Թարբերտ ամրոց
Թարբերտ ամրոց, (անգլ.՝ Tarbert Castle), ամրոց, որը գտնվում է Շոտլանդիայի Արգայլ և Բյուտ շրջանում, Իսթ Լոխ Թարբերտի հարավային ափին, Կինթայր թերակղզու հյուսիսային ծայրին։ Միջնադարում Թարբերտ ամրոցը թագավորական ռազմավարական ամրոց էր և Թարբերտի երեք ամրոցներից մեկը։ Ամրոցը ուղղված է նավահանգստին և չնայած կառույցը թվագրվում է 14-րդ դարից ավելի վաղ ժամանակաշրջանին, ամրոցի աշտարակը կառուցվել է 1494 թվականին և կապված է Շոտլանդիայի Ջեյմս IV թագավորի՝ արևմտյան Հայլանդս կատարած այցի հետ։
 | |
|---|---|
 Նկարագրություն | |
| Տեսակ | դղյակ |
| Վարչական միավոր | Արգայլ ընդ Բյութ[1] |
| Երկիր | .svg){kind=small} Միացյալ Թագավորություն[2] |
| Կայք | tarbertcastle.info(անգլ.) |
 | |
 | |
 Tarbert Castle Վիքիպահեստում | |
Պատմություն խմբագրել
712 թվականին Կենել Լոուրենի և Դել Ռիատայի թագավոր Սելբախ մաք Ֆերչեյրը հրդեհեց ամրոցը, իսկ 731 թվականին ամրոցն այրելու հրաման արձակեց նրա որդին՝ Դունգալ մաք Սելբախը[3]։
1292 թվականին Անգլիայի թագավոր Էդուարդ II-ը ամրոցի վերահսկողությունը հանձնեց Շոտլանդիայի Ջոն II Բալիոլցի արքային։ 13-րդ դարում Թարբերտը ամրացվեց. 1320-ական թվականներին Ռոբերտ Բրյուսը կառուցեց ամրոցի արտաքին մուտքը և աշտարակները՝ կղզիների լորդերի հարձակումներից այն պաշտպանելու համար։ 16-րդ դարում ամրոցի աշտարակներին ավելացվեց դիտակետը, որն այսօր ամրոցից մնացած ամենանշանակալից կառույցն է։ Ամրոցը գտնվում է համանուն գյուղից ավելի բարձր դիրքում, որտեղից երևում է ամբողջ Ֆյորտ-օֆ-Կլայդ ծովածոցը և Լոխ Ֆայնը։ Երբ 1494 թվականին Շոտլանդիայի Ջեյմս IV արքան արշավանք ձեռնարկեց կղզիների լորդերի իշխանությունը վերացնելու համար, Այլիի կոմս Ջոն ՄաքԴոնալդից խլեց ամրոցը։ 1687 թվականին ամրոցը ևս մեկ ռազմական ընդհարման մեջ հայտնվեց, երբ Սքիփնեսի տերը՝ Ուոլտեր Քեմբլը նվաճեց Թարբերտը որպես ամրոց-հենարան Արգայլի 9-րդ կոմս Արչիբալդ Քեմբլի համար՝ Անգլիայում սկիզբ առած Արևմուտքի ապստամբության գործողություններին աջակցելու համար։
Ներկայումս կանգուն են միայն ամրոցի մեկ-երկու պատեր, որոնք սակայն, համարվում են անկայուն։ Ամրոցի դիրքը շատ նպաստավոր է՝ ջրային տարածքների մերձավորության շնորհիվ։
Ամրոցի կառավարիչներ խմբագրել
- Ջոն դե Լեյնի, 1326 թվական[4]
- Չարլզ Մաք Ալիստեր, 1481 թվական
Գրականություն խմբագրել
- Դևիդ Հիքս (1982), «Հայլանդ կլանը», (անգլ.) 978-0-09-144740-3
- Անալս Ուլստեր, AD 431-1201 (հատոր 1 և 2) edition and translation
Տես նաև խմբագրել
Պատկերասրահ խմբագրել
Արտաքին հղումներ խմբագրել
- Tarbert Royal Castle Արխիվացված 2016-03-03 Wayback Machine
Ծանոթագրություններ խմբագրել
- ↑ Historic Environment Scotland ID
- ↑ https://vocaleyes.co.uk/research/heritage-access-2022/benchmark/
- ↑ Annals of Ulster AD 431-1201 (vols. 1 and 2). 2009.
- ↑ «The MacMillans in Knapdale». 2009. Արխիվացված է օրիգինալից 2012 թ․ հուլիսի 29-ին. Վերցված է 2009 թ․ հուլիսի 15-ին.
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Թարբերտ ամրոց կատեգորիայում։ |