուտբոլիստին տրվում է 11 համարի մարզաշապիկը։

2013 թվականի հուլիսի 20-ին Միլլերը ընդգրկվում է Ա-Լիգայի խորհրդանշական հավաքականի կազմում և մասնակցում է «Մանչեսթեր Յունայթեդի» դեմ կայացած ընկերական խաղին։ Այդ խաղում նրանք ուղղակի ջախջախիչ պարտություն են կրում անգլիական գռանդից։ Խաղն ավարտվում է 5-1 հաշվով, իսկ անգլիական կողմից աչքի են ընկնում Դենիել Ուելբեքը, Ջեսի Լինգարդը և Ռոբին վան Պերսին։ Միլլերը խաղում ինչ-որ կերպ աչքի չի ընկնում և հանդիպման 45-րդ րոպեին նրան փոխարինում է «Մելբուրն Վիքթորի» ֆուտբոլային ակումբի կիսապաշտպան Բիլլի Ցելեսկին։

2014 թվականի հոկտեմբերի 30-ին Միլլերը պայմանագրի երկարաձգման հետ կապված վիճաբանությունների պատճառով լքում է «Բրիզբեն Ռոարը» և ազատ գործակալի կարգավիճակով սկսում նոր ակումբ փնտրել[49][50]։

«Մելբուրն Սիթի»Խմբագրել

2014 թվականի նոյեմբերի 11-ին, Ռոարը լքելուց 11 օր անց, Միլլերը պայմանագիր է կնքում Ա-Լիգայում հանդես եկող մեկ այլ ֆուտբոլային ակումբի՝ «Մելբուրն Սիթիի» հետ։ Լիամը կնքում է կարճաժամկետ պայմանագիր[51]։ Պայմանագրի ժամկետի լրանալուց հետո, ֆուտբոլիստը ևս մեկ անգամ է երկարաձգում իր պայմանագիրը և կրկին կարճ ժամկետով։ Ակումբի կազմում հանդես գալու շրջանում ֆուտբոլիստը ինչ-որ լուրջ իրադարձությամբ աչքի չի ընկնում[52]։

«Կորկ Սիթի»Խմբագրել

2015 թվականի հունվարի 15-ին Միլլերը համալրում է Իռլանդիայի առաջնությունում հանդես եկող «Կորկ Սիթիի» կազմը[53]։ Ֆուտբոլիստը նշում է իր նորամուտը տեղի «Սլայգո Ռովերս» ֆուտբոլային ակումբի դեմ կայացած խաղում, որն ավարտվում է 1-1 հաշվով[54]։

«Ուիլմինգտոն Համերհեդս»Խմբագրել

2016 թվականի փետրվարի 18-ին Միլլերը պայմանագիր է կնքում United Soccer League-ում հանդես եկող ամերիկյան «Ուիլմինգտոն Համերհեդս» ֆուտբոլային ակումբի հետ[55]։

Ակումբային վիճակագրությունԽմբագրել

Ակումբ Մրցաշրջան Առաջնություն Գավաթ Լիգայի գավաթ Լիգայի Փլեյ-օֆֆ Եվրոգավաթներ Ընդհանուր
Խաղ Գոլ Խաղ Գոլ Խաղ Գոլ Խաղ Գոլ Խաղ Գոլ Խաղ Գոլ
Սելտիկ 1999-00 1 0 - - - - - - - - 1 0
2000-01 - - - - - - - - 1 0 1 0
2002-03 - - - - 1 0 - - 1 0 2 0
2003-04 25 2 1 0 1 0 - - 13 3 40 5
Ընդհանուրը «Սելտիկում» 26 2 1 0 2 0 0 0 15 3 44 5
Օրհուս 2001-02 18 0 - - - - - - - - 18 0
Ընդհանուրը «Օրհուսում» 18 0 0 0 0 0 0 0 0 0 18 0
Մանչեսթեր Յունայթեդ 2004-05 8 0 4 0 2 1 - - 5 0 19 1
2005-06 1 0 - - 1 1 - - 1 0 3 1
Ընդհանուրը «Մանչեսթեր Յունայթեդում» 9 0 4 0 3 2 0 0 6 0 22 2
Լիդս Յունայթեդ 2005-06 28 1 2 0 - - 3 0 - - 33 1
Ընդհանուրը «Լիդս Յունայթեդում» 28 1 2 0 0 0 3 0 0 0 33 1
Սանդերլենդ 2006-07 30 2 1 0 - - - - - - 31 2
2007-08 24 1 - - 1 0 - - - - 25 1
2008-09 3 0 - - 1 0 - - - - 4 0
Ընդհանուրը «Սանդերլենդում» 57 3 1 0 2 0 0 0 0 0 60 3
Քուինս Պարկ Ռեյնջերս 2008-09 13 0 - - - - - - - - 13 0
Ընդհանուրը «Քուինս Պարկ Ռեյնջերսում» 13 0 0 0 0 0 0 0 0 0 13 0
Հայբերնիան 2009-10 33 2 4 0 1 0 - - - - 38 2
2010-11 33 5 2 0 1 0 - - 2 0 38 5
Ընդհանուրը «Հայբերնիանում» 66 7 6 0 2 0 0 0 2 0 76 7
Պերտ Գլորի 2011-12 25 2 - - - - - - - - 25 2
2012-13 24 0 - - - - - - - - 24 0
Ընդհանուրը «Պերտ Գլորիում» 49 2 0 0 0 0 0 0 0 0 49 2
Բրիսբեն Ռոար 2013-14 22 3 - - - - - - - - 22 3
2014-15 2 0 - - - - - - - - 2 0
Ընդհանուրը «Բրիսբեն Ռոարում» 24 3 0 0 0 0 0 0 0 0 24 3
Մելբուրն Սիթի 2013/14 2 0 - - - - - - - - 2 0
Ընդհանուրը «Մելբուրն Սիթիում» 2 0 0 0 0 0 0 0 0 0 2 0
Կորկ Սիթի 2015 1 0 - - - - - - - - 1 0
Ընդհանուրը «Կորկ Սիթիում» 1 0 0 0 0 0 0 0 0 0 1 0
Ընդհանուրը կարիերայում 293 18 14 0 9 2 3 0 23 3 342 23

Միջազգային կարիերաԽմբագրել

 
2008 թվականի փետրվարի 6. Իռլանդիա - Բրազիլիա ընկերական հանդիպում: Միլլերը «սելեսաոյի» ֆուտբոլիստներով շրջապատված:

1988 թվականին Միլլերը, Իռլանդիայի պատանեկան հավաքականի կազմում հաղթելով Շոտլանդիայում անցկացվող Եվրոպայի առաջնությունում, դառնում է մայրցամաքի չեմպիոն։ Առաջնության եզրափակչում «կանաչազգեստ տղաները» հաղթում են իտալացի հասակակիցներին։

Միլլերը նաև որոշ ժամանակ պաշտպանել է Իռալնդիայի երիտասարդական հավաքականի գույները[17]։

Միլլերի նորամուտը Իռլանդիայի ազգային հավաքականի կազմում կայացել է 2004 թվականի մարտի 31-ին։ Նրա նորամուտային խաղն է դառնում Չեխիայի ազգային հավաքականի դեմ ընկերական խաղը, որում իռլանդացիները 2-1 հաշվով հաղթանակ են տանում չեխերի նկատմամբ։ Լիամը այդ հանդիպմանը խաղադաշտ է դուրս գալիս 69-րդ րոպեին՝ փոխարինելով Հարի Դոհերտիին[56]։ Իր առաջին և այս պահի դրությամբ միակ գոլը Իռլանդիայի հավաքականի կազմում Միլլերը հեղինակել է Շվեդիայի ազգային հավաքականի դարպասը՝ 2006 թվականի մարտի 1-ին[57]։

Չնայած 2009 թվականի ամռանը Լիամի ակումբային կարիերայում տեղի ունեցած ընդմիջմանը, իռլանդացիների գլխավոր մարզիչ՝ Ջովանի Տրապատոնին շարունակում է հրավիրել նրան երկրի ազգային հավաքական[5]։ Ավելի ուշ Միլլերը այս առիթով ասում է.

