Ժունինյո Պերնամբուկանո

Անտոնիո Աուգուստո Ռիբեիրո Ռեիս Ժունիոր կամ պարզապես Ժունինյո (պորտ.՝ Antônio Augusto Ribeiro Reis Junior, հունվարի 30, 1975(1975-01-30), Ռեսիֆի, Բրազիլիա), բրազիլացի ֆուտբոլիստ, Բրազիլիայի հավաքականի նախկին կիսապաշտպան և տուգանային հարվածների վարպետ։ Ժունինյոն համարվում է բոլոր ժամանակների լավագույն տուգանային հարվածներ իրացնողներից մեկը։

Ժունինյո Պերնամբուկանո պորտ.՝ Juninho Pernambucano
Անձնական տվյալներ
Ամբողջական անուն	Antônio Augusto Ribeiro Reis Junior
Քաղաքացիությունը	Բրազիլիա
Մականուն	Juninho
Ծննդյան ամսաթիվ	հունվարի 30, 1975(1975-01-30) (49 տարեկան)
Ծննդավայր	Ռեսիֆի, Բրազիլիա
Հասակ	1.80 մ
Քաշ	74 կիլոգրամ
Դիրք	Կիսապաշտպան
Ակումբային տեղեկություններ
Ներկա ակումբ	Վասկո դա Գամա
Համար	8
Ազգային հավաքական
Տարի	Ակումբ	Խաղ (գոլ)
1999 - 2006	Բրազիլիա	40 (6)

Ժունինյոի ֆուտբոլային կարիերան սկսվել է «Վասկո դա Գամա» ակումբում, որի հետ նա հաղթել է մի քանի մրցանակներ, որոնց թվում են Բրազիլիայի առաջնությունում երկու հաղթանակները (1997 և 2000)։ 2001 թ.-ին Ժունինյոն տեղափոխվեց ֆրանսիական «Լիոն»։ «Լիոնի» կազմում ֆուտբոլիստը յոթ անգամ անընդմեջ դարձել է Ֆրանսիայի չեմպիոն։ 2009 թ.-ին Ժունինյոն, «Լիոնի» հետ պայմանագրի ավարտից հետո, տեղափոխվում է քաթարական «Ալ-Գարաֆա» ակումբ։ 2011 թվականին Ժունինյոն վերադարձել է «Վասկո դա Գամա», որտեղ սկսել էր իր կարիերան։

Բրազիլիայի հավաքականի կազմում Ժունինյոն անց է կացրել 40 հանդիպում և դարձել 6 գոլի հեղինակ։

Ժունինյոն համարվում է աշխարհի լավագույն տուգանայիններ իրացնողներից մեկը։ «Լիոն»-ի կազմում նա 44 անգամ է տուգանայինից գրավել է մրցակիցների դարպասը։ Նրա հարվածներից հետո գնդակը գրեթե չի պտտվում օդում։ Այն փոխում է իր ուղղությունը անկանխատեսելիորեն, որից հետո դարպասապահը դժվարությամբ է կարողանում պահել գնդակը։

Աղբյուրներ

• Ժունինյոի պաշտոնական կայքը Արխիվացված 2008-09-05 Wayback Machine
• Ժունինյո Պերնամբուկանոն National Football Teams կայքում (անգլ.)
• Ժունինյո Պերնամբուկանոն Soccerway.com կայքում (անգլ.)

Վիքիպահեստն ունի նյութեր, որոնք վերաբերում են «Ժունինյո Պերնամբուկանո» հոդվածին։