Իշառվույտ դեղատու
| Իշառվույտ դեղատու | |
 Իշառվույտ դեղատու | |
| Դասակարգում | |
| Թագավորություն | Բույսեր (Plantae) |
| Ենթատիպ | Սերմնավոր բույսեր (Spermatophytes) |
| Կարգ | Բակլածաղկավորներ (Fabales) |
| Ընտանիք | Բակլազգիներ (Fabaceae) |
| Ենթաընտանիք | Բակլայիններ (Faboideae) |
| Տրիբա | Trifolieae |
| Ցեղ | Իշառվույտ (Melilotus) |
| Տեսակ | Իշառվույտ դեղատու (M. officinalis) |
| Միջազգային անվանում | |
| Melilotus officinalis | |
Իշառվույտ դեղատու (լատին․՝ Melilotus officinalis), բակլազգիների ընտանիքին պատկանող դեղաբույս։
Նկարագրություն խմբագրել
Ճյուղավոր առանցքային արմատով, մեղրատու երկամյա խոտաբույս է։ 1 մ բարձրությամբ թավոտ ցողունը նույնպես ճյուղավոր է։ Երկար կոթուններով, հերթադիր տերևներն եռամասնյա են, իսկ սղոցաեզր, անհավասար ատամիկներով տերևիկները՝ կլորավուն կամ նշտարաձև։ Բազմածաղիկ երկար ողկույզներում հավաքված մանր ծաղիկները դեղին են։ Պսակը կազմված է հինգ անհավասար պսակաթերթերից։ Մեկ կամ երկու դեղին սերմերով պտուղները կնճռոտ ունդեր են[1]։
Տարածվածություն խմբագրել
Աճում է նախալեռնային և ստորին լեռնային գոտիների թփուտներում, ցանքսերում և առուների ափերին։ Հանդիպում է Տավուշի, Լոռու, Արմավիրի, Գեղարքունիքի, Շիրակի, Արագածոտնի, Սյունիքի, Վայոց ձորի մարզերում[1]։
Նշանակություն խմբագրել
Բուժական նպատակներով օգտագործում են հաճելի հոտ և դառը աղահամ ունեցող ծաղկող ընձյուղների վերին մասը։ Իշառվույտի թուրմը օգտագործում են հազի, փքվածության և անքնության բուժման համար[1]։
Ծանոթագրություններ խմբագրել
- ↑ 1,0 1,1 1,2 Ծատուրյան, Թամարա; Գևորգյան, Մարգարիտա (2014). Պողոսյան, Ա․; Զաքարյան, Ն․ (eds.). Հայաստանի վայրի դեղաբույսեր. Երևան: Լուսակն. էջ 315. ISBN 9789939834689.
 | Վիքիցեղերն ունի նյութեր, որոնք վերաբերում են «Իշառվույտ դեղատու» հոդվածին։ |
 | Վիքիպահեստն ունի նյութեր, որոնք վերաբերում են «Իշառվույտ դեղատու» հոդվածին։ |