Ընտանիքի պլանավորման և սեռական առողջության կենտրոն
Ընտանիքի պլանավորման և սեռական առողջության կենտրոն, Բեգլարյան բժշկական կենտրոն, ընտանիքի պլանավորման և սեռական առողջության կենտրոն Երևանում։
Ընտանիքի պլանավորման և սեռական առողջության կենտրոն | |
---|---|
Տեսակ | կազմակերպություն |
Երկիր | Հայաստան |
Հիմնադրված | 1920 |
Տնօրեն | Գագիկ Բեգլարյան |
Պատմություն խմբագրել
Ընտանիքի պլանավորման և սեռական առողջության կենտրոնը (նախկինում թիվ 2 ծննդատուն) Հայաստանի առաջին մանկաբարձական-գինեկոլոգիական հիվանդնոցն է։ Այն գործում է 1920 թվականից։ Հիվանդանոցի շենքը կառուցվել է Ալեքսանդր Թամանյանի նախագծով։ Հիվանդանոցի շենքն ընդգրկված է Կենտրոն վարչական շրջանի պատմության և մշակույթի անշարժ հուշարձանների ցանկում։
Ընտանիքի պլանավորման և սեռական առողջության կենտրոնում գործում են բոլոր անհրաժեշտ բաժանմունքները, որտեղ մատուցվում է մանկաբարձական-գինեկոլոգիական օգնություն։ Կենտրոնը Երևանի պետական բժշկական համալսարանի Մանկաբարձության և գինեկոլոգիայի բաժնի հիմնական բազան է։ Կենտրոնի տնօրենն է Գագիկ Բեգլարյանը, ով միաժամանակ ԵՊԲՀ մանկաբարձության և գինեկոլոգիայի ամբիոնի վարիչն է։
Մանկաբարձական-գինեկոլոգիական կլինիկան հիմնադրման օրից գիտական-մեթոդական և կազմակերչական կենտրոն է, որը կլինիկական օրդինատուրայի շրջանակներում իրականացնում է կադրերի՝ մանկաբարձ-գինեկոլոգների պատրաստում։ Կենտրոնում կրթություն են անցնում ԵՊԲՀ 4-րդ, 5-րդ և 6-րդ կուրսի ուսանողները, կազմակերպվում է արտերկրից ժամանած ուսանողների ուսուցում։
Ընտանիքի պլանավորման և սեռական առողջության կենտրոնը միաժամանակ գիտական կենտրոն է, որտեղ անցկացվում են հետազոտություններ՝ մանկաբարձության և գինեկոլոգիայի արդիական հարցերի վերաբերյալ։ Գիտական վերջին ծրագրերից են մասնավորապես՝ հղիության անկրելիության, հիպերպլաստիկ գործընթացների ինֆեկցիոն գործոնները և կանաց սեռական օրգանների նախաքաղցկեղային հիվանդությունները, կանանց սեռական օրգանների բորբոքային հիվանդությունների մանկաբարձական-գինեկոլոգիական կողմերը, ընկերքի ուսումնասիրությունը[1][2]։
Ստորաբաժանումներ խմբագրել
- Բարձր ռիսկի խմբի հղիների բաժանմունք
- Ընտանիքի պլանավորման կաբինետ
- Լաբորատորիա
- Կանանց կոնսուլտացիա
- Հետծննդյան բաժանմունք
- Հիպերբարիկ օքսիգենացիայի կաբինետ
- Մանկաբարձական բաժանմունք
- Մանկական գինեկոլոգիայի բաժանմունք
- Նորածինների վերակենդանացման և ինտենսիվ թերապիայի բաժանմունք
- Ոչ վիրաբուժական գինեկոլոգիայի բաժանմունք
- Վերակենդանացման բաժանմունք
- Վերարտադրողության և անդրոլոգիայի բաժանմունք
- ՔԿԱ Դիմածնոտային վիրաբուժության բաժանմունք
- Օպերատիվ գինեկոլոգիայի բաժանմունք
- Ֆիզիոթերապևտիկ կաբինետ
Ծանոթագրություններ խմբագրել
- ↑ Ընտանիքի պլանավորման և սեռական առողջության կենտրոն
- ↑ «Ընտանիքի պլանավորման և սեռական առողջության կենտրոնի մասին doctors.am կայքում». Արխիվացված է օրիգինալից 2017 թ․ դեկտեմբերի 24-ին. Վերցված է 2018 թ․ հունվարի 5-ին.
Հայաստանի պատմության և մշակույթի անշարժ հուշարձան, օբյեկտ № 1.6/94.2 |