Սամվել Թադևոսյան (պետական գործիչ)
(Վերահղված է Թադևոսյան Սամվել Գևորգիից)
Անվան այլ կիրառումների համար տե՛ս՝ Սամվել Թադևոսյան (այլ կիրառումներ)
| Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
- Վիքիպեդիայում կան հոդվածներ Թադևոսյան ազգանունով այլ մարդկանց մասին։
Սամվել Գեորգիի Թադևոսյան (հուլիսի 9, 1959, Երևան, Հայկական ԽՍՀ, ԽՍՀՄ), ՀՀ պետական գործիչ, ՀՀ քաղաքաշինության նախարար (2012-2014)։
| Սամվել Թադևոսյան | |
|---|---|
| Ծնվել է | հուլիսի 9, 1959 (64 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն | .svg){kind=small} Հայկական ԽՍՀ և  Հայաստան |
| Կրթություն | Երևանի անասնաբուծական-անասնաբուժական ինստիտուտ |
| Մասնագիտություն | քաղաքական գործիչ |
| Աշխատավայր | ՀՀ գյուղատնտեսության նախարարություն, ՀՀ պետական եկամուտների կոմիտե, ՀՀ վերահսկիչ պալատ և Հայաստանի Հանրապետության Ազգային ժողով |
| Զբաղեցրած պաշտոններ | Հայաստանի Ազգային ժողովի պատգամավոր |
Կրթություն խմբագրել
- 1978-1984 թթ. – սովորել և ավարտել է Երևանի անասնաբուծական-անասնաբուժական ինստիտուտի զոոինժեներական ֆակուլտետը։
- 1979-1981 թթ. - զինվորական ծառայություն ԽՍՀՄ զինված ուժերում։
- 1986-1988 թթ. - սովորել և ավարտել է Երևանի անասնաբուծական-անասնաբուժական ինստիտուտի, տնտեսագիտության ֆակուլտետ։
- 1986-1988 թթ. – Հայկական գյուղատնտեսական ինստիտուտի ֆինանսներ և վարկ ֆակուլտետի հայցորդ։
Աշխատանքային գործունեություն խմբագրել
- 1984-1990 թթ. - ՀՀ գյուղատնտեսության նախարարության «Հայթռչնարդ» ԱԱԿ առաջատար հաշվապահ, ապա՝ վերահսկողության բաժնի ավագ վերստուգիչ։
- 1990-1993 թթ. - Հայագրոարդի «Հայանասնահամալիր» ԱԱԿ վերահսկողության-վերստուգման ծառայության պետ, ապա՝ կոմերցիոն կենտրոնի տնօրեն։
- 1993-1998 թթ. - ՀՀ հարկային պետական տեսչության տեսչական վարչության գլխավոր պետական հարկային տեսուչ, ապա Շահումյանի հարկային տեսչության պետի տեղակալ, ապա Էջմիածնի հարկային տեսչության պետ, ապա Շենգավիթի հարկային տեսչության պետ։
- 1999 թ. - ՀՀ սոցիալական ապահովության պետական հիմնադրամի կազմտեսչական վարչության պետ։
- 1999–2001 թթ. - ՀՀ պետական եկամուտների նախարարության վերահսկողության վարչության պետ։
- 2001-2004 թթ. – ՀՀ ԿԱ մաքսային պետական կոմիտեի նախագահի տեղակալ։
- 2004 թ. նոյեմբերի 22-ին ՀՀ վարչապետի որոշմամբ ազատվել է Հայաստանի Հանրապետության կառավարությանն առընթեր մաքսային պետական կոմիտեի նախագահի տեղակալի պաշտոնից[1]։
- 2004-2007 թթ. - ՀՀ ԿԱ մաքսային պետական կոմիտեի նախագահի խորհրդական։
- 2008-2012 թթ. - Հայաստանի Հանրապետության վերահսկիչ պալատի առաջին վարչության պետ։
- 2012 թ. մայիսի 6-ին ՀՀ Ազգային Ժողովի 5-րդ գումարման պատգամավոր է ընտրվել «Օրինաց Երկիր» կուսակցության համամասնական ընտրացուցակով։
- 2012 թ. հունիսի 16-ին նշանակվել է ՀՀ քաղաքաշինության նախարար։
- 2013 թ. մայիսի 8-ին ՀՀ Նախագահի հրամանագրով վերանշանակվել է ՀՀ քաղաքաշինության նախարարի պաշտոնում[2]՝ պաշտոնավարելով մինչև 2014 թ. ապրիլի 23-ը։
Կոչումներ խմբագրել
Ունի լեյտենանտի կոչում։ Հարկային ծառայության 3-րդ դասի ավագ խորհրդական, մաքսային ծառայության գնդապետ։
Քաղաքական գործունեությունը խմբագրել
«Օրինաց Երկիր» կուսակցության անդամ, ՕԵԿ քաղխորհրդի անդամ էր։ 2014 թ. ապրիլի 16-ին իր դիմումի համաձայն դուրս է եկել կուսակցությունից այն բանից հետո, երբ կուսակցության քաղաքական խորհուրդը որոշում կայացրեց կառավարող կոալիցիայում չընդգրկվելու վերաբերյալ։
Չորս գիտական հոդվածի հեղինակ է։ Ամուսնացած է, ունի երկու զավակ։
| Նախորդող Վարդան Վարդանյան |
ՀՀ Քաղաքաշինության նախարար Սամվել Թադևոսյան 16 հունիսի 2012—23 ապրիլի 2014 |
Հաջորդող Նարեկ Սարգսյան |