Էժենի Սյոդերբերգ
Էժենի «Եվգենիա» Սյոդերբերգ (շվեդ.՝ Henya "Eugénie" Söderberg, ծննդյամբ՝ Հենիա Ռիվկինա, մարտի 25, 1903, Հայդելբերգ, Բադենի Մեծ Դքսություն, Գերմանական կայսրություն - հունվար 1973, Նյու Յորք, Նյու Յորք, ԱՄՆ), շվեդ և ամերիկացի գրող ու լրագրող։ Նա գրել է վեպեր և պատմություններ կանանց և երեխաների համար[2]։
Էժենի Սյոդերբերգ | |
---|---|
Ծնվել է | մարտի 25, 1903 |
Ծննդավայր | Հայդելբերգ, Բադենի Մեծ Դքսություն, Գերմանական կայսրություն |
Վախճանվել է | հունվար 1973 (69 տարեկան) |
Վախճանի վայր | Նյու Յորք, Նյու Յորք, ԱՄՆ |
Մասնագիտություն | թարգմանչուհի, վիպասան և գրող |
Լեզու | շվեդերեն |
Քաղաքացիություն | Շվեդիա և ԱՄՆ |
Ուշագրավ աշխատանքներ | Մոկիհանան ապրում է Հավայան կղզիներում |
Ամուսին | Միքայել Սյոդերբերգ և Հյուգո Պերլս[1] |
Կենսագրություն խմբագրել
Ծնվել է 1903 թվականին գերմանական Հայդելբերգ քաղաքում, որտեղ նրա հայրը, ծնունդով Գոմելից, Շոլոմ-Շենդեր Վոլֆովիչ Ռիվկինը (Ռիվկին, 1878-1930) այդ ժամանակ Հայդելբերգի համալսարանում փիլիսոփայություն էր ուսումնասիրում։ 1902 թվականի հուլիսի 4-ին Գոմելում նա ամուսնացավ Ֆրիդա Նաֆտոլևնա Պերելմանի (Ֆրիդա Ռիվկին, 1881-1944) հետ, ծագումով Կոբրինից[3][4][5]։ 1905 թվականին ընտանիքն ապրում էր Շերստինում[6], ապա՝ Գոմելում, իսկ 1912 թվականին հաստատվեց Ստոկհոլմում։ Ռիվկինի տունը Ստոկհոլմում դարձել էր մեծ թվով գրական գործիչների գրավչության կենտրոնը ոչ միայն Շվեդիայում, այլ ամբողջ Սկանդինավիայում։ Եվգենիային խրախուսում էր հայրը, որը փիլիսոփայությամբ էր զբաղվում և ռուսերեն ու իդիշ լեզվով պատմվածքներ գրում[2][7]։
Եվգենիայի կրտսեր եղբայրը նույնպես հետևեց հոր օրինակին և սկսեց գրել, իր շուրջը հավաքելով շվեդ երիտասարդ գրողների մի ամբողջ խմբի, որոնց թվում էին՝ Գուննար Էկելյոֆը, Հարրի Մարտինսոնը, Կարին Բոյեն, Էբի Լինդեն և ուրիշներ։ Նրանք բոլորը որպես խմբագիր և գրող համագործակցում էին ավանգարդային շվեդական Spektrum ամսագրի հետ[2], որի լուսանկարչական նկարազարդումները կատարում էր Եվգենիայի քույրը՝ Աննան[8]։
Եվգենիան շուտով սկսեց պատմություններ գրել և գումար վաստակել որպես խմբագիր, լրագրող և թերթի թղթակից։ Իր առաջին գրական հաջողությանը նա հասավ 1930 թվականին՝ Studentfabriken (Ուսանողական ֆաբրիկա) վեպի տպագրությունից հետո։ Աշխատանքը թարգմանվեց տասնչորս լեզուներով և էկրանարկվեց։ 1928 թվականին նա ամուսնացավ երիտասարդ գրող Միքայել Սյոդերբերգի՝ գրող Յալմար Սյոդերբերգի որդու հետ։ Սակայն ամուսնությունը կարճ տևեց. ամուսինը մահացավ 1931 թվականին։ Եվգենիան շարունակեց լավ հարաբերություններ պահպանել նրա ընտանիքի հետ[2]։
1940 թվականին նա տեղափոխվեց Միացյալ Նահանգներ որպես սկանդինավյան մի քանի թերթերի թղթակից, 1941 թվականին ամուսնացավ հայտնի արվեստի դիլեր և գիտնական Հյուգո Պերլի հետ։ ԱՄՆ քաղաքացիություն ընդունելուց հետո նա շարունակեց զբաղվել լրագրությամբ, թատրոնով, երաժշտությամբ և արվեստով։ 1965 թվականին Ամերիկայում նա հրատարակեց քննադատների կողմից դրականորեն գնահատված Min Son är Min գիրքը[2]։
Գրողը մահացել է 1973 թվականի հունվարին, վաթսունինը տարեկան հասակում։
Մատենագիտություն խմբագրել
- 1933 - Kulturen i Sovjet (Խորհրդային Միության մշակույթ)
- 1936 - Studentfabriken: roman (Ուսանողական ֆաբրիկա)
- 1947 - Med bästa avsikt: roman (Լավագույն մտադրություններ)
- 1961 - Mokihana bor på Hawaii (Մոկիհանան ապրում է Հավայան կղզիներում)
- 1962 - Մոկիհանա (Մոկիհանա)
- 1962 - Հավայան կղզիներ (Հավայան կղզիներ)
- 1965 - Min son är min (Իմ որդին իմն է)
- 1970 - «Kollektivet kring Spektrum» (Սպեկտրում ժողովածու)։ Bonniers, գրական ամսագիր1970 թիվ 8
Ծանոթագրություններ խմբագրել
- ↑ https://www.metmuseum.org/art/libraries-and-research-centers/leonard-lauder-research-center/research/index-of-cubist-art-collectors/perls-hugo
- ↑ 2,0 2,1 2,2 2,3 2,4 «Archived copy». Արխիվացված է օրիգինալից 2008 թ․ նոյեմբերի 26-ին. Վերցված է 2009 թ․ ապրիլի 6-ին.
{{cite web}}
: CS1 սպաս․ արխիվը պատճենվել է որպես վերնագիր (link) - ↑ Запись о бракосочетании доступна на сайте еврейской генеалогии JewishGen.org. Жених — Шолом-Шендер Вольфович Рывкин, 25 лет, уроженец Гомеля; невеста — Фрейда Нафтолевна Перельман, 23 лет, уроженка Кобрина.
- ↑ Riwkin's Genealogical Tree
- ↑ Eugenie Söderberg Collection in Stony Brook University
- ↑ JewishGen.org: В записи о рождении 10 октября 1905 года в Гомеле сына Эммануила указывается, что отец — Шолом-Сендер Вульфович Ривкин — был прописан в Шерстине.
- ↑ Eugenie Soderberg Collection in Stony Brook University
- ↑ Anna Tellgren. «Anna Riwkin-Brick». Svenskt kvinnobiografiskt lexikon (անգլերեն).
Արտաքին հղումներ խմբագրել
- «DigiTool - Results - Full». Digital.cjh.org. Վերցված է 2018 թ․ մարտի 9-ին.(չաշխատող հղում)
- «Guide to the Papers of Hugo Perls (1886-1977)1936-1976AR 6400 / MF 712». Cjh.org. Արխիվացված է օրիգինալից 2007 թ․ մարտի 29-ին. Վերցված է 2018 թ․ մարտի 9-ին.