Էդուարդ Կզարթմյան
Էդուարդ Գերասիմի Կզարթմյան (ապրիլի 15, 1895[1], Թիֆլիս, Ռուսական կայսրություն - փետրվարի 26, 1976[1], Կիրովական, Հայկական ԽՍՀ, ԽՍՀՄ), հայ կոմպոզիտոր, խմբավար։ ՀԽՍՀ ժողովրդական արտիստ (1964)։
| Էդուարդ Կզարթմյան | |
|---|---|
| Ծնվել է | 1895, ապրիլի 15 (ապրիլի 27) Ռուսական կայսրություն Թիֆլիս, Ռուսական կայսրություն |
| Մահացել է | 1976, փետրվարի 26 Կիրովական Կիրովական, Հայկական ԽՍՀ, ԽՍՀՄ |
| Ժանրեր | Դասական երաժշտություն |
| Մասնագիտություն | կոմպոզիտոր, խմբավար |
| Կրթություն | Ներսիսյան դպրոց (1915) և Թբիլիսիի Վանո Սարաջիշվիլիի անվան պետական կոնսերվատորիա (1931) |
Կենսագրություն խմբագրել
1915 թվականին ավարտել է Թիֆլիսի Ներսիսյան դպրոցը, 1931 թվականին՝ կոնսերվատորիան։ 1914 թվականից Անդրկովկասի բնակավայրերում կազմակերպել և ղեկավարել է երգչախմբեր։ 1934 թվականին հիմնել է Կիրովականի թիվ 1 (1977 թվականից Կզարթմյանի անվան) երաժշտական դպրոցը, 1934-1972 թվականներին տնօրեն, 1941 թվականից՝ երաժշտական ուսումնարանը, 1941-1976 թվականներին՝ տնօրեն։ 1945 թվականին հիմնադրել է Ալավերդու երաժշտական դպրոցը և եղել առաջին տնօրենը։ Հեղինակ է դաշնամուրային պիեսների, խմբերգերի[2]։
Էդուարդ Կզարթմյանի կիսանդրին գտնվում է Վանաձորի Կզարթմյանի անվան երաժշտական դպրոցի առջև։
Գրականություն խմբագրել
- Էդուարդ Կզարթմյան։ (Կյանքը և գործունեությունը), Ստեփանյան, Ռաֆայել Հովհաննեսի; Մակարյան Է.Ա; Հայաստանի երգչախմբային ընկերություն, Երևան, 1966։
Ծանոթագրություններ խմբագրել
- ↑ 1,0 1,1 1,2 http://am.hayazg.info/index.php?curid=11002
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.