Լեոնիդ Մարտիրոսով

Լեոնիդ Արմենակի Մարտիրոսով (հոկտեմբերի 16, 1939(1939-10-16), Բաքու, Ադրբեջանական ԽՍՀ, ԽՍՀՄ), հայ ռազմական գործիչ, հրետանավոր։ ՀՀ բանակի գեներալ-մայոր (1996)։

Լեոնիդ Մարտիրոսով
հոկտեմբերի 16, 1939(1939-10-16) (85 տարեկան) -
Ծննդավայր	Բաքու, Ադրբեջանական ԽՍՀ, ԽՍՀՄ
Կոչում	հրետանավոր
Կրթություն	Թբիլիսիի հրետանային բարձրագույն հրամանատարական ուսումնարան (1961)
Պարգևներ	և

Կենսագրություն

Լեոնիդ Մարտիրոսովը ծնվել է 1939 թվականին Բաքվում։ 1961 թվականին ավարտել է Թբիլիսիի բարձրագույն հրետանային ռազմական ուսումնարանը, 1975 թվականին՝ Լենինգրադի ռազմահրետանային ակադեմիան։ 1961-1991 թվականներին ծառայել է ԽՍՀՄ ԶՈՒ Անդրկովկասյան, Միջինասիական ռազմական օկրուգներում, ԳԴՀ-ում տեղակայված ԽՍՀՄ զորախմբում՝ եղել բրիգադի հրամանատարի տեղակալ, բրիգադի հրամանատար, Անդրկովկասյան ռազմական օկրուգի 4-րդ բանակի շտաբի պետ։

1988- 1992 թվականներին եղել է ՀՀ պաշտպանության կոմիտեի օպերատիվ բաժնի ավագ սպա, 1992-1993 թվականներին՝ ՀՀ ԶՈՒ գլխավոր շտաբի օպերատիվ վարչության պետի տեղակալ, 1993-1997 թվականներին՝ վարչության պետ, 1991- 2000 թվականներին՝ գլխավոր շտաբի օպերատիվ վարչության պետ-գլխավոր շտաբի պետի տեղակալ, 2000 թվականից՝ ՀՀ գլխավոր ռազմական տեսուչի առաջին տեղակալ։

Մարտիրոսովը մասնակցել է ՀՀ սահմանամերձ և ԼՂՀ տարբեր շրջանների, Շուշիի ազատագրական մարտերին, մեծ ներդրում ունի ՀՀ բանակաշինության, ԶՈՒ ռազմական օպերատիվ արվեստի զարգացման գործում։

Պարգևներ

• ՀՀ «Մարտական խաչ» 2-րդ աստիճանի շքանշան
• ԼՂՀ «Մարտական խաչ» 2-րդ աստիճանի շքանշան
• ԽՍՀՄ «Կարմիր աստղ» շքանշան
• «Հայրենիքի ծառայության համար» շքանշան
• «Շուշիի ազատագրման համար» մեդալ

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Ղարաբաղյան ազատագրական պատերազմ (1988—1994) հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո ։