Լեյքվուդ (Կոլորադո)

Լեյքվուդ
Բնակավայր
	Լեյքվուդ
	Դրոշ
Երկիր	ԱՄՆ
Հիմնադրված է	1889 թ.
Մակերես	114,095351 կմ², 114,11638 կմ²
ԲԾՄ	1682 մետր
Բնակչություն	▲155 984 մարդ (ապրիլի 1, 2020)
Ժամային գոտի	MDT?
Պաշտոնական կայք	lakewood.org(անգլ.)
	Լեյքվուդ (Կոլորադո) (ԱՄՆ)
	Լեյքվուդ (Կոլորադո) (ԱՄՆ)
	Լեյքվուդ Վիքիպահեստում

Լեյքվուդ (անգլ.՝ Lakewood), քաղաք ԱՄՆ-ի Կոլորադո նահանգի Ջեֆերսոն շրջանում։ Այն շրջանի քաղաքների մեջ բնակչության թվաքանակով զբաղեցնում է հինգերորդ տեղը և 173-րդ տեղը նույն ցուցանիշով երկրի քաղաքների մեջ (ըստ 2013 թվականի գնահատումների)։

Աշխարհագրություն և կլիմա խմբագրել

Լեյքվուդը գտնվում է Ջեֆերսոնի շրջանի արևելյան մասում։ Փաստորեն, դա Դենվերի արևմտյան արվարձանն է՝ քաղաքների կենտրոնների միջև հեռավորությունը 9 կիլոմետրից պակաս է։ Հյուսիսից Լեյկվուդը սահմանակից է Ուիթ Ռիջ բնակավայրին, հարավ-արևելքից հասնում է մինչև Էնգլվուդ քաղաքը, հարավից՝ Լիտտլետոն քաղաքը, իսկ հյուսիս-արևմուտքից հասնում է Գոլդեն քաղաքը։ Լեյքվուդի տարածքը 110 կմ² է, որից 2.3 կմ² զբաղեցնում են բաց ջրային տարածքները։ Լեյքվուդի միջոցով անցնում են խոշոր մայրուղիներ I-70, US 6, US 40, US 285:

Լեյքվուդը գտնվում է կիսաանապատային կլիմայի գոտում (ըստ Կյոպպենի կլիմաների դասակարգման), որը բնորոշվում է մեղմ և ձնառատ ձմեռներով, իսկ ամառները լինում են շատ շոգ` ցերեկային և գիշերային ջերմաստիճանի կտրուկ տարբերություններով։ Տեղումների մեծ մասը լինում է գարնանը և ամռանը։

Օդերևութաբանական դիտարկումների ընթացքում (2000 թվականի տվյալներով) քաղաքի առավելագույն ջերմաստիճանը դիտվել է 1994 թվականի հունիսին՝ 40 °C-ի սահմաններում։ Նվազագույնը հասել է մինչև -32 °C-ի՝ 1963 թվականի հունվարի տվյալներով։ Միջին հաշվով Լեյքվուդում ամեն տարի լինում են 433.3 մմ տեղումներ։ Ամենաանձրևոտ ամիսը մայիսն է (65.8 մմ), ամենաքիչ տեղումները գրանցվում են փետրվարին (11.7 մմ)։ Ինչ վերաբերում է ձյանը՝ քաղաքի մեջ տարվա ընթացքում դիտվում է միջինը 161.2 սմ։ Ամենաձնառատ ամիսը նոյեմբերն է (30.7 սմ), ամառային ամիսներին երբեք ձյուն չի արձանագրվել^[2]։

Պատմություն խմբագրել

Բնակչությունը այս վայրում հաստատվել է 1889 թվականին, երբ Չարլզ Ուելչը և Վիլյամ Լավլենդը (Colorado Central Railroad ընկերության նախկին նախագահը) Կոլֆակս-ավենյուի կողքին ձեռք բերեցին տասներեք թաղամասեր։ Տասնամյակներ շարունակ այդ բնակավայրը մնաց որպես գավառական քաղաք՝ առանց փողոցային լուսավորության, առանց մայթերի և ինքնակառավարման, թեև պետք է նշել, որ 1914 թվականին բացվել է Կոլորադո քրիստոնեական համալսարանը։ 1969 թվականի հունիս 16-ին, Լեյքվուդը չորրորդ փորձից հետո կատարել, ինչպես նաեւ կարգավիճակի «քաղաքի» (քաղաքային) կոչվում Jefferson City, քանի որ մի բնակչության ավելի քան 90 000 մարդ, այն հանդիսանում է ամենամեծ բնակչությունը կենտրոնը Jefferson County: Այնուամենայնիվ, հաջորդ տարի, որոշվեց, համաձայն կամքի ժողովրդին, վերականգնել քաղաքի պատմական անունը։ Քաղաքի առաջին քաղաքապետը Ջեյմս Ռիչիի (1969-1977)^[3]։

