Ժուրա (դեպարտամենտ)

Ժուրա (ֆրանսերեն՝ Jura), դեպարտամենտ Ֆրանսիայի հարավ-արևելքում։

• Ժուրա դեպարտամենտի կարգային թիվն է՝ 39։

Ժուրա Jura
Դրոշ Զինանշան
Երկիր	Ֆրանսիա
Կարգավիճակ	Դեպարտեման
Մտնում է	Ֆրանշ-Կոնտե
Վարչկենտրոն	Լոն-լը-Սոնյե
Ամենաբարձր կետ	Crêt Pela?
Հիմնական լեզու	Ֆրանսերեն
Բնակչություն (1999)	250 857 (79րդ տեղ)
Խտություն	50
Տարածք	4 999
Հիմնադրված է	մարտի 4, 1790 թ.
Սահմանակցում է	Սոն-է-Լուար, Կոտ դ’Օր, Վերին Սոն, Դու, Էն և Վո
Ժամային գոտի	CET (UTC+1)
ISO 3166-2 կոդ	FR-39
Անվանված է	Յուրա
cg39.fr/conseil-general/fonctionnement/index.html
Ժուրա Վիքիպահեստում

Պատմություն

Դոլ

Պատմականորեն, Ժուրան պատկանել է Բուրգունդիայի կոմսությանը, որը Ֆրանսիայում հայտնի էր որպես Ֆրանշ-Կոնտե։ Մինչև Լյուդովիկոս XIV-ի կողմից այս տարածքի նվաճումը մայրաքաղաքը Դոլ քաղաքն էր, հետո այն տեղափոխվեց Բեզանսոն։

Մինչև 13-րդ դարը Ժուրայի հարավի բնակչության 2/3-ը խոսում էր ֆրանկա-պրովանսերենի բարբառով։ Գյուղական վայրերում այն գործածվում էր նաև 20-րդ դարում։

Ժուրան Ֆրանսիական հեղափոխության ժամանակ 1790 թ. մարտի 4-ին ստեղծված առաջին դեպարտամենտներից մեկն է։ Բնակչությունը 250.8 հազար մարդ է։

Աշխարհագրական տվյալներ

Սահմանակից է Դու, Վերին Սոն, Կոտ դ'Օր, Սոն և Լուար, Էն դեպարտամենտներին, արևելքում՝ շվեյցարական Վո կանտոնին։ Ժուրա, Դու և Վերին Սոն դեպարտամենտներից ե կազմված Ֆրանշ-Կոնտե երկրամասը։

• Տարածքը 4 999 քառ.կմ է։

Քաղաքականություն

Գերագույն խորհրդի նախագահը Ժան Ռակինն է, ով ներկայացնում է Ֆրանսիայի Բազմազան աջ կուսակցությունը։

Կուսակցություն		Տեղեր
•	Ժողովրդագրական շարժման միություն	15
	Սոցիալիստական կուսակցություն	8
	Բազմազան ձախ	6
	Կոմունիստական կուսակցություն	3
•	Բազմազան աջ	2

Տնտեսություն

Ժուրայում պատրաստվող «դեղին գինին»

Ժուրան խաղողագործական տարածաշրջան է։ Այստեղ արտադրվող գինիները յուրահատուկ և անսովոր են, ինչպես, օրինակ, vin jaune-ն («դեղին գինի»), որը հասունանում է խմորասնկից առաջացած flor կոչվող թաղանթի տակ։ Այս գինին պատրաստվում է խաղողի տեղական Savagnin տեսակից։ Այստեղ աճեցվող մյուս տեսակներն են՝ Poulsard, բաստարդո և շարդոնե խաղողները։

Զբոսաշրջություն

Ժուրայի լեռները գրավում են արշավի, դահուկային սպորտի, ինչպես նաև ձմեռային այլ սպորտաձևերի սիրահարներին։

Արտաքին հղումներ

• Պաշտոնական կայք Արխիվացված 2007-01-01 Wayback Machine

Վիքիպահեստն ունի նյութեր, որոնք վերաբերում են «Ժուրա (դեպարտամենտ)» հոդվածին։