Էդուարդ Կարսյան

հայ նկարիչ, դիզայներ

Էդուարդ Վարդանի Կարսյան (ապրիլի 3, 1942(1942-04-03), Երևան, Հայկական ԽՍՀ, ԽՍՀՄ), հայ նկարիչ, դիզայներ։ Հայաստանի նկարիչների միության անդամ։

Էդուարդ Կարսյան
Ծնվել էապրիլի 3, 1942(1942-04-03) (81 տարեկան)
ԾննդավայրԵրևան, Հայկական ԽՍՀ, ԽՍՀՄ
ԿրթությունՄոսկվայի Ս. Ստրոգանովի անվան արվեստի և արդյունաբերության ակադեմիա
Մասնագիտություննկարիչ և դիզայներ
ԱնդամակցությունՀայաստանի նկարիչների միություն և Հայաստանի ճարտարապետների միություն

Ճարտարապետ-դիզայներ Լևոն Կարսյանի եղբայրը։

Կենսագրություն խմբագրել

Էդուարդ Կարսյանը ծնվել է 1942 թվականին Երևանում՝ նկարիչների ընտանիքում։ 1967 թվականին ավարտել է Մոսկվայի Ստրոգանովի անվան ուսումնարանի (այժմ՝ Մոսկվայի բարձրագույն գեղարվեստա-արդյունաբերական ակադեմիա) մոնումենտալ-դեկորատիվ արվեստի բաժինը։ 1974-1979 թվականներին աշխատել է Պոդոլսկի գեղարվեստի արվեստանոցում, 1979-1985 թվականներին՝ Հայաստանի Գեղարվեստի ֆոնդում։ Որմնանկարներ է ստեղծել տարբեր քաղաքներում[1][2]։

1986 թվականին հրավիրվել է Հունգարիայի Կեչկեմետ քաղաք, որտեղ ծանոթացել է արծնանկարչությանը և սկսել զբաղվել արվեստի հիշյալ ճյուղով։ Այնուհետև բազմիցս հրավիրվել է Հունգարիա և այդ բնագավառում ստեղծած իր գործերը ցուցադրել Ֆրանսիայի Լիմոժ քաղաքում և արծնի միջազգային տարբեր ցուցահանդեսներում։

Կարսյանի «Հիշողություններ» շարքի կտավները ներկայացնում են Ֆրանսիա, Իտալիա, ԱՄՆ, Ավստրիա, Հունաստան և այլ երկրներ կատարած ճամփորդությունների տպավորությունները[3]։

Ստեղծագործություններ խմբագրել

Իրականացրել է հետևյալ կառույցների ինտերիերը և ձևավորումը՝

  • Ուֆա քաղաքի և Ուդմուրտիայի Մշակույթի տներ
  • ՌԴ Տուլայի մարզի մարզահամալիր
  • Մոսկովյան մարզի ճամբար
  • ՌԴ Պոդլիպկ քաղաքի փորձարարական դպրոց
  • Բելգրադում Ռուսաստանի դեսպանատան շենք
  • ՀՀ ներքին գործերի նախարարության շենք (Երևան)
  • Երևանի «Արարատ» հանրախանութի սրահ
  • «Նաիրի» կինոթատրոն
  • Քաղաքային ավիացիայի վարչության դպրոցի շենք
  • Երևանի Մետրոպոլիտենի «Հանրապետության հրապարակ» կայարանի լուսարձակներ
  • Մի շարք երևանյան ռեստորանների ու սրճարանների և այլ կառույցներ
    • «Ամազոն» սրճարան
    • «Շերլոկ Հոլմս» բար-սրճարան
    • «Կակտուս», «Մարկո Պոլո», «Կիլիկիա», «Դալի» ռեստորաններ
    • «Ջրաշխարհ», «Սայաթ Նովա» համալիրներ
    • «Սամուրայ» սուշի բար
  • Երևանի Հանրապետական հիվանդանոցի դահլիճի արտաքին ճակատամասը (քանդակագործ Վլադիմիր Պետրոսյանի հետ, «Վերածնունդ» կոչվող կոմպոզիցիան զբաղեցնում է 600 քմ մակերես, ներկայացնում է մարդկային կյանքի գեղարվեստական յուրօրինակ իմաստավորում)

Անդամակցություն խմբագրել

Ցուցահանդեսներ խմբագրել

Անհատական ցուցահանդեսներ է ունեցել Փարիզում, Հռոմում, Լոս Անջելեսում, Նյու Յորքում, Երևանում («Էդուարդ Կարսյան. Հետահայաց» խորագիրը կամ «Ռետրո», 2012, Կալենց թանգարան[4][5]) և այլուր։

Ծանոթագրություններ խմբագրել

  1. Baghdasaryan, Aram. «AV Production - Էդուարդ Կարսյան». avproduction.am. Վերցված է 2017 թ․ ապրիլի 3-ին.(չաշխատող հղում)
  2. ««ԻՆՏԵՐԴԵԿՈ» ճարտարապետական արվեստանոց». Արխիվացված է օրիգինալից 2017 թ․ ապրիլի 22-ին.
  3. «Միջավայր կերտող արվեստագետը». www.civilnet.am. Վերցված է 2017 թ․ ապրիլի 3-ին.
  4. «Վաղը Երևանում կկայանա դիզայնի ցուցահանդես - Այսօր` թարմ լուրեր Հայաստանից». www.aysor.am (անգլերեն). Վերցված է 2017 թ․ ապրիլի 3-ին.
  5. «Էդուարդ Կարսյանի աշխատանքները՝ պրոֆեսիոնալ դիզայնի ցուցահանդեսում». www.tert.am. Արխիվացված է օրիգինալից 2022 թ․ փետրվարի 11-ին. Վերցված է 2017 թ․ ապրիլի 3-ին.