Ժանար Դուգալովա
Ժանար Դուգալովա (ղազ.՝ Жанар Дұғалова, հունվարի 17, 1987, Կզըլ-Օրդա, Ղազախական ԽՍՀ, ԽՍՀՄ[1]), ղազախ փոփ երգչուհի և դերասանուհի, Ղազախստանի մշակույթի վաստակավոր գործիչ)[2], Թյուրքատեսիլ-2014 երգի մրցույթի հաղթող[3], «КешYou» ղազախական փոփ երաժշտախմբի նախկին անդամ։
| Ժանար Դուգալովա | |
|---|---|
| Բնօրինակ անուն | ղազ.՝ Жанар Асылбекқызы Дұғалова |
| Ծնվել է | հունվարի 17, 1987 (36 տարեկան) Կզըլ-Օրդա, Ղազախական ԽՍՀ, ԽՍՀՄ |
| Երկիր |  Ղազախստան |
| Ժանրեր | Էթնիկական երաժշտություն, փոփ և ժամանակակից ժողովրդական երաժշտություն |
| Մասնագիտություն | երգչուհի, երգերի հեղինակ և դերասանուհի |
| Գործիքներ | վոկալ |
| Կրթություն | Ռուսաստանի թատերական արվեստի համալսարան |
| Պարգևներ |  |
Կենսագրություն խմբագրել
Ծնվել է 1987 թվականի հունվարի 18-ին[1], ղազախական Կզըլօրդա քաղաքում, մինչև երեք տարեկանը ապրել Տալլինում, ապա վերադարձել հայրենիք։ Հինգ տարեկանում, մոր պնդմամբ, սկսել է հաճախել տեղի պիոներպալատում գործող էստրադային երաժշտության խմբակի պարապմունքներին։ Վեց տարեկանում հաղթող է ճանաչվել «Әнші балапан» երգի մրցույթի մարզային, հետագայում՝ նաև հանրապետական փուլում։ Տասը տարեկանում մասնակցելով մանկական երգի «Айналайын» մրցույթին, երգել է ճանաչված երգչուհի Ռոզա Ռիմբաևայի հետ։ Հետագայում մասնակցել է երգի ազգային ու միջազգային բազմաթիվ մրցույթների[1] և նվաճել 70-ից ավելի պարգև [4]։
Ավարտել է ղազախան լիցեյն ու երաժշտական դպրոցի դաշնամուրի դասարանը, ընդունվել Ալմաթիի երաժշտական քոլեջ։ 2004 թվականից սովորել է թատերական արվեստի ռուսական ինստիտուտում՝ ГИТИС-ում, որն ավարտել է գերազանցությամբ՝ կարմիր դիպլոմով։ 2011 թվականին նկարահանվել է «Կոկտեյլ աստղի համար - 2» ղազախական մելոդրամայում։ 2012-ից 2014 թվականներին երգել է ղազախական «КешYou» կանացի փոփ երաժշտախմբում[1]։
2014 թվականի նոյեմբերին Ժանար Դուգալովան մասնակցել է միջազգային երգի Թյուրքատեսիլ մրցույթին, կատարել «Ізін көрем» («Տեսնում եմ նրանց հետքը») երգը և հաղթող ճանաչվել՝ վաստակելով 225 միավոր[3]։ 2015 թվականի դեկտեմբերին նրան շնորհվել է Ղազախստանի մշակույթի վաստակավոր գործի կոչում[2]։
2015 թվականին երգչուհին անդամագրվել է ղազախական «Нур Отан» իշխող կուսակցությանը[5]։ 2016 թվականի գարնանը մասնակցել է Ղազախստանի խորհրդարանական ընտրություններին՝ նպատակ ունենալով ընտրվել մեջլիսի պատգամավոր, սակայն հաջողության չի հասել[6][7]։
Մեղադրանքներ խմբագրել
2018 թվականին Լ. Գումիլյովի անվան եվրասիական ազգային համալսարանի դասախոս Միրզանթայ Ժակիպը մեղադրել է երգչուհուն, որ վերջինս գնել է կրթական դրամաշնորհը և ոչ թե արժանիորեն վաստակել այն, միաժամանակ պնդել է, որ երգչուհին ոչ մի անգամ չի ներկայացել իր դասախոսություններին, և որ բուհի ղեկավարությունը դասախոսներին բանավոր հրահանգ է տվել՝ նրան միայն «գերազանց» գնահատականներ նշանակել[8][8][9][10]։
Երգեր խմբագրել
КешYou-ի կազմում խմբագրել
- Асықпа (2013)
- Қазақ қыздары (2013)
- Туған жер (2013)
- Ризамын (2013)
- Махаббат (2014)
- Қазақтың арулары (2014)
Որպես մենակատարուհի խմբագրել
- Таңданба (2011)
- Сүйемін деші (2012)
- Сен емес (2012)
- Қарай бер (2013)
- Махаббат назы (2013)
- Кім үшін (2013)
- Бір сұрақ (2013)
- Уайымдама (2013)
- Ізін көрем (2014)
- Сен мені түсінбедің (զուգերգ՝Կայրաթ Նուրտասովի հետ, 2014)
- Айта Берсiн (2015)
- Әке-бала (2015)
- Жаңбырлы түн (զուգերգ՝ Նուրբոլաթ Աբդուլինի հետ, 2015)
- Мұның дұрыс болмады (զուգերգ՝ Նուրժան Քերմենբաևի հետ, 2016)
- Ала кетпедің (2017)
- Сүйем - Жек көрем (2018)
Ֆիլմագրություն խմբագրել
| Տարին | Վերնագիրը | Դերը |
|---|---|---|
| 2011 | «Կոկտեյլ աստղի համար - 2» | Ժադիռա |
| «Սիրտ իմ՝ Աստանա» (կինոալմանախ) | ||
| 2012 | «Հաղթանակի թուրը» | |
| 2014 | «Սերն իմ սրտում է միշտ» | Աիդա |
| 2015 թ. | «Սերն իմ սրտում է միշտ-2» | Աիդա |
| 2015 | «Ռեկետ 2։ Հատուցում» | Ալբինայի ընկերուհի |
| 2017 | «Նաուռզ» | Այդանա |
Ծանոթագրություններ խմբագրել
- ↑ 1,0 1,1 1,2 1,3 «Республика Казахстан Жанар Дугалова»։ Тюрквидение։ Արխիվացված է օրիգինալից 2017-05-03-ին։ Վերցված է 2017-03-30
- ↑ 2,0 2,1 «Турсынбеку Кабатову и Жанар Дугаловой присвоили звания заслуженных деятелей РК»։ today.kz։ 2015-12-15։ Արխիվացված է օրիգինալից 2017-03-31-ին։ Վերցված է 2017-03-30
- ↑ 3,0 3,1 «Жанар Дугалова победила на конкурсе «Turkvizyon-2014»»։ inform.kz։ 2014-11-22։ Վերցված է 2017-03-27
- ↑ Pandaland։ «Жанар Дугалова: Если бы я не была певицей, работала бы в детском садике — Статьи на Pandaland» (ru-RU)։ Վերցված է 2018-05-13
- ↑ «Кайрат Нуртас, Жанар Дугалова и другие известные казахстанцы вступили в партию «Нур Отан»»։ inform.kz։ 2015-07-03։ Վերցված է 2017-03-30
- ↑ «Кайрат Нуртас, GGG и Жанар Дугалова — кандидаты в депутаты Мажилиса от партии «Нур Отан»»։ 365info.kz։ 2016-01-29։ Վերցված է 2017-03-30
- ↑ «Геннадий Головкин, Илья Ильин и Кайрат Нуртас депутатами не будут»։ ktk.kz։ 2016-03-24։ Վերցված է 2017-03-30
- ↑ 8,0 8,1 Преподаватель обвинил казахстанских артистов в покупке грантов — 365info.kz
- ↑ Кайрата Нуртаса обвинили в покупке образовательного гранта
- ↑ «Доцент ЕНУ обвинил Нуртаса, Дугалову и Беспаева в покупке грантов»։ Արխիվացված է օրիգինալից 2019-05-28-ին։ Վերցված է 2019-05-28