Էնն Բլիտ
Էնն Բլիտ (անգլ.՝ Ann Blyth, օգոստոսի 16, 1928[1][1][2][…], Կիսկո լեռ, Նյու Յորք, ԱՄՆ), ամերիկացի դերասանուհի, երգչուհի։ 1945 թվականին արժանացել է «Օսկար» մրցանակի։
 անգլ.՝ Ann Blyth | |
|---|---|
 | |
| Ծնվել է | օգոստոսի 16, 1928[1][1][2][…] (95 տարեկան) |
| Ծննդավայր | Կիսկո լեռ, Նյու Յորք, ԱՄՆ |
| Կրթություն | Պրոֆեսիոնալ երեխաների դպրոց |
| Քաղաքացիություն |  ԱՄՆ |
| Մասնագիտություն | կինոդերասանուհի, երգչուհի, թատրոնի դերասանուհի և հեռուստատեսային դերասանուհի |
| Ժանրեր | ավանդական փոփ երաժշտություն |
| Պարգևներ և մրցանակներ | |
Վաղ տարիներ խմբագրել
Էնն Մերի Բլիտը ծնվել է 1928 թվականի օգոստոսի 16-ին Նյու Յորքի Մաունտ-Քիսկո գյուղում[3]։ Սովորել է Մանհեթենի Սբ. Պատրիկի անվան դպրոցում[4]։ Նրա ծնողները դերասանուհու ծնվելուց անմիջապես հետո բաժանվել են և նա մնացել է մոր մոտ՝ ստանալով կաթոլիկական ավանդույթներով դաստիարակություն։
Գործունեություն խմբագրել
Դերասանական գործունեություն խմբագրել
Դերասանական գործունեությունը սկսել է Բրոդվեյում, որտեղ նա 1941 թվականից մինչև 1942 թվականը մասնակցել է «Դոզորը Ռեյնում» ներկայացմանը[5]։ Շուտով նա «Universal Studios» ընկերության հետ համաձայնագիր է կնքել և 1944 թվականին առաջին անգամ կինոյում ելույթ է ունեցել։ Նրա առաջին ֆիլմերը եղել են երաժշտական ֆիլմերում, որտեղ նա խաղացել է երիտասարդ աղջնակի դեր։ 1945 թվականին «Warner Bros» ընկերության «Միլդրեդ Փիրս» ֆիլմում խաղացել է Վեդ Փիրսի՝ Ջոան Քրոուֆորդի անշնորհակալ աղջկա դերը[5]։ Այս դերը քննադատների կողմից լավ կարծիքների է արժանացել։ Այս դերի շնորհիվ դերասանուհին արժանացել է «Օսկար» մրցանակի՝ «երկրորդ պլանի լավագույն դերասանուհու համար»։
Հետագայում Էնն Բլիթը նկարահանվել է այնպիսի ֆիլմերում, ինչպիսիք են «կոպիտ ուժը» (1947), «կանանց վրեժը» (1948), «Միստեր Պիբոդին և ջրահարսը» (1948), «մեծ Կարուզոն» (1951) և մի շարք այլ ֆիլմերում[6][7]։
1949 թվականին Էնն Բլիթի կերպարը հայտնվել է «Սուպերմենը և Ջրահարսը» պատմվածքի Սուպերմենի մասին կոմիքսներում, որը կարծես ակնարկ լինի դերասանուհու դերերից մեկի մասին։
1954 թվականին «Օսկար» մրցանակի հանձնման արարողության ժամանակ Էնն Բլիթը կատարել է «Secret Love» երգը (1953)[8][9]։
Կինոյում վերջին անգամ հայտնվել է 1957 թվականին «Բաստեր Կիտոնի պատմությունը» ֆիլմում, որտեղ կատարել է Գլորիա Բրենտի դերը։ 1960-ականներից սկսած դերասանուհին աշխատել է միայն երաժշտական թատրոններում և հեռուստատեսությունում։ 1985 թվականին խաղացել է իր վերջին դերը։
Կինոյում ունեցած ավանդի համար Հոլիվուդյան փառքի ծառուղում Էնն Բլիթն արժանացել է աստղի։
Հասարակական կարծիք խմբագրել
1952 թվականի դեկտեմբերին «Կինո և հեռուստատեսություն» ամսագրում Բլիթն իր հարցազրույցում հայտարարել է, որ ԱՄՆ Հանրապետական կուսակցության կողմնակից է, այդ պատճառով 1952 թվականի նախագահական ընտրություններից մեկ ամիս առաջ պաշտպանել է Դուայթ Էյզենհաուերին։
1973 թվականին Էնն Բլիթը և նրա ամուսին Ջեյմս Մաքնալտին, որոնք կաթոլիկություն էին դավանում, արժանացել են պատվավոր «Երուսաղեմի Սուրբ Գերեզմանի» շքանշանի, որը անց է կացրել Տերենս Կարդինալ Քուքը։
Անձնական կյանք խմբագրել
1953-ում դերասանուհին ամուսնացել է Ջեյմս Մաքնալթիի հետ։ Հարսնացուի ընկերուհիներն էին դերասանուհիներ Ջոան Լեսլին, Ջեյն Ուիթերսը և Բեթի Լինը[10]։ Ամուսնությունից հետո նա ստիպված էր դադարեցնել իր կարիերան, որպեսզի կենտրոնանար հինգ երեխաների՝ Թիմոթի Պատրիկի (ծնվել է 1954 թվականի հունիսի 10-ին), Մորին Աննայի (ծնվել է 1955 թվականի դեկտեմբերի 14-ին), Քեթլին Մարիամի (ծնվել է 1957 թվականի դեկտեմբերի 23-ին), Թերենս Գրեյդիի (ծնվել է 1960 թվականի դեկտեմբերի 9-ին)[11] և Էյլին Ալանայի դաստիարակության վրա։ Զույգը միասին ապրել է մինչև Մաքնալթիի մահը (2007 թվական)[12][13]։
Ֆիլմագրություն խմբագրել
| Թվական | Անվանում | Բնագիր անվանում | Դեր | |
|---|---|---|---|---|
| 1944 | ֆ | — | Chip Off the Old Block | Գլորի Մարլոու III |
| 1944 | ֆ | «Մերի Մոնահանս» | The Merry Monahans | Շեյլա Դերոյիս |
| 1944 | ֆ | — | Babes on Swing Street | Քերոլ Քերթիս |
| 1944 | ֆ | — | Bowery to Broadway | Բեսսի Ջո Քերբի |
| 1945 | ֆ | «Միլդրեդ Փիրս» | Mildred Pierce | Վեդա Փիրս |
| 1946 | ֆ | — | Swell Guy | Մերիան Թայլեր |
| 1947 | ֆ | «Կոպիտ ուժ» | Brute Force | Ռուտ |
| 1947 | ֆ | «Մաքոյի սպանողը» | Killer McCoy | Շեյլա Քարսոն |
| 1948 | ֆ | «Կանանց վրեժ» | A Woman’s Vengeance | Դորիս Միդ |
| 1948 | ֆ | «Անտառով» | Another Part of the Forest | Ռեջինա Մադարդ |
| 1948 | ֆ | «Պարոն Պիբոդի և ջրահարս» | Mr. Peabody and the Mermaid | Ջրահարս Լենոր |
| 1949 | ֆ | «Կարմիր կիրճ» | Red Canyon | Լյուսի Բոսթել |
| 1949 | ֆ | «Կեսօր» | Top o’ the Morning | Քոնն Մաքնոթոն |
| 1949 | ֆ | «Նորից, իմ թանկագին» | Once More, My Darling | Մարիտա Քոննել |
| 1949 | ֆ | — | Free for All | Ալվա Էբոթ |
| 1950 | ֆ | «Շատ անձնական» | Our Very Own | Գեյլ Մաքոլեյ |
| 1950 | ֆ | — | Katie Did It | Քեթրին Սթենդիշ |
| 1951 | ֆ | «Հզոր Կարուզո» | The Great Caruso | Դորոտի Բենջամին |
| 1951 | ֆ | «Գրոմը բլրի վրա» | Thunder on the Hill | Վալերի Քարնս |
| 1951 | ֆ | «Տունը հրապարակում» | The House in the Square | Հելեն Փետիգրյու |
| 1951 | ֆ | «Ոսկի շքանան» | The Golden Horde | Արքայադուստր |
| 1952 | ս | — | Family Theatre | |
| 1952 | ֆ | «Աշխարհը ձեռքերում» | The World in His Arms | Մարինա Սելանովա |
| 1952 | ֆ | «Սալլին և սբ. Աննան» | Sally and Saint Anne | Սալլի |
| 1952 | ֆ | «Րոպեն զրոյից» | One Minute to Zero | Լիննա Դեյն |
| 1953 | ֆ | «Բոլոր եղբայրները քաջ էին» | All the Brothers Were Valiant | Պրիսցիլա Հոլթ |
| 1954 | ս | «Լյուքս-վիդեո թատրոն» | Lux Video Theatre | |
| 1954 | ֆ | «Ռոուզ Մարի» | Rose Marie | Ռոուզ |
