Թերեզա Խաչատրյան
- Վիքիպեդիայում կան հոդվածներ Խաչատրյան ազգանունով այլ մարդկանց մասին։
Թերեզա Սուրենի Խաչատրյան (օգոստոսի 21, 1946, Մովսես, Շամշադինի շրջան, Հայկական ԽՍՀ, ԽՍՀՄ), հայ հիգիենիստ, առողջապահության կազմակերպիչ։ Բժշկական գիտությունների դոկտոր (1985), պրոֆեսոր (1987)։ ՀՀ Բժշկական գիտությունների ակադեմիայի անդամ (1998)։
Ծնվել է | օգոստոսի 21, 1946 (77 տարեկան) |
---|---|
Ծննդավայր | Մովսես, Շամշադինի շրջան, Հայկական ԽՍՀ, ԽՍՀՄ |
Քաղաքացիություն | Հայաստան |
Ազգություն | հայ |
Կրթություն | Երևանի Մխիթար Հերացու անվան Պետական Բժշկական Համալսարան (1967) |
Մասնագիտություն | բժիշկ և հիգիենիստ |
Գիտական աստիճան | բժշկական գիտությունների դոկտոր (1985) |
Կենսագրություն խմբագրել
Թերեզա Խաչատրյանը ծնվել է 1946 թվականին Մովսեսգեղ գյուղում։ 1967 թվականին ավարտել է Երևանի բժշկական ինստիտուտը։ 1987 թվականից եղել է Երևանի բժիշկների կատարելագործման ինստիտուտի (1992 թվականից՝ Ազգային առողջապահության ինստիտուտի) ամբիոնի վարիչ, 1997-1999 թվականներին միաժամանակ՝ փոխտնօրեն, 2000 թվականից՝ առողջապահության կառավարման և կազմակերպման ֆակուլտետի դեկան, 1991-1992 թվականներին՝ ՀՀ առողջապահության փոխնախարար, 2004 թվականից ՀՀ առողջապահության ղեկավար ներուժի ընկերակցության նախագահ[1]։
Մասնակցել է ՀՀ առողջապահության համակարգի բարեփոխման և զարգացման ծրագրերի, առաջնային բժշկական օգնության զարգացման ռազմավարության, ինչպես նաև ՀՀ քաղաքացիների բժշկական ապահովագրման օրենքի նախագծի մշակմանը։ Համահեղինակ է «Առողջապահության կառավարում, տնտեսագիտություն և ֆինանսավորում շուկայական հարաբերությունների պայմաններում» (2002) ուսումնական ձեռնարկի։ Հեղինակ է գիտական աշխատությունների ու մենագրությունների[2]։
Երկեր խմբագրել
- Количесттвенная оценка сочетанного влияния факторов среды и социального-обусловленных на состояние здоровья детей дошкольного возрзста, Е., 1984 (համահեղինակ).
- Состояние здоровья детей в связи с сочетанным воздействием фактором окружающей среды, биологических и социальных условий, Е., 1996.
Գրականություն խմբագրել
- Айриян А. П. Армянские учёные-медики. - Ер., 1998 - 276 с. ISBN 99930-1-001-7.
Ծանոթագրություններ խմբագրել
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.
- ↑ Թերեզա Խաչատրյանի կենսագրությունը ru.hayazg կայքում