Լաուրա Տեզորո
Լաուրա Տեզորո (հոլ.՝ Laura Tesoro, օգոստոսի 19, 1996[1][2], Անտվերպեն, Ֆլանդրիա, Բելգիա), բելգիացի երգչուհի և դերասանուհի։ Տեզորոն «Ձայն» շոուի ֆլամանդական տարբերակում զբաղեցրել Է երկրորդ տեղը։ 2016 թվականի հունվարի 17-ին «What's the Pressure» («Ի՞նչ ճնշում է») երգով Տեզորոն հաղթել է «Eurosong 2016» շոուի Բելգիայի ազգային ընտրական փուլում, որն էլ նրան իրավունք է տվել ներկայացնելու Բելգիան Ստոկհոլմում կայացած «Եվրատեսիլ 2016» երգի մրցույթին։
 | |
|---|---|
 | |
| Ծնվել է | օգոստոսի 19, 1996[1][2] (28 տարեկան) |
| Ծննդավայր | Անտվերպեն, Ֆլանդրիա, Բելգիա |
| Քաղաքացիություն |  Բելգիա |
| Մասնագիտություն | դերասանուհի, երգչուհի և թատրոնի դերասանուհի |
| Ժանրեր | փոփ |
Կենսագրություն
խմբագրել1996-2014. վաղ տարիներ և կարիերայի սկիզբ
խմբագրելԼաուրա Տեզորոն ծնվել է 1996 թվականի օգոստոսի 19-ին, Ֆլանդրիայում։ 2008 թվականին ստացել է իր առաջին դերը՝ խաղալով Էվի Քյուփերսի դերը բելգիական «Witse» քրեական դրամայում։ Դրանից հետո Լաուրան մասնակցել է «Էննի» և «Դոմինո» մյուզիքլներին։ 2012-2014 թվականներին «Familie» հեռուստասերիալում խաղացել է Շառլոտայի դերը։
2014 թվականին Տեզորոն մասնակցել է «The Voice van Vlaanderen» («Ֆլանդրիայի ձայնը») շոուի երրորդ եթերաշրջանին՝ զբաղեցնելով երկրորդ հորիզոնականը։ Նույն թվականին Տեզորոն թողարկել է իր առաջին «Outta Here» սինգլը, որը հայտնվել է ֆլամանդական ազգային հիթ-շքերթում՝ հասնելով 23-րդ հորիզոնականին։
2015-ից մեր օրեր
խմբագրել2015 թվականին Լաուրան ներկայացրել է իր երկրորդ` «Funky Love» սինգլը։ 2016 թվականի նոյեմբերին ֆլամանդական één հեռուստաընկերությունը, որը պատասխանատու է «Եվրատեսիլ 2016» մրցույթին Բելգիայի մասնակցության համար, հայտարարել է Ստոկհոլմում «Եվրատեսիլ 2016» մրցույթում Բելգիան ներկայացնելու հինգ հավանական թեկնածուների ցուցակը։ Նրանց թվում էր Լաուրա Տեզորոն[3]։ Ազգային ընտրական փուլի ժամանակ Տեզորոն կատարել է բելգիացի և թուրք երգչուհի Հադիսեի «Düm Tek Tek» երգի քավր տարբերակը, իսկ 2016 թվականի հունվարի 17-ին ընտրական փուլի եզրափակիչում «What's the Pressure» երգով հաղթել է[4]։
2016 թվականի մայիսի 12-ին մասնակցել է Եվրատեսիլի երկրորդ կիսաեզրափակչին՝ զբաղեցնելով երրորդ հորիզոնականը և հասնելով եզրափակիչ, որտեղ քվեարկության արդյունքում զբաղեցրել է 10-րդ հորիզոնականը[5].
Ծանոթագրություններ
խմբագրել- ↑ 1,0 1,1 Internet Movie Database — 1990.
- ↑ 2,0 2,1 ČSFD (չեխերեն) — 2001.
- ↑ Laufer, Gil (16 Ноябрь 2015). «Belgium: Eurosong 2016 final on 17 January». Esctoday.com. Վերցված է 2016 թ․ հունվարի 3-ին.
- ↑ Victor M., Escudero (2016 թ․ հունվարի 17). «Belgium: Laura Tesoro wins Eurosong 2016!». EBU.
- ↑ «All 2016 Eurovision Song Contest participants». Eurovision.tv. Վերցված է 2016 թ․ մայիսի 13-ին.
Արտաքին հղումներ
խմբագրել| Պարգևներ և ձեռքբերումներ | ||
|---|---|---|
| Նախորդող՝ Լուիկ Նոտտե Rhythm Inside երգով |
Բելգիան «Եվրատեսիլ» երգի մրցույթում 2016 |
Հաջորդող՝ Բլանշ City Lights երգով |
 | Վիքիպահեստն ունի նյութեր, որոնք վերաբերում են «Լաուրա Տեզորո» հոդվածին։ |