Իմ հիանալի։ Կիթառով կինը

Պաբլո Պիկասոյի նկար

«Իմ հիանալի. կիթառով կինը» (ֆր.՝ Ma Jolie ), Պաբլո Պիկասոյի նկարը, որը ստեղծվել է 1912 թվականին՝ անալիտիկ կուբիզմի շրջանում։ Նկարը գտնվում է Նյու Յորքի Ժամանակակից արվեստի թանգարանում։ Նկարի չափսերն են՝ 100 × 64,5 սմ[3]։

Իմ հիանալի։ Կիթառով կինը
տեսակգեղանկար
նկարիչՊաբլո Պիկասո
տարի1911
բարձրություն100 սանտիմետր
լայնություն64,5 սանտիմետր[1]
ուղղությունկուբիզմ
ժանրդիմապատկեր
նյություղաներկ[2] և կտավ[2]
գտնվում էՆյու Յորքի ժամանակակից արվեստի թանգարան[1]
հավաքածուՆյու Յորքի ժամանակակից արվեստի թանգարան[1]
Ծանոթագրություններ

Պիկասոն ստեղծագործությունը նվիրել է իր սիրելի Եվա Գուելին։ Նրա հետ նկարիչը ծանոթացել է սրճարանում, որտեղ հաճախ հնչում էր մի հայտնի երգ, որի կրկներգը այսպիսին էր՝ «O Manon, ma jolie, mon coeur te dit bonjour» (Օ Մանոն՝ իմ հիանալի, իմ սիրտը քեզ բարև է տալիս)[4]: Այս երգը Պիկասոն ասոցացնում էր Եվա Գուելի հետ և նրան անվանում Ma Jolie: Կտավի ստորին մասին Պիկասոն սև տպատառերով գրել է այդ բառերը, իսկ կողքին պատկերել է ջութակի բանալի, որը կապ էր հաստատում երգի հետ։ Սրանք առաջին աբստրակտ կոմպոզիցիայի մի մասն էին, որոնք վերցված էին իրականությունից։ Եվայի կազմվածքը նկարում հազիվ է նշմարվում։ Կտավի վերին մասում կապված են երկու եռանկյուններ՝ ձևավորելով լուսաստվեր։ Ստվերում կարելի է նշմարել Եվայի աջ աչքը, քթի, շրթունքի ծալվածքը և հազիվ նկատելի ժպիտը։ Կտավի ներքևի եռանկյան ձևը և վեց լար ունեցող խումբը հիշեցնում են կիթառ։ Լարերի ներքում պատկերված է չորս մատներ, աջ մասում՝ անկյուն։

Նկարը դարձել է Նյու Յորքի ժամանակակից արվեստի թանգարանի մշտական մասը՝ Լիլի Պլամմեր Բլիսի կտակի համաձայն։ 1929 թվականին թանգարանի ստեղծման գործում նկարը էական դեր է ունեցել։ Բլիսի մահից հետո՝ 1931 թվականին, իր ժողովածուից 150 ստեղծագործություն դարձել են թանգարանի հիմնական հավաքածուի մաս[5]։

Ծանոթագրություններ խմբագրել

  1. 1,0 1,1 1,2 1,3 1,4 1,5 1,6 1,7 1,8 https://www.moma.org/collection/works/79051
  2. 2,0 2,1 http://www.moma.org/collection/browse_results.php?object_id=79051
  3. «Pablo Picasso. Ma Jolie». MoMA. Վերցված է 2020 թ․ մարտի 14-ին.
  4. «The Poetics of Indeterminacy». Books Google. Վերցված է 2020 թ․ մարտի 14-ին.
  5. «The Lillie P. Bliss collection, 1934» (PDF). MoMA. Վերցված է 2020 թ․ մարտի 14-ին.

Արտաքին հղումներ խմբագրել