Իլյա Բոլոտովսկի
Իլյա Բոլոտովսկի (անգլ.՝ Ilya (Elias) Bolotowsky, հուլիսի 1, 1907[1][2][3][4], Սանկտ Պետերբուրգ, Ռուսական կայսրություն - նոյեմբերի 22, 1981[5][2][3], Lower East Side, Նյու Յորք շրջան, Նյու Յորք, Նյու Յորք, ԱՄՆ[6]), ռուսական ծագմամբ ամերիկացի աբստրակցիոնիստ նկարիչ։
Իլյա Բոլոտովսկի | |
|---|---|
 | |
| Ծնվել է | հուլիսի 1, 1907[1][2][3][4] |
| Ծննդավայր | Սանկտ Պետերբուրգ, Ռուսական կայսրություն |
| Վախճանվել է | նոյեմբերի 22, 1981[5][2][3] (74 տարեկանում) |
| Մահվան վայր | Lower East Side, Նյու Յորք շրջան, Նյու Յորք, Նյու Յորք, ԱՄՆ[6] |
| Քաղաքացիություն |  ԱՄՆ[7] Ռուսական կայսրություն ԽՍՀՄ |
| Կրթություն | Դիզայնի ազգային ակադեմիա |
| Մասնագիտություն | նկարիչ և նկարիչ |
| Ոճ | աբստրակցիոնիզմ |
| Թեմաներ | գեղանկարչություն |
| Ներշնչվել է | Դե ստիլ |
| Պարգևներ | Գուգենհայմի կրթաթոշակ |
| Անդամակցություն | ԱՄՆ աբստրակտ նկարիչներ[8] և Արվեստի և գրականության ամերիկյան ակադեմիա |
| Ամուսին | Esphyr Slobodkina? |
| Ilya Bolotowsky Վիքիպահեստում | |
Կյանք և ստեղծագործությունԽմբագրել
Իլյա Բոլոտովսկին ծնվել է 1907 թվականի հուլիս 1-ին Սանկտ Պետերբուրգում, ձուլված հրեական ընտանիքում[9][10]։ Նրա հայրը՝ Սանկտ Պետերբուրգի համալսարանի իրավաբանական ֆակուլտետի շրջանավարտ (1910) Յուլի Յուրևիչ Բոլոտովսկին (անգլ.՝ Julius J. Bolotovsky, 1885-1957), մինչև 1917 թվականն Պետրոգրադում զբաղվել է փաստաբանական պրակտիկայով, մայրը՝ Անաստասիա Աբրամովնա Շապիրոն (1879-1972), եղել է նկարիչ-ձևավորող։
Հոկտեմբերյան հեղափոխությունից հետո ապրել է Բաքվում, որտեղից 1921 թվականին Վրաստանի տարածքով ընտանիքի հետ փախել է Կոստանդնուպոլիս։ Սովորել է Կոստանդնուպոլսի ճիզվիտական դպրոցում, 1923 թվականին մեկնել է ԱՄՆ։ Ապրել է Նյու Յորքում, սովորել է Դիզայնի ազգային ակադեմիայում։ Այդ ընթացքում միացել է «Տասը» (the Ten) գեղարվեստական խմբին, որին մասնակցել են նաև այնպիսի երիտասարդ նկարիչներ, ինչպիսիք էին Լուիս Շանկերը, Ադոլֆ Գոթլիբը, Մարկ Ռոթկոն և Ջոզեֆ Սոլմանը: Խմբի անդամները դեմ են եղել Ակադեմիայի հետամնացությանը և կազմակերպել են «անկախ արվեստի» ցուցահանդեսներ։
20-րդ դարի 30-ական թվականներին նկարիչն իր ստեղծագործությունը նվիրել է երկրաչափական աբստրակցիոնիզմին։ 1936 թվականին նա դարձել է «Ամերիկացի աբստրակցիոնիստ նկարիչներ» (American Abstract Artists) կազմակերպության հիմնադիրներից մեկը, որն զբաղվել է աբստրակտ արվեստի հանրահռչակմամբ և նկարիչներին օգնություն ցուցաբերելով: 1930-ական թվականների վերջին և 40-ական թվականների սկզբին Բոլոտովսկին ընկել է նեոպլաստիցիզմի և Պիտ Մոնդրիանի ստեղծագործության ազդեցության տակ։
1960-ական թվականներին ստեղծել է կտավներ, որոնց վրա պատկերն արված են 3 չափումներով, որոնք սովորաբար հատում են ուղղահայաց և (կամ) անկյունագծային շերտերը։ Միևնույն ժամանակ նա դասավանդել է կերպարվեստ Լոնգ Այլենդ համալսարանում։ Իլյա Բոլոտովսկու գեղանկարչական գործերը վերաբերում են կուբիզմի և երկրաչափական աբստրակցիոնիզմի ուղղություններին:
Իլյա Բոլոտովսկին մահացել է 1981 թվականին. տարեց նկարիչն անզգուշությամբ ընկել է վերելակի՝ մեխանիկական դռներով դատարկ հորանը, երբ խցիկը կանգնած էր առաջին հարկում։
ԸնտանիքԽմբագրել
- Քույրը՝ նկարչուհի Միրա Յուլևնա Բոլոտովսկայա (ամուսնու ազգանունով՝ Շտեյնբերգ, անգլ.՝ Myrrah Bolotowsky), աշխատել է «Ամերիկայի ձայն» ռադիոկայանում,
- Կինը՝ (1933-1938), աբստրակցիոնիստ նկարիչ Էսֆիր Սողոմոնի Սլոբոդկինան (Esphyr Slobodkina, 1908-2002),
- Որդին՝ ֆլեյտահար Էնդրյու Բոլոտովսկի (անգլ.՝ Andrew Bolotowsky, ծնվել է 1949 թվականին):
ԾանոթագրություններԽմբագրել
- ↑ 1,0 1,1 RKDartists
- ↑ 2,0 2,1 2,2 2,3 2,4 SNAC — 2010.
- ↑ 3,0 3,1 3,2 3,3 3,4 Internet Speculative Fiction Database — 1995.
- ↑ 4,0 4,1 Բրոքհաուզի հանրագիտարան
- ↑ 5,0 5,1 5,2 Ilya Bolotowsky
- ↑ 6,0 6,1 6,2 Freebase Data Dumps — Google.
- ↑ Museum of Modern Art online collection
- ↑ http://americanabstractartists.org/current-members/past/
- ↑ U.S. Department of State
- ↑ James E. B. Breslin «Mark Rothko: A Biography» (стр. 101)
ԳրականությունԽմբագրել
- Sam Hunter Amerikanische Avantgarde Herrsching Pawlak Verlag, 95p. 1988 ISBN 9783881994354(գերմ.)