  Ես շատ շնորհակալ եմ Ջովանիին։ Ես առանց խաղային պրակտիկայի ֆուտբոլիստ էի, և նա իրավունք ուներ ինձ ազգային հավաքականի սահմաններից դուրս թողնել։ Սակայն նա այդպես չվարվեց. ցույց տվեց, որ հավատում է իմ ուժերին, և դա իմնձ համար ամենակարևորն է[5]։  

Ընդհանուր վիճակագրությամբ Միլլերը ազգային հավաքականի կազմում անցկացրել է 22 հանդիպում և դարձել է ընդամենը մեկ գոլի հեղինակ։

Խաղերը և գոլերը Իռլանդիայի հավաքականի կազմումԽմբագրել

Արդյունքում՝ 21 խաղ / 1 գոլ; 8 հաղթանակ, 8 ոչ-ոքի, 5 պարտություն։

Խաղերի և գոլերի հակիրճ վիճակագրությունը հավաքականի կազմումԽմբագրել

Վիճակագրությունը հավաքականի կազմում
Հավաքական Թվական ԱԱ-ի ընտրական խաղեր ԱԱ-ի եզրափակիչ խաղեր ԵԱ-ի ընտրական խաղեր ԵԱ-ի եզրափակիչ խաղեր Ընկերական խաղեր Ընդհանուր
Խաղ Գոլ Խաղ Գոլ Խաղ Գոլ Խաղ Գոլ Խաղ Գոլ Խաղ Գոլ
Իռլանդիա 2004 1 0 - - - - - - 6 0 7 0
2005 - - - - - - - - 3 0 3 0
2006 - - - - - - - - 3 1 3 1
2007 - - - - 2 0 - - - - 2 0
2008 1 0 - - - - - - 3 0 4 0
2009 1 0 - - - - - - 1 0 2 0
Ընդհանուրը կարիերայում 3 0 0 0 2 0 0 0 16 1 21 1

ՁեռքբերումներԽմբագրել

Ակումբային ձեռքբերումներԽմբագրել

  Իռլանդիայի պատանեկան հավաքական

  «Սելտիկ»

  «Սանդերլենդ»

  «Բրիսբեն Ռոար»

Անձնական ձեռքբերումներԽմբագրել

Անձնական կյանքԽմբագրել

Միլլերը ամուսնացած է, ունի մեկ զավակ[58]։ Ազատ ժամանակ սիրում է գոլֆ խաղալ։ Լիամի սիրելի ֆիլմն է Ջեյմս Քեմերոնի «Ավատարը», հանգստի վայրը՝ ԱՄԷ Դուբայ քաղաքը[59]։ Միլլերի ֆուտբոլիստի իդեալն է համարվում «Մանչեսթեր Յունայթեդի» լեգենդ Էրիկ Կանտոնան։ Նրա լավագույն ընկերների շարքում են Էյդեն Մակգիդին և Ջոն Օ’Շին[60]։

ԾանոթագրություններԽմբագրել

  1. ↑ 1,0 1,1 Transfermarkt.com(բազմ․) — 2000.
  2. ↑ 2,0 2,1 Argentine Soccer Database (իսպ.)
  3. ↑ 3,0 3,1 3,2 http://www.dhnet.be/sports/football/liam-miller-ancien-international-irlandais-decede-a-36-ans-des-suites-d-un-cancer-5a7e9606cd70fdabb9ed3420
  4. ↑ «Liam Miller | Football Association of Ireland Official Website»։ Football Association of Ireland Official Website։ 28 April 2009։ Արխիվացված օրիգինալից 17 February 2013-ին։ Վերցված է 28 January 2010  (անգլ.)
  5. ↑ 5,0 5,1 5,2 5,3 5,4 5,5 5,6 5,7 5,8 «The world's a stage for Miller – Scotsman.com Sport»։ Sport.scotsman.com։ Արխիվացված օրիգինալից 2011-08-14-ին։ Վերցված է 2010-01-28  (անգլ.)
  6. ↑ «Liam Miller»։ Stretford End։ Արխիվացված օրիգինալից 2011-08-14-ին։ Վերցված է 2008-10-04  (անգլ.)
  7. ↑ 7,0 7,1 «Liam Miller leaves Hibs for Perth Glory in Australia»։ BBC Sport։ հունիսի 3, 2011։ Վերցված է 2011-06-07  (անգլ.)
  8. ↑ 8,0 8,1 8,2 8,3 «Liam Miller»։ Soccerbase։ Արխիվացված օրիգինալից 2011-08-14-ին։ Վերցված է 2008-04-10  (անգլ.)
  9. ↑ 9,0 9,1 9,2 «Webchat with John O'Shea & Liam Miller»։ Eircom։ Արխիվացված օրիգինալից 2011-08-14-ին։ Վերցված է ապրիլի 10, 2008  (անգլ.)
  10. ↑ «Life after Coachford College - Past Pupils»։ Coachford College։ Արխիվացված է օրիգինալից 2003-06-22-ին։ Վերցված է ապրիլի 10, 2008  (անգլ.)
  11. ↑ «Liam Miller»։ Manutd zone։ Արխիվացված է օրիգինալից 2008-04-03-ին։ Վերցված է 2008-04-10  (անգլ.)
  12. ↑ «Celtic hit a magnificent seven»։ BBC Sport։ օգոստոսի 24, 2000։ Վերցված է 2008-04-11  (անգլ.)
  13. ↑ Alexander Nick (օգոստոսի 31, 2006)։ «Miller makes it five»։ Sunderland A.F.C.։ Վերցված է ապրիլի 15, 2008  (անգլ.)
  14. ↑ Fisher Stewart (նոյեմբերի 9, 2003)։ «Time is right for Miller's tale to unfold; Celtic may have unearthed»։ Sunday Herald։ Վերցված է ապրիլի 10, 2008  (անգլ.)
  15. ↑ «Five-star Celtic crush Hearts»։ BBC Sport։ հոկտեմբերի 18, 2003։ Վերցված է ապրիլի 11, 2008  (անգլ.)
  16. ↑ «Miller to win new deal»։ BBC Sport։ հոկտեմբերի 1, 2003։ Վերցված է ապրիլի 17, 2008  (անգլ.)
  17. ↑ 17,0 17,1 «Man Utd clinch Miller deal»։ BBC Sport։ հունվարի 9, 2004։ Վերցված է ապրիլի 10, 2008  (անգլ.)
  18. ↑ 18,0 18,1 Spiers Graham (հոկտեմբերի 26, 2009)։ «Liam Miller’s tale the highlight of a classic encounter»։ London: The Times։ Վերցված է նոյեմբերի 1, 2009  (անգլ.)
  19. ↑ Brennan Robert։ «Miller time is nearly up»։ Irish Abroad։ Արխիվացված է օրիգինալից 2012-09-15-ին։ Վերցված է ապրիլի 11, 2008  (անգլ.)
  20. ↑ «Crewe 0 – 3 Man Utd»։ Soccernet։ հոկտեմբերի 26, 2004։ Արխիվացված է օրիգինալից 2009-02-13-ին։ Վերցված է ապրիլի 11, 2008  (անգլ.)
