Թերի (շուն)
Թերի (անգլ.՝ Terry, նոյեմբերի 17, 1933, Չիկագո, Իլինոյս, ԱՄՆ - սեպտեմբերի 1, 1945, Հոլիվուդ, Լոս Անջելես, Կալիֆոռնիա, ԱՄՆ), կերն տերիեր ցեղատեսակի շուն, որը 1934-1945 թվականներին նկարահանվել է հոլիվուդյան ֆիլմերում։
| Թերի | |
|---|---|
 | |
| Տեսակ | շուն և կենդանի դերասան |
| Սեռ | իգական |
| Ծնվել է | նոյեմբերի 17, 1933 |
| Ծննդավայր | Չիկագո, Իլինոյս, ԱՄՆ |
| Սատկել է | սեպտեմբերի 1, 1945 (11 տարեկան) |
| Սատկելու վայր | Հոլիվուդ, Լոս Անջելես, Կալիֆոռնիա, ԱՄՆ |
 Terry (dog) Վիքիպահեստում | |
Ծնվել է Չիկագոյում, նրան վարժեցրել է հոլիվուդյան շների հայտնի մարզիչ Կառլ Շպիցը[1]։ Կինոէկրանին Թերին հայտնվել է տասնվեց ֆիլմերով, որոնց թվում է՝ «Փայլող աչքեր» (1934), «Զայրույթ» (1936), «Կանայք» (1939) և «Տորիտիլ Ֆլեթ թաղամասը» (1942)[2]։ Նա առավել հայտնի է դարձել Վիկտոր Ֆլեմինգի «Օզ երկրի կախարդը» հայտնի ֆիլմում Դորոթիի (խաղում էր Ջուդի Գառլենդը) շան՝ Տոտոյի կերպարի շնորհիվ։ Նկարահանումների ընթացքում Գառլենդը կապվել է շանը և ցանկացել է վերցնել նրան, բայց Կառլ Սպիցը դա թույլ չի չտվել։ Այս ֆիլմի համար Թերին ստացել է շաբաթական 125 դոլար, ինչը ավելի բարձր էր, քան որոշ դերասանների աշխատավարձը[3]։ 1939 թվականին Թերին մասնակցել է Գրումանի թատրոնում կայացած «Օզ երկրի կախարդը» ֆիլմի պրեմիերային, իսկ 1942 թվականին ֆիլմի հանրաճանաչության հետևանքով նրան տվել են Տոտո մականունը։
Թերին մահացել է ծերությունից, 1945 թվականի աշնանը Հոլիվուդում։ Նրան թաղել են Լոս Անջելեսի Ստուդիո Սիթիում Շպիցի ագարակում։ 1958 թվականին Վենտուրա մայրուղու շինարարության ժամանակ նրա գերեզմանը քանդվել է[4], իսկ 2011 թվականին Hollywood Forever գերեզմանատանը նրա պատվին կանգնեցվել է հուշարձան[4]։
Ծանոթագրություններ խմբագրել
- ↑ Lloyd, Ann Hollywood Dogs. — Barron's Educational Series, 2003. — С. 6. — ISBN 978-0-7641-5720-2
- ↑ Powe Allred, Alexandra Dogs' Most Wanted: The Top 10 Book of Historic Hounds, Professional Pooches, and Canine Oddities. — Potomac Books Inc, 2004. — С. 156—157. — ISBN 978-1-57488-801-0
- ↑ Bush, Karen Everything Dogs Expect You to Know. — New Holland Publishers Ltd, 2007. — С. 79. — ISBN 978-1-84537-954-4(չաշխատող հղում)
- ↑ 4,0 4,1 «HOLLYWOODLAND » Blog Archive » Toto finds a home at Hollywood Forever». Allanellenberger.com. 2011 թ․ հունիսի 18. Արխիվացված է օրիգինալից 2011 թ․ օգոստոսի 23-ին. Վերցված է 2012 թ․ սեպտեմբերի 18-ին.
Արտաքին հղումներ խմբագրել
- Թերիի հուշարձանը Արխիվացված 2020-07-19 Wayback Machine Hollywood Forever-ում