Էլիզա Գյուլեսերյան
Էլիզա Գյուլեսերյան (սեպտեմբերի 22, 1922, Պյատիգորսկ, Թերեքի նահանգ, ՌԽՖՍՀ - օգոստոսի 29, 1992, Երևան, Հայաստան), հայ թատերական գործիչ, մանկավարժ, դերասանուհի։ ՀԽՍՀ արվեստի վաստակավոր գործիչ (1986)։
| Էլիզա Գյուլեսերյան | |
|---|---|
| Ծնվել է | սեպտեմբերի 22, 1922 |
| Ծննդավայր | Պյատիգորսկ, Թերեքի նահանգ, ՌԽՖՍՀ |
| Մահացել է | օգոստոսի 29, 1992 (69 տարեկան) |
| Մահվան վայր | Երևան, Հայաստան |
| Քաղաքացիություն | .svg){kind=small} Ռուսաստան |
| Կրթություն | Երևանի պետական գեղարվեստա-թատերական ինստիտուտ |
| Մասնագիտություն | դերասանուհի և մանկավարժ |
| Պարգևներ և մրցանակներ |  |
| Երեխաներ | Լալա Մնացականյան |
Կենսագրություն խմբագրել
Էլիզա Գյուլեսերյանը ծնվել է Պյատիգորսկ քաղաքում։ 1944-1948 թվականներին սովորել է Երևանի գեղարվեստա-թատերական ինստիտուտի դերասանական բաժնում` Վարդան Աճեմյանի արվեստանոցում։ Մասնակցել է Երկրորդ համաշխարհային պատերազմին, զինվորներին քաջալերել, ոգեշնչել է կազմակերպված համերգների ժամանակ։ Անձնուրաց աշխատանքի համար պարգևատրվել է շքանշաններով։ 1957 թվականին վերապատրաստվել է Մոսկվայի Թատերական արվեստի պետական ինստիտուտում։ 1958-1992 թվականներին բեմական խոսք է դասավանդել Երևանի գեղարվեստա-թատերական ինստիտուտում, մի քանի տարի ղեկավարել նույն ինստիտուտի բեմական խոսքի ամբիոնը։
Էլիզա Գյուլեսերյանի գիտական հոդվածները տպագրվել են «Արվեստ», «Գիտություն և տեխնիկա» ամսագրերում, տարբեր ժողովածուներում։ Զեկույցներով ու դասախոսություններով հանդես է եկել Հայաստանում և սփյուռքում։ Հեղինակել է «Գեղարվեստական խոսքի մատուցման արվեստը» գիրքը, որը բեմական խոսքի առաջին դասագիրքն է հայերեն լեզվով[1][2]։
Ընտանիք խմբագրել
- Ամուսին՝ Բաբկեն Մնացականյան, մաթեմատիկոս, մաթեմատիկական գիտությունների թեկնածու, դոցենտ
- Դուստր՝ Լալա Մնացականյան, հայ դերասանուհի, ՀՀ վաստակավոր արտիստ
Ծանոթագրություններ խմբագրել
- ↑ Baghdasaryan, Aram. «AV Production - Էլիզա Գյուլեսերյան». avproduction.am. Արխիվացված է օրիգինալից 2020 թ․ դեկտեմբերի 4-ին. Վերցված է 2016 թ․ սեպտեմբերի 21-ին.
- ↑ «Элиза Гюлесерян - биография - театральные деятели - Кино-Театр.РУ». www.kino-teatr.ru. Արխիվացված է օրիգինալից 2015 թ․ մայիսի 1-ին. Վերցված է 2016 թ․ սեպտեմբերի 21-ին.