  21. ↑ «Miller makes Elland Road switch»։ BBC Sport։ նոյեմբերի 4, 2005։ Վերցված է ապրիլի 11, 2008  (անգլ.)
  22. ↑ «Miller extends loan deal at Leeds»։ BBC Sport։ հունվարի 6, 2005։ Վերցված է ապրիլի 11, 2008  (անգլ.)
  23. ↑ «Southampton 3–4 Leeds»։ BBC Sport։ նոյեմբերի 19, 2005։ Վերցված է ապրիլի 11, 2008 
  24. ↑ «Leeds 0–3 Watford»։ BBC Sport։ մայիսի 21, 2006։ Վերցված է ապրիլի 11, 2008  (անգլ.)
  25. ↑ Ogden Mark (հուլիսի 18, 2006)։ «Solskjaer back on target as Ferguson chases Torres»։ London: The Telegraph։ Արխիվացված է օրիգինալից 2006-07-22-ին։ Վերցված է ապրիլի 11, 2008  (անգլ.)
  26. ↑ «Orlando Pirates 0–4 Man Utd»։ BBC Sport։ հուլիսի 16, 2006։ Վերցված է ապրիլի 11, 2008  (անգլ.)
  27. ↑ «Irish trio make Sunderland switch»։ BBC Sport։ օգոստոսի 31, 2006։ Վերցված է ապրիլի 10, 2008 
  28. ↑ «Derby 1–2 Sunderland»։ BBC Sport։ սեպտեմբերի 9, 2006։ Վերցված է ապրիլի 11, 2008  (անգլ.)
  29. ↑ Walker Michael (սեպտեմբերի 14, 2006)։ «Calls for Blackwell's head as Keane's men stride on»։ London: The Guardian։ Վերցված է ապրիլի 11, 2008  (անգլ.)
  30. ↑ Команда Роя Кина одержала уверенную выездную победу(չաշխատող հղում), Чемпионат.ру (14 сентября 2006)
  31. ↑ «Preston 1–0 Sunderland»։ BBC Sport։ հունվարի 6, 2007։ Վերցված է ապրիլի 11, 2008  (անգլ.)
  32. ↑ McKenzie Andrew (սեպտեմբերի 22, 2007)։ «Middlesbrough 2–2 Sunderland»։ BBC Sport։ Վերցված է ապրիլի 11, 2008  (անգլ.)
  33. ↑ Mercer Nathan (դեկտեմբերի 8, 2007)։ «Chelsea 2–0 Sunderland»։ BBC Sport։ Վերցված է ապրիլի 11, 2008  (անգլ.)
  34. ↑ «Championship - Miller alerts Championship sides»։ Eurosport։ փետրվարի 27, 2008։ Վերցված է ապրիլի 10, 2008  (անգլ.)
  35. ↑ «Toronto eye Miller swoop»։ Eleven a side։ մարտի 5, 2008։ Արխիվացված է օրիգինալից 2009-02-12-ին։ Վերցված է ապրիլի 11, 2008  (անգլ.)
  36. ↑ «Sbragia confirms interest in Miller»։ Sunderland A.F.C.։ հունվարի 14, 2009։ Վերցված է հունվարի 14, 2009  (անգլ.)
  37. ↑ Alexander Nick (հունվարի 15, 2009)։ «Miller signs for QPR»։ Sunderland A.F.C.։ Վերցված է հունվարի 15, 2009  (անգլ.)
  38. ↑ Полузащитник «Сандерленда» перешел в «Куинз Парк Рейнджерс», Sports.ru (15 января 2009)
  39. ↑ «Miller among five released by QPR»։ BBC Sport։ մայիսի 19, 2009։ Վերցված է մայիսի 22, 2009  (անգլ.)
  40. ↑ «Hibs complete signing of ex-Celtic midfielder Liam Miller»։ The Scotsman։ սեպտեմբերի 11, 2009։ Արխիվացված է օրիգինալից 2011-08-14-ին։ Վերցված է սեպտեմբերի 20, 2009  (անգլ.)
  41. ↑ Hibs' Miller gets monthly award, BBC Sport, 8 November 2009. (անգլ.)
  42. ↑ «Games played by Liam Miller in 2009/2010»։ Soccerbase։ Վերցված է 2011-06-07  (անգլ.)
  43. ↑ «John Hughes»։ Hibernian FC։ հոկտեմբերի 4, 2010։ Արխիվացված է օրիգինալից 2011-07-16-ին։ Վերցված է 2011-06-07  (անգլ.)
  44. ↑ 44,0 44,1 Marshall Alan (փետրվարի 22, 2011)։ «Liam Miller will bounce back and prove his quality, says Hibs boss Colin Calderwood»։ Daily Record (Scotland)։ Վերցված է 2011-06-07  (անգլ.)
  45. ↑ «Liam Miller keen to stay at Hibernian»։ BBC Sport։ մարտի 17, 2011։ Վերցված է 2011-06-07  (անգլ.)
  46. ↑ «Massive coup for Perth Glory»։ Perth Glory։ հունիսի 3, 2011։ Արխիվացված է օրիգինալից 2011-06-09-ին։ Վերցված է 7 июня 2011  (անգլ.)
  47. ↑ «Perth Glory 1 - 0 Adelaide United»։ Soccerway։ Վերցված է 2011-10-10  (անգլ.)
  48. ↑ «Adelaide United 0 - 3 Perth Glory»։ Soccerway։ Վերցված է 2012-01-30  (անգլ.)
  49. ↑ «Liam Miller released by Brisbane Roar FC»։ Football Federation Australia։ հոկտեմբերի 30, 2014 
  50. ↑ «Liam Miller clears air after shock exit from Brisbane Roar and denies ever having a calf injury»։ The Courier-Mail։ նոյեմբերի 7, 2014 
  51. ↑ «Melbourne City FC Sign Liam Miller On Short-Term Contract»։ Melbourne City։ Football Federation Australia։ նոյեմբերի 11, 2014։ Արխիվացված է օրիգինալից 2014-11-11-ին։ Վերցված է 2017-01-18 
  52. ↑ «Miller Signs as Injury Replacement»։ Melbourne City։ Football Federation Australia։ նոյեմբերի 21, 2014։ Արխիվացված է օրիգինալից 2014-11-29-ին։ Վերցված է 2017-01-18 
  53. ↑ «LIAM MACKEY: Liam Miller: Homecoming ‘easy decision’»։ Irish Examiner։ 30 January 2015։ Վերցված է 30 January 2015 
  54. ↑ «Cork City struggle at Sligo Rovers»։ Irish Examiner։ մարտի 9, 2015 
  55. ↑ «Արխիվացված պատճենը»։ Արխիվացված է օրիգինալից 2016-02-25-ին։ Վերցված է 2017-01-18 
  56. ↑ «Rep of Ire 2–1 Czech Rep»։ BBC Sport։ մարտի 31, 2004։ Վերցված է ապրիլի 10, 2008  (անգլ.)
  57. ↑ «Rep of Ireland 3–0 Sweden»։ BBC Sport։ մարտի 1, 2006։ Վերցված է ապրիլի 10, 2008  (անգլ.)
  58. ↑ Dunphy Eamon (մարտի 3, 2008)։ «Dunphy slams “disgraceful” Sunderland chief»։ Eleven a side։ Արխիվացված է օրիգինալից 2009-02-12-ին։ Վերցված է ապրիլի 10, 2008  (անգլ.)
  59. ↑ First 11: Liam Miller Archived 2014-05-13 at the Wayback Machine., hibernianfc.co.uk (10 May 2010) (անգլ.)
  60. ↑ Webchat with John O’Shea and Liam Miller Archived 2009-09-07 at the Wayback Machine., eircom (անգլ.)

Արտաքին հղումներԽմբագրել

Այս հոդվածն ընտրվել է Հայերեն Վիքիպեդիայի օրվա հոդված:
Ստացված է «https://hy.wikipedia.org/w/index.php?title=Լիամ_Միլլեր&oldid=8567875» էջից