Թագուհի Հակոբյան
- Վիքիպեդիայում կան հոդվածներ Հակոբյան ազգանունով այլ մարդկանց մասին։
Թագուհի Հակոբյան (փետրվարի 7, 1929, Սալոնիկ, Հունաստան), հայ դերասանուհի, բեմադրիչ, նկարչուհի։ ՀԽՍՀ վաստակավոր արտիստ (1966):
| Թագուհի Հակոբյան | |
|---|---|
| Ծնվել է | փետրվարի 7, 1929 (95 տարեկան) |
| Ծննդավայր | Սալոնիկ, Հունաստան |
| Քաղաքացիություն |  ԱՄՆ |
| Մայրենի լեզու | անգլերեն |
| Կրթություն | Երևանի պետական գեղարվեստա-թատերական ինստիտուտ (1952) |
| Մասնագիտություն | դերասանուհի, դրամատուրգ և նկարչուհի |
| Պարգևներ և մրցանակներ |  |
Կենսագրություն խմբագրել
Թագուհի Հակոբյանը ծնվել է 1929 թվականին Սալոնիկում ցեղասպանությունից փրկված հայ ընտանիքում։ Սովորել է Սալոնիկի հայկական և գերմանական դպրոցներում։ 1946 թվականին հայրենադարձել է։ Նախ սովորել է Երևանի Փանոս Թերլեմեզյանի անվան գեղարվեստի ուսումնարանում, 1952 թվականին ավարտել է Երևանի գեղարվեստա-թատերական ինստիտուտի դերասանական ֆակուլտետը։ Ինստիտուտն ավարտելուց հետո աշխատել է Երևանի Գաբրիել Սունդուկյանի անվան ազգային ակադեմիական թատրոնում, այնուհետև Երևանում հիմնել է Փոքր թատրոն, որտեղ բեմադրել է մի շարք ներկայացումներ[1][2]։
Խնդիրներ ունենալով իշխանությունների հետ[1]՝ 1981 թվականին տեղափոխվել է ԱՄՆ, որտեղ աշխատել է որպես դերասանուհի և բեմադրիչ։ Առաջին պիեսը եղել է «Անունդ ի՞նչ է» ստեղծագործությունը, որն արտագաղթի մասին է։ 1984 թվականին Լոս Անջելեսում հիմնել է «Սունդուկյան» թատերախումբը և բեմադրել Երվանդ Օտյանի «Թաղականին կինը» պիեսը։ Հյուրախաղերով հանդես է եկել Կանադայում, Լիբանանում, Իրաքում, Հորդանանում, Ռուսաստանում, ԱՄՆ-ում։
Ներկայացումներ խմբագրել
- Վ. Սարդոյի «Մադամ Սանժեն»
- Ջեյմս Կրոնինի «Բրոուդիի ամրոցը»
- Մինկոյի «Առանց անունները տալու»
- Ա. Սարուխանի «Մենք հայերեն չենք գիտեր»
- Թ. Ուիլյամսի «Ապակե գազանանոց»
- Լևոն Շանթի «Կայսրը»
- Հակոբ Պարոնյանի «Ատամնաբույժն արևելյան»
Ֆիլմեր խմբագրել
- «Կարինե», 1967
Հեռուստասերիալներ խմբագրել
- «Թուղթ ու գիր», 2014
Գեղանկարչական գործունեություն խմբագրել
Ստեղծել է շուրջ 100 կտավներ[1], ունեցել է անհատական և խմբակային ցուցահանդեսներ ԱՄՆ-ում, Հունաստանում, Հայաստանում։
Ծանոթագրություններ խմբագրել
- ↑ 1,0 1,1 1,2 ««Մեր քայլերը հետք են թողնում պատմության մեջ, որտեղ էլ որ լինենք…»». Արխիվացված է օրիգինալից 2014 թ․ հուլիսի 25-ին. Վերցված է 2017 թ․ փետրվարի 6-ին.
- ↑ Baghdasaryan, Aram. «AV Production - Թագուհի Հակոբյան». avproduction.am. Արխիվացված է օրիգինալից 2022 թ․ հունվարի 29-ին. Վերցված է 2017 թ․ փետրվարի 6-ին.
