Էդուարդ Իսաբեկյան ցուցասրահ

Էդուարդ Իսաբեկյան ցուցասրահ
Տեսակ	պատկերասրահ
Երկիր	Հայաստան
Տեղագրություն	Երևան
Հասցե	Մաշտոցի պողոտա (7ա)
Հիմնադրվել է	2004
Կայք	eduardisabekyan.com

Էդուարդ Իսաբեկյան ցուցասրահ, ՀԽՍՀ արվեստի վաստակավոր գործիչ, ՀԽՍՀ ժողովրդական նկարիչ Էդուարդ Իսաբեկյանի կյանքին ու գործունեությանը նվիրված ցուցասրահ Երևանում^[1]։

Պատմություն Խմբագրել

Ցուցասրահի հիմքը դրվել է 2004 թվականին, բացումը կատարվել է 2013 թվականին։ Էդուարդ Իսաբեկյանի որդին՝ Արամ Իսաբեկյանը, Երևան քաղաքին է նվիրաբերել Էդուարդ Իսաբեկյանի մշտական ցուցադրությանը ներկայացված գունանկարչական հայտնի կտավներից 28-ը^[2]։ Բացման օրվանից ցուցասրահի գործունեությունը ղեկավարում է Իրինա Իսաբեկյանը։

Ցուցադրություններ Խմբագրել

Էդուարդ Իսաբեկյանի ստեղծագործությունները ցուցադրվում են ցուցասրահի երկու հարկերում։ Վերնահարկի շրջանաձև սրահում Իսաբեկյանի էպիկական շնչով մեծածավալ կտավներն են. նկարչի հայացքը պատմության էջերից այսօրվան է փոխանցում ուժի, առնականության, հպարտության ու հաղթանակի անցյալի ոգին։

Ցուցահանդեսներ Խմբագրել

Էդուարդ Իսաբեկյան ցուցասրահն ակտիվ մասնակցում է Երևանի մշակութային կյանքին։ Ցուցասրահի վարիչի՝ Իրինա Իսաբեկյանի նախաձեռնությամբ ցուցասրահում կազմակերպվում են միջոցառումներ, դասախոսություններ, հանդիպումներ, որոնք միտված են բացահայտելու Էդուարդ Իսաբեկյանին որպես նկարիչ, մանկավարժ, գրող, սրտացավ քաղաքացի և առաջնահերթ՝ հայրենասեր որդի։

Միջոցառումներ Խմբագրել

20.11.2014 թվական - «Էդուարդ Իսաբեկյանի ