Լավրենտի Հովհաննիսյան
Լավրենտ Շահենի Հովհաննիսյան (փետրվարի 12, 1944[1], Նոր շեն, Մարտունու շրջան, Ադրբեջանական ԽՍՀ, ԽՍՀՄ), հայ լեզվաբան։ Բանասիրական գիտությունների դոկտոր (1995), պրոֆեսոր (2008), ՀՀ ԳԱԱ թղթակից անդամ (2010):
Լավրենտի Հովհաննիսյան | |
|---|---|
| Ծնվել է | փետրվարի 12, 1944[1] (80 տարեկան) Նոր շեն, Մարտունու շրջան, Ադրբեջանական ԽՍՀ, ԽՍՀՄ |
| Քաղաքացիություն |  ԽՍՀՄ և  Հայաստան |
| Մասնագիտություն | լեզվաբան |
| Հաստատություն(ներ) | Լեզվի ինստիտուտ |
| Ալմա մատեր | Երևանի պետական համալսարան (1967) |
| Գիտական աստիճան | բանասիրական գիտությունների դոկտոր (1995) և պրոֆեսոր |
Կենսագրություն
խմբագրելԼավրենտի Հովհաննիսյանը ծնվել է 1944 թվականին Նորշեն գյուղում (այժմ՝ Արցախի Մարտունու շրջան)[2]։ 1967 թվականին ավարտել է Երևանի պետական համալսարանը։ 1971 թվականից աշխատում է ՀՀ ԳԱԱ լեզվի ինստիտուտում, 1971-1977 թվականներին՝ ՀՀ ԳԱԱ լեզվի ինստիտուտի կրտսեր գիտաշխատող, 1977-1986 թվականներին՝ ավագ գիտաշխատող, 1986-1991 թվականներին՝ Հայկական համաբարբառի բաժնի վարիչ, 1991-1995 թվականներին՝ խմբի ղեկավար, 1996 թվականից առաջատար գիտաշխատող, 1995-2005 թվականներին՝ ինստիտուտի փոխտնօրեն, 2000-2005 թվականներին թեմայի ղեկավար, 2005-2006 թվականներին՝ ինստիտուտի տնօրենի պաշտոնակատար, 2006-2012 թվականներին եղել է ՀՀ ԳԱԱ լեզվի ինստիտուտի տնօրեն[3]։
Ստեղծագործություններ
խմբագրելԱշխատությունները վերաբերում են լեզվի պատմությանը, բարբառագիտությանը և ստուգաբանությանը [«Դասական գրաբարի բայական ժամանակների կիրառությունը», «XVII դարի գրաբարը» (երկուսն էլ՝ «Լեզվի և ոճի հարցեր» ժողովածուում, № 3, 1975 թվական, № 7, 1983 թվական), «Հայերենի իրանական փոխառությունները»[4], 1990 թվական, «Բառային տարբերակներ V դարի գրաբարում» («Հայոց լեզվի պատմության հարցեր» ժողովածուում, № 3, 1991 թ.), «Նյութեր պատմական բառարանագրության», 2001 թվական)]։
- Հայ-իրանական նոր ստուգաբանություններ, Երևան։ Վան-Արյան, 2005։
- Գրաբարի բառապաշարը։ (V դար), ՀՀ ԳԱԱ «Գիտություն» հրատարակչություն, 2006, 309 էջ[5]։
- Գրաբարի բառապաշարի իմաստային խմբերի քննություն, Երևան։ ՀՀ ԳԱԱ «Գիտություն» հրատարակչություն, 2008։
- Հայ թարգմանական գրականութեան բառապաշարը։ (Ե դար)։ Վիեննա-Երևան։ Մխիթարեան հրատարակչություն, 2009։
- Словарь древнеармянского языка, Эдит Принт, 2010, 293 էջ[6]։
Ծանոթագրություններ
խմբագրել- ↑ 1,0 1,1 http://am.hayazg.info/index.php?curid=12364
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.
- ↑ «ՀՀ գիտությունների ազգային ակադեմիա». www.sci.am. Վերցված է 2019 թ․ փետրվարի 11-ին.
- ↑ Հովհաննիսյան, Լավրենտի Շահենի (1990). Հայերենի իրանական փոխառությունները. Լեզվի ինստիտուտ Հր. Աճառյանի անվան. ՀԽՍՀ. Երևան: ԳԱԱ հրատ.
- ↑ Հովհաննիսյան, Լավրենտի Շահենի (2006). Գրաբարի բառապաշարը։ (V դար). ՀՀ ԳԱԱ «Գիտություն» հրատ. ISBN 9785808006447.
- ↑ Hovhannisyan, Lavrenti Shaheni (2010). Словарь древнеармянского языка: nor haykazyan baṛaranum chʻvkayvats baṛer. Êdit Print. ISBN 9789939521923.
 | Վիքիդարանն ունի նյութեր, որոնք վերաբերում են «Լավրենտի Հովհաննիսյան» հոդվածին։ |