Էդրիեն Բարբո
Էդրիեն Բարբո (անգլ.՝ Adrienne Barbeau, ամբողջ անունը` Էդրիեն Ջո Բարբո (Adrienne Jo Barbeau), հունիսի 11, 1945[1][2][3][…], Սակրամենտո, ԱՄՆ), ամերիկյան թատրոնի, կինոյի և հեռուստատեսային դերասանուհի, գրող։ 1980-ական թվականների սկզբին նկարահանվում էր գիտաֆանտաստիկ և սարսափ ֆիլմերում, համարվում էր «սեքս-խորհրդանիշ»։ Ներկայացվել է «Թոնի» և «Ոսկե գլոբուս» մրցանակներին։
 անգլ.՝ Adrienne Jo Barbeau | |
|---|---|
 | |
| Ծնվել է | հունիսի 11, 1945[1][2][3][…] (78 տարեկան) |
| Ծննդավայր | Սակրամենտո, ԱՄՆ |
| Կրթություն | Foothill College? և Del Mar High School? |
| Քաղաքացիություն |  ԱՄՆ |
| Մասնագիտություն | հեռուստատեսային դերասանուհի, կինոդերասանուհի, երգչուհի, թատրոնի դերասանուհի, ձայնային դերասանուհի, դերասանուհի և գրող |
| Ծնողներ | հայր՝ Joseph Barbeau?[4] |
| Ամուսին(ներ) | Բիլի Վան Զանդտ |
| Երեխա(ներ) | Cody Carpenter? |
| Պարգևներ և մրցանակներ | |
| abarbeau.com | |
Կենսագրություն խմբագրել
Էդրիեն Բարբոն ծնվել է Կալիֆոռնիա նահանգի Սակրամենտո քաղաքում։ Հայրը` Ջոզեֆ Բարբոն, ուներ ֆրանս-կանադական, իռլանդական և գերմանական արմատներ, իսկ մայրը` Արմինե Նալբանդյանը, հայուհի էր։
Էդրիենն ավարտել է Կալիֆոռնիայի Սան-Խոսե քաղաքի Del Mar High School միջնակարգ դպրոցը։ 1960-ական թվականների վերջերին նա տեղափոխվել է Նյու Յորք և աշխատանքի անցել որպես պարուհի։ Շուտով նա դեր է ստացել Բրոդվեյի «Ջութակահարը տանիքին» մյուզիքլում, որից հետո սկսել է նկարահանվել շուրջ երկու տասնյակ մյուզիքլներում, որոնցից առավել հայտնին «Grease» մյուզիքլն էր, որտեղ նա կատարել էր կանացի գլխավոր դերը և ներկայացվել «Թոնի» մրցանակին։
1972-1978 թվականներին Էդրիեն Բարբոն խաղացել է կատակերգական «Մոդ» սերիալում, որի համար 1977 թվականին ներկայացվել է «Ոսկե գլոբուս» մրցանակին։ Այդ սերիալի հաջողությունից հետո նրան սկսեցին համարել «սեքս-խորհրդանիշ», իսկ նրա կարիերան կինոյում ` կտրուկ վերելք ապրեց։ Էդրիեն Բարբոն նկարահանվել է մի քանի ֆանտաստիկ ֆիլմերում, որոնք բավականին հաջողված էին։ Դրանցից կարելի է հիշատակել «Մառախուղ» (1980 թ.), «Փախուստ Նյու-Յորքից» (1981 թ.), «Սարսափների գեղադիտակ» (1982 թ.), «Ճահճային արարած» (1983 թ.) և «Երկու չարագույժ աչքեր» (1990 թ.) կինոնկարները։ Նկարահանվել է նաև մի քանի կատակերգություններում ` «Մրցարշավ «Թնդանոթային միջուկ»» (1981 թ.), «Նորից դպրոց» (1986 թ.), «Կին-մարդակերները ավոկադոյի մահացու ջունգլիներում» (1989 թ.) և այլն։
1990-ական թվականներից Էդրիեն Բարբոն հիմնականում հանդես է գալիս սերիալներում և հեռուստատեսային ֆիլմերում ` «Կործանողը» (1993 թ.), «Դատավոր Դրեդը» (1995 թ.) և այլն։ 2003-2005 թվականներին նա նկարահանվել է HBO ամերիկյան արբանյակային հեռուստատեսային ցանցի նկարահանած «Կառնավալ» սերիալում։ 2009 թվականին հայտնվել է «Դեքստեր» և «Կրքի անատոմիան» սերիալներում։ 2012 թվականին նա հրավիրվել է «Վրեժ» հեռուստասերիալում Մեդելին Սթոուի հերոսուհու` Վիկտորիա Գրեյսոնի մոր դերը խաղալու։
2006 թվականին լույս է տեսել Էդրիեն Բարբոյի ինքնակենսագրությունը, իսկ երկու տարի անց «Վամպիրը Հոլիվուդում» առաջին վեպը։
Անձնական կյանքը խմբագրել
Էդրիեն Բարբոն 1979-1984 թվականներին ամուսնացած է եղել ռեժիսոր Ջոն Կարպենտերի հետ։ 1984 թվականին ծնվել է նրանց որդին։
1992 թվականին Բարբոն ամուսնացել է 13 տարով իրենից փոքր, սցենարիստ և դերասան Բիլի Վան Զանդտի հետ։ 1997 թվականին ծնվել են նրանց երկվորյակ որդիները։
Մասնակի ֆիլմագրությունը խմբագրել
Կինո
| Թվական | Անվանում | Բնօրինակ անվանում | Կերպար |
|---|---|---|---|
| 1976 | Մեծ Հուդինին | The Great Houdini | Դեյսի Ուայթ |
| 1978 | Ինչ-որ մեկը հետևում է ինձ | Someone’s Watching Me! | Սոֆի |
| 1980 | Մառախուղ | The Fog | Սթիվի Ուայն |
| 1981 | Փախուստ Նյու-Յորքից | Escape From New York | Մեգի |
| 1981 | Մրցարշավ «Թնդանոթային միջուկ» | The Cannonball Run | Մարսիա |
| 1982 | Ճահճային արարած | Swamp Thing | Էլիս Կաբլե |
| 1982 | Սարսափների գեղադիտակ | Creepshow | Վիլմա Նորթրուպ |
| 1984 | Ժամանակի միջով ճամփորդողը | The Next One | Անդրեա |
| 1985 | Մղձավանջ լոնդոնյան կամրջի վրա | Bridge Across Time | Լին Չանդլեր |
| 1986 | Նորից դպրոց | Back to School | Վանեսա |
| 1987 | Բաց տուն | Open House | Լիզա Գրանտ |
| 1989 | Կին-մարդակերները ավոկադոյի մահացու ջունգլիներում | Cannibal Women in the Avocado Jungle of Death | դոկ. Կուրտս |
| 1990 | Երկու չարագույժ աչքեր | Two Evil Eyes | Ջեսիկա Վալդեմար |
| 1991 | Դավաճանություն | Doublecrossed | Դեբի Սիլ |
| 1992 | Ապացույցների ծանրության ներքո | The Burden of Proof | Սիլվիա Հերթնել |
| 1993 | Հուսահատ հայրիկը | Father Hood | Սելեստա |
| 1994 | Զոհվելու սահմանագծին | Silk Degrees | Վիոլետ |
| 1994 | Առնետային հուղարկավորություններ Բրեմ Սթոքերից | Burial of the Rats | թագուհի |
| 1999 | Հոգեհաց Փրովիդենսում | A Wake in Providence | Լիդիա |
| 2000 | Կանանց վանքը | The Convent | Քրիստինա |
| 2001 | Փաստաբան արձակուրդներին | Spring Break Lawyer | Ջուդ Սթերն |