| 1954 | ֆ | «Թագավոր-ուսանող» | The Student Prince | Քեթի Ռուդեր |
| 1955 | ֆ | «Թագավորը և գողը» | The King’s Thief | Լեդի Մերի |
| 1955 | ֆ | «Քիսմեթ» | Kismet | Մարսինա |
| 1957 | ֆ | «Զրպարտություն» | Slander | Քոնի Մարտին |
| 1957 | ֆ | «Բաստեր Քիթոնի պատմությունը» | The Buster Keaton Story | Գլորիա |
| 1957 | ֆ | «Հելեն Մորգանի պատմությունը» | The Helen Morgan Story | Հելեն Մորգան |
| 1958-1963 | ս | — | The Christophers | |
| 1959 | ս | — | The DuPont Show with June Allyson | Մարթա |
| 1959-1963 | ս | «Կառամատույցների քարավան» | Wagon Train | տարբեր կերպարներ |
| 1960 | հֆ | — | The Citadel | Քրիսթին Բարլոու |
| 1962 | ս | «Դիք Փաուելի շոուն» | The Dick Powell Show | Լիզի Հոգան |
| 1963 | ս | «Սրբերը և մեղավորները» | Saints and Sinners | Էդիտ |
| 1964 | ս | «Մթնշաղի գոտի» | The Twilight Zone | Պամելա Մորիս |
| 1964-1965 | ս | «Բերքի արդարադատությունը» | Burke’s Law | Վալերի |
| 1965 | ս | «Վիճակ ստեղծողների թատրոն» | Kraft Suspense Theatre | Լեդի Մեյ |
| 1967 | ս | — | Insight | |
| 1969 | ս | «Գործի էությունը» | The Name of the Game | Քեյ Մարտին |
| 1975 | ս | — | Switch | Միրիամ Էստաբրուք |
| 1979-1983 | ս | «Մեդեքսպերտ Քուինսի» | Quincy M.E. | Դորոթի Բլեյք |
| 1985 | ս | «Նա գրել է սպանություն» | Murder, She Wrote | Ֆրանչեսկա Լոջ |
Ծանոթագրություններ խմբագրել
- ↑ 1,0 1,1 1,2 1,3 Internet Broadway Database — 2000.
- ↑ 2,0 2,1 filmportal.de — 2005.
- ↑ «Ann Blyth», Turner Classic Movies
- ↑ ««Anne Blyth on Personal Faith», Guideposts, December 1952». Արխիվացված է օրիգինալից 2016 թ․ հոկտեմբերի 4-ին. Վերցված է 2021 թ․ հունվարի 3-ին.
- ↑ 5,0 5,1 King, Susan (2013 թ․ օգոստոսի 12). «Ann Blyth gets a TCM salute for her birthday». Los Angeles Times.
- ↑ «Watch on the Rhine». Internet Broadway Database. Վերցված է 2015 թ․ օգոստոսի 9-ին.
- ↑ THE BLYTH SPIRIT: Show Business Still Stimulating to Ann Blyth, Youthful But Veteran Trouper By WILLIAM BROWNELLHOLLYWOOD.. New York Times 12 Oct 1952: X5.
- ↑ GIL LAMB TO HEAD RKO VARIETY FILM: ' Make Mine Laughs' Scheduled the Studio — U-I Suspends Ann Blyth From Salary By THOMAS F. BRADY New York Times 3 May 1949: 31.
- ↑ Ann Blyth: Success Without an Enemy Hopper, Hedda. Los Angeles Times 6 June 1954: E1
- ↑ Daughter Born to Ann Blyth Los Angeles Times (1923—1995); Los Angeles, Calif. [Los Angeles, Calif]11 Apr 1963: 30.
- ↑ Anderson, Nancy. «Ann Blyth has Cake and Eats it», Lodi News-Sentinel, August 22, 1974
- ↑ Ann Blyth Wed as 600 Watch Church Service: ANN BLYTH MARRIEDLos Angeles Times 28 June 1953: 1.
- ↑ «Ann Blyth Profile». Glamour Girls of the Silver Screen. Վերցված է 2014 թ․ ապրիլի 14-ին.
Արտաքին հղումներ խմբագրել
 | Վիքիպահեստն ունի նյութեր, որոնք վերաբերում են «Էնն Բլիտ» հոդվածին։ |