Թորթում
Անվան այլ կիրառումների համար տե՛ս՝ Թորթում (այլ կիրառումներ)
Թորթում, ավան Արևմտյան Հայաստանում, Էրզրումի վիլայեթի Թորթումի գավառակում[1]։ Գտնվում էր Ճորոխ գետի օժանդակ Թորթում գետի վերին հոսանքի տարածքում, գետի ձախ օժանդակի ստորին մասում, Հարկևոր լեռան ջրառատ ձորահովտում։
Հանդիսանում էր գավառակի վարչական կենտրոնը։
Աշխարհագրություն
խմբագրելԱվանը շրջապատված էր այգիներով և պտղատու ծառերով։ Թորթումը հայտնի էր յուրահատուկ համ ու հոտ ունեցող կարմիր, սպիտակ տանձ ու խնձորով։
Պատմություն
խմբագրելԹուրքական հայահալած քաղաքականության պատճառով հայերի մի մասը ընդունել էր մուսուլմանություն, իսկ շատերն էլ լքել էին ավանը։ XX դարի սկզբին ավանը վերածվել էր 20-25 տուն ունեցող անշուք գյուղի։
Բնակչություն
խմբագրելXIX դարի սկզբին ուներ 8000 բնակիչ, որից 5000-ը՝ հայեր։
Օգտակար հանածոներ
խմբագրելԹորթում մոտակայքում կան բորակի հանքեր։
Պատմամշակութային կառույցներ
խմբագրելԱվանը շրջափակված է բավականին հնություններով, որոնցից հիշարժան են բնական վիթխարի ժայռ պատվանդանի վրա կառուցած Թորթումի ավերակ բերդը և Էշկիձորո ու Ընկուզկա բերդերը[2]։
Տես նաև
խմբագրելԾանոթագրություններ
խմբագրել- ↑ «Կարինի նահանգի Կարինի գավառ». Վերցված է 2015 ապրիլի 14-ին.
- ↑ «Հայաստանի և հարակից շրջանների տեղանունների բառարան», հտ 2, էջ 476
Աղբյուրներ
խմբագրել- «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
- Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն