Թամարա Լիսիցյան

Թամարա Նիկոլայի Լիսիցյան (մարտի 3, 1923(1923-03-03), Թիֆլիս, ԱԽՖՍՀ, ԽՍՀՄ - նոյեմբերի 29, 2009(2009-11-29), Մոսկվա, Ռուսաստան), կինոռեժիսոր, սցենարիստ։ ՌԴ ԽՍՀ արվեստի վաստակավոր գործիչ (1985)։ Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) մասնակից։

Թամարա Լիսիցյան
Ծնվել է	մարտի 3, 1923(1923-03-03)
Ծննդավայր	Թիֆլիս, ԱԽՖՍՀ, ԽՍՀՄ
Մահացել է	նոյեմբերի 29, 2009(2009-11-29) (86 տարեկան)
Մահվան վայր	Մոսկվա, Ռուսաստան
Կրթություն	Մոսկվայի Գերասիմովի անվան կինեմատոգրաֆիայի ինստիտուտ
Քաղաքացիություն	ԽՍՀՄ և  Ռուսաստան
Մասնագիտացում	կինոռեժիսոր և սցենարիստ
Պարգևներ
IMDb	ID ID 0514072

Կենսագրություն

Թամարա Լիսիցյանը ծնվել է 1923 թվականին Թբիլիսիում Նիկոլայ Պավելի Լիսիցյանի և Մարֆա Իվանովայի ընտանիքում։ Եղել է օպերային երգիչ Պավել Լիսիցյանի զարմուհին։ 1939 թվականին սովորել է Թբիլիսիի թատերական ինստիտուտի դերասանական ֆակուլտետում։ 1941, 1944-1946 թվականներին ուսումը շարունակել է Մոսկվայի քաղաքային թատերական ուսումնարանում։ Մասնակցել է Գերմանա-խորհրդային պատերազմին։ 1952-1954 թվականներին սովորել է Մոսկվայի Թատերական արվեստի պետական ինստիտուտի ռեժիսորական ֆակուլտետում։ 1959 թվականին ավարտել է Մոսկվայի Կինեմատոգրաֆիստների համամիութենական ինստիտուտի ռեժիսորական ֆակուլտետը (Կոզինցևի արվեստանոց)։

Հետպատերազմյան տարիներին աշխատել է Իտալիայի «Սովէքսպորտֆիլմ»-ում։ Հեղինակել է մի շարք գիտահանրամատչելի, գովազդային, կարճամետրաժ ֆիլմեր, հոլովակներ, սցենարներ։ Եղել է մի շարք հին ֆիլմերի վերականգնման ռեժիսորը՝ «Պետրոս Մեծ», «Խաչակիրները» և այլն։

Ֆիլմագրություն

• «Սոմբրերո», 1959
• «Տիեզերագնաց №…», 1961 (կարճամետրաժ)
• «Նորը Արևելքում», 1962
• «ԽՍՀՄ-ը իտալացիների աչքերով», 1964
• «Ֆիթիլ», 1965
• «Չիպոլինո», 1973
• «Ջելսոմինոյի կախարդական ձայնը», 1977
• «Նռների կղզում», 1981
• «Գրետա» ամառանոցի գաղտնիքը», 1983
• «Առեղծվածային ժառանգորդը», 1987

Արտաքին հղումներ

• Ֆիլմերի ցանկը IMDb կայքում