Թաթուլ Հակոբյան (լրագրող)
Անվան այլ կիրառումների համար տե՛ս՝ Թաթուլ Հակոբյան (այլ կիրառումներ)- Վիքիպեդիայում կան հոդվածներ Հակոբյան ազգանունով այլ մարդկանց մասին։
Թաթուլ Աշիկի Հակոբյան (դեկտեմբերի 29, 1969, Դովեղ, Նոյեմբերյանի շրջան, Հայկական ԽՍՀ, ԽՍՀՄ), հայ լրագրող, 5 գրքերի հեղինակ[1]։
| Թաթուլ Հակոբյան | |
|---|---|
 | |
| Ծնվել է | դեկտեմբերի 29, 1969 (54 տարեկան) |
| Ծննդավայր | Դովեղ, Նոյեմբերյանի շրջան, Հայկական ԽՍՀ, ԽՍՀՄ |
| Քաղաքացիություն |  Հայաստան |
| Կրթություն | Երևանի պետական համալսարան (1995) |
| Մասնագիտություն | լրագրող |
| Աշխատավայր | Ալիք Մեդիա, Հայկական ուսումնասիրությունների «Անի» կենտրոն և Երևանի պետական համալսարան |
 Tatul Hakobyan Վիքիպահեստում | |
«Հայկական ուսումնասիրությունների Անի կենտրոն»-ի հիմնադիր և համակարգող։
Կենսագրություն
խմբագրելԾնվել է Հայկական ԽՍՀ Նոյեմբերյանի շրջանի Դովեղ գյուղում[2]։
Կրթություն
խմբագրելԱվարտել է Դովեղի 8-ամյա, ապա Նոյեմբերյանի թիվ 2 միջնակարգ դպրոցը։
1990-1995 թվականներին սովորել և ավարտել է Երևանի պետական համալսարանի Ժուռնալիստիկայի ֆակուլտետը։
Այլ
խմբագրել1987-1989 թվականներին ծառայել է Խորհրդային բանակում։
Լրագրողական գործունեություն
խմբագրելԱշխատել է «Անկախություն» (1991-1995), «Երկիր» (1998-2000), «Ազգ» (2000-2005) թերթերում, Հայաստանի Հանրային ռադիոյում (2005-2008), «The Armenian Reporter» անգլալեզու շաբաթաթերթում (2006-2009), Ավստրալիայի SBS հանրային ռադիոյում (2006-2012), Բեյրութի «Ազդակ» օրաթերթում (2005-2016)։
2009-ից մինչև 2021 թվականը աշխատել է «Սիվիլիթաս» հիմնադրամի Սիվիլնեթ կայքում որպես լրագրող[3]։
2010 թվականից մի քանի տարի դասավանդել է Երևանի պետական համալսարանի Ժուռնալիստիկայի ֆակուլտետում՝ «Ռադիովարպետություն» առարկան։
2014 թվականին «Հայկական ուսումնասիրությունների Անի հիմնադրամի» համակարգողն է[4]։
2021-2023 թվականների աշխատել է Ալիք Մեդիա հարթակում։
Գրական գործունեություն
խմբագրել2008 թվականին հրապարակել է իր առաջին գիրքը՝ «Կանաչ ու սև. Արցախյան օրագիր», որը տպագրվելուց ի վեր ունեցել է հայերեն 4 հրատարակություն, ինչպես նաև թարգմանվել է արևմտահայերեն, ռուսերեն, անգլերեն, արաբերեն և թուրքերեն[5]։
2012 թվականին լույս է տեսել Հակոբյանի «Հայացք Արարատից. հայերը և թուրքերը» գիրքը[6], որը ունեցել է անգլերեն երկու հրատարակություն։
2021 թվականին հրապարակվել է Հակոբյանի «Մահվան հովիտ. 44-օրյա աղետ» գիրքը, որը թարգմանվել է անգլերեն։
2023 թվականին լույս է տեսել նրա «Կարսից Շուշի. ինչու այսպես եղավ» գիրքը։
Փոլ Շահինյանի հետ անգլերենով հրատարակել է «Հերոսների ճամփորդությունը» հատորը։
Դովեղ ֆուտբոլային ակումբ
խմբագրել2018 թվականին Թաթուլ Հակոբյանը հիմնադրել է մանկապատանեկան «Դովեղ» ֆուտբոլային ակումբը[7][8][9][10]։
Ծանոթագրություններ
խմբագրել- ↑ «Լույս է տեսել Թաթուլ Հակոբյանի «Արցախյան օրագիր. Կանաչ ու սև» գրքի 4-րդ հրատարակությունը» հոդված aniarc.am կայքում, (արխիվացված 18․06․2023 թվականին)։
- ↑ Թաթուլ Հակոբյանը «goodreads» կայքում
- ↑ Հակոբյան, Թաթուլ (2021 թ․ փետրվարի 19). «Հրաժեշտ ՍիվիլՆեթին». aniarc.am. Հայկական ուսումնասիրությունների Անի կենտրոն. Վերցված է 2021-08-23։-ին.
- ↑ «Թաթուլ Հակոբյանը` ԱՆԻ կենտրոնի համակարգող». Արխիվացված է օրիգինալից 2015 թ․ հունվարի 15-ին. Վերցված է 2015 թ․ հունվարի 11-ին.
- ↑ Թաթուլ Հակոբյան. «Եթե գյուղացին մոլորվում է, ապա կարող է «մոլորվել» նաև ադրբեջանցի դիվերսանտը»
- ↑ Թաթուլ Հակոբյանի նոր գիրքը՝ «Հայացք Արարատից. հայերը և թուրքերը»
- ↑ «Դովեղում ֆուտբոլային ակումբ է բացվում» հոդված tert.am կայքում, (արխիվացված 18․06․2023 թվականին)։
- ↑ ««Դովեղը» Առաջին խմբի առաջնությանը մասնակցելու հայտ է ներկայացրել» հոդված sport.news.am կայքում, (արխիվացված 18․06․2023 թվականին)։
- ↑ «Դովեղում ֆուտբոլային ակումբ է բացվում» հոդված lurer.com կայքում, (արխիվացված 18․06․2023 թվականին)։
- ↑ ««Դովեղ» ՖԱ-ն հայտարարում է 6-ից 10 տարեկան՝ 2018, 2017, 2016, 2015 և 2014 թթ ծնված դպրոցականների ընդունելություն» հոդված aniarc.am կայքում, (արխիվացված 18․06․2023 թվականին)։
Արտաքին հղումներ
խմբագրել- Թաթուլ Հակոբյանի անձնական էջը Ֆեյսբուքում