| 2002 | Տանից լավը չկա | No Place Like Home | Էվա |
| 2003 | Ուրվականների ժայռը | Ghost Rock | Մաթիա Բեքեր |
| 2004 | Խավարի շրջանակում | Ring of Darkness | Ալեքս |
| 2006 | Խաբեություն | Deceit | Քեթլին Դարրոու |
| 2006 | Անվերջ Ծննդյան տոներ | Christmas Do-Over | Թրուդի |
| 2008 | Կապվիր ինձ հետ | Reach for Me | Վալերիա |
| 2009 | Փոխակերպուկ մարտիկները | War Wolves | Գեյլ Կեշ |
| 2010 | Շունը, որ փրկեց Ծննդյան տոները | The Dog Who Saved Christmas Vacation | Միլդրեդ |
| 2012 | «Արգո» գործողությունը | Argo | Նինա |
| 2012 | Ինքնագոհը | Complacent | Ջուդի Սանդերսոն |
| 2014 | Հիշատակի ալբոմ | The Memory Book | Սառա |
| 2015 | Աստվածային երանություն | Divine Access | Քեթրին |
| 2015 | Հրեշների քաղաքը | Tales of Halloween | - |
Հեռուստատեսություն
| Թվական | Անվանում | Բնօրինակ անվանում | Կերպար |
|---|---|---|---|
| 1963-2014 | Գլխավոր հոսպիտալը | General Hospital | Սյուզան Ստենվիկ |
| 1972-1978 | Մոդ | Maude | Քերոլ Թրեյնոր |
| 1977-1987 | Սիրո մակույկը | The Love Boat | Քեթի Ռանդալ |
| 1983-1988 | Հոթել | Hotel | Բարբարա Հարինգտոն |
| 1984-1996 | Նա գրել է սպանություն | Murder, She Wrote | Քեթրին |
| 1985-1989 | Մթնշաղային գոտի | The Twilight Zone | միսիս Պետերս |
| 1986-1990 | Դասարանի ավագը | Head of the Class | Գլորիա |
| 1990-1996 | Ինչպես կինոյում | Dream On | Գլորիա |
| 1993-2001 | Ախտորոշումը` սպանություն | Diagnosis Murder | Վիվյեն Սանդերսոն |
| 1994-1995 | Ջորջ Կառլինի շոուն | The George Carlin Show | Բարբարա Ռոսետի |
| 1994-1998 | Բաբելոն 5 | Babylon 5 | Ամանդա Քարտեր |
| 1994-1998 | Գիտության հրաշքները | Weird Science | Լիլի |
| 1994 | Մրցարշավորդները | Rebel Highway | Շեյլա Նորթոն |
| 1996-2001 | Խուզարկու Նեշ Բրիջեսը | Nash Bridges | Էննի Կորել |
| 2003-2005 | Կառնավալ | Carnivàle | Ռութ |
| 2005- | Կրքի անատոմիան | Grey’s Anatomy | Ջուդի |
| 2005- | Մտածել ինչպես հանցագործը | Criminal Minds | Կիսի Հովարդ |
| 2006-2013 | Դեքստեր | Dexter | Սյուզաննա |
| 2007-2008 | Նոր Օռլեանի ոստիկանությունը | K-Ville | - |
| 2011-2015 | Վրեժ | Revenge | Մարիոն Հարփեր |
Ծանոթագրություններ խմբագրել
- ↑ 1,0 1,1 Internet Movie Database — 1990.
- ↑ 2,0 2,1 Internet Broadway Database — 2000.
- ↑ 3,0 3,1 Discogs — 2000.
- ↑ 4,0 4,1 Pas L. v. Genealogics — 2003.
- ↑ http://www.theatreworldawards.org/past-recipients.html
 | Վիքիպահեստն ունի նյութեր, որոնք վերաբերում են «Էդրիեն Բարբո» հոդվածին։ |