2011 թվականին առաջին անգամ Լեյքվուդը արժանացել է All-America City Award մրցանակին։

Ժողովրդագրություն խմբագրել

2000

Համաձայն 2000 թվականի մարդահամարի, Լեյքվուդում բնակվում էր 144 126 մարդ, կար 60 531 տնային տնտեսություն, 36 500 ընտանիք։ Ռասայական կազմը․ սպիտակներ՝ 87,15%, սևամորթներ՝ 1,48%, ասիացիներ՝ 2,72%, բնիկ ամերիկացիներ` 1,11%, խաղաղօվկիանոսյան բնիկներ՝ 0.08%, ռասսայական այլ կազմ ունեցողներ՝ 4,88%, ռասսայական խառնուրդներ՝ 2.58%, լատինոամերիկացիներ (ցանկացած ռասային պատկանող)` 14.54%:

Տնային տնտեսությունների 27.4%-ում ապրում էին 18 տարին չլրացած երեխաներ, տնային տնտեսությունների 45.1%-ը կազմում էին միասին ապրող ամուսինները, 10.8%-ը՝ կանայք ովքեր չունեին ամուսիններ և իրենք էին իրենց տնային տնտեսությունների ղեկավարները, 39.7%-ը` ընտանիք չէին կազմել։ Միջին հաշվով ընտանիք էր կազմել 2.92 մարդ։

Քաղաքի բնակիչների 22.2%-ը 18 տարեկան էր, 9.6%-ը՝ 18-ից 24 տարեկան, 32.4%-ը` 25-ից 44, 23.6%-ը՝ 45-ից 64, իսկ 12.1% 64 տարեկանից բարձր։ Քաղաքի բնակչության միջին տարիքը 36 տարեկան էր։ Կանայք գերազանցում էին տղամարդկանց։

Միջին հաշվով տնային տնտեսությունների տարեկան եկամուտը կազմում էր 48 109 դոլար, իսկ ընտանիքներինը` 57 171 դոլար։ Միջին հաշվով տղամարդը վաստակում էր 39 800 դոլար, կինը` 31 128 դոլար։ Մեկ շնչին ընկնող տարեկան եկամուտը կազմում էր 25 575 դոլար։ Ընտանիքների 4.8%-ը և բնակչության 7.1%-ը գտնվում էր աղքատության գծից ցածր, այդ թվում անչափահասները՝ 9.5 %, և թոշակառուները՝ 4.7%:

2010

2010 թվականի մարդահամարի տվյալներով Լեյքվուդում ապրում էր 142 980 մարդ։ Ռասայական կազմը. սպիտակ՝ 82.87%, սևամորթներ և աֆրոամերիկացիներ` 1.56%, բնիկ ամերիկացիներ` 1.38%, ասիացիներ` 3.14%, խաղաղօվկիանոսյան բնիկներ` 0.11%, ռասսայական այլ կազմ ունեցողներ` 7.66%, ռասսայական խառնուրդներ` 3.27%, լատինոամերիկացիներ (ցանկացած ռասային պատկանող)` 22.01%:

2012

2012 թվականի հաշվարկներով Լեյքվուդում բնակվում էր 145 516 մարդ` 72 812-ը արական, իսկ՝ 72 704-ը իգական սեռի ներկայացուցիչներ։ Բնակչության միջին տարիքը համարվում էր 38.7 տարեկանը, միջին տարիքը նահանգի մասշտաբով` 36.1 տարեկան։ Տնային տնտեսությունների տարեկան միջին եկամուտը կազմում էր 53 967 դոլար, իսկ նահանգի մասշտաբով միջինը` 56 765 դոլար։ Մեկ շնչի հաշվով եկամուտը կազմում էր տարեկան 30 115 դոլար։ Նախնինեի ծագումը. գերմանացիներ` 19.3%, իռլանդացիներ` 11, 7%, բրիտանացիներ` 10.1%, իտալացիներ` 4.5%, ֆրանսիացիներ` 3.3%:

15 տարեկանից բարձր բնակիչների հարցումը ցույց է տվել, որ նրանց 31,2%-ը ամուսնացած չէ և երբեք չի եղել, 48,2%-ը ամուսնացած է, և նրանք միասին են ապրում, 1,6%-ը ամուսնացած է, բայց ապրում են առանձին, 5, 1%-ը` այրի է, 13.9%-ը` ամուսնալուծված։

Բնակչության 9.3%-ը ծնվել է ԱՄՆ-ից դուրս, իսկ նահանգի միջին ցուցանիշներում` 9.8%-ը^[4]։

2013

2013 թվականի տվյալներով Լեյքվուդում ապրում էր 147 214 մարդ։

Այլ տեղեկություններ խմբագրել

Քաղաքում գործում են ընկերությունների շտաբներ՝ Einstein Bros. Bagels, First Bank Holding Co, The Integer Group:

Համաձայն Sister Cities International-ի Լեյկվուդն ունի չորս եղբայր քաղաքներ^[5]։

Չեստեր՝ Միացյալ Թագավորություն
Պորտսմուտ՝ Միացյալ Թագավորություն
Շտադե՝ Գերմանիա
Սատերլանդ Շայեր՝ Ավստրալիա

Խոշոր գործատուներ խմբագրել

2011 թվականի տվյալներով^[6]

Դենվեր Դաշնային Կենտրոն՝ մոտ 8000 աշխատակից
Ջեֆերսոնի շրջանի հանրային դպրոցներ՝ 2734
Terumo` 1624
Սուրբ Անտոնիոյի հիվանդանոց՝ մոտ 1600
Քաղաքի ադմինիստրացիա՝ 893
HomeAdvisor՝ 884
The Integer Group՝ 629
Քոլեջ «Red-Rock Community»՝ մոտ 400
Հրդեհային վարչություն West Metro Fire Protection District՝ 393
Դենևրի դաշնային կենտրոն՝ մոտ 8000 աշխատող

Ծանոթագրություններ խմբագրել

↑ 2020 թվականի ԱՄՆ մարդահամար / United States Census Bureau
↑ Климат Лейквуда(չաշխատող հղում) (անգլ.) на сайте cdo.ncdc.noaa.gov
↑ ЛеРой Стэндиш. Lakewood’s come a long way Արխիվացված 2014-11-27 Wayback Machine (անգլ.) на сайте coloradocommunitymedia.com, 7 августа 2003
↑ Лейквуд: демография, экономика, преступность, здравоохранение и пр. (անգլ.) на сайте city-data.com
↑ Лейквуд Արխիվացված 2014-12-13 Wayback Machine (անգլ.) на сайте Sister Cities International^[en]
↑ Ежегодный финансовый отчёт города — 2011(չաշխատող հղում) (անգլ.) стр. 154, на официальном сайте города

Արտաքին հղումներ խմբագրել

Официальный сайт города (անգլ.)
Лейквуд (անգլ.) на сайте geonames.usgs.gov
Лейквуд (անգլ.) на сайте travels.com
Lakewoodco.macaronikid.com (անգլ.)

[_93c184730be1b05a-1] 2020 թվականի ԱՄՆ մարդահամար / United States Census Bureau

[2] Климат Лейквуда(չաշխատող հղում) (անգլ.) на сайте cdo.ncdc.noaa.gov

[3] ЛеРой Стэндиш. Lakewood’s come a long way Արխիվացված 2014-11-27 Wayback Machine (անգլ.) на сайте coloradocommunitymedia.com, 7 августа 2003

[4] Лейквуд: демография, экономика, преступность, здравоохранение и пр. (անգլ.) на сайте city-data.com

[5] Лейквуд Արխիվացված 2014-12-13 Wayback Machine (անգլ.) на сайте Sister Cities International^[en]

[6] Ежегодный финансовый отчёт города — 2011(չաշխատող հղում) (անգլ.) стр. 154, на официальном сайте города

[1]

[2]

[3]

[4]

[5]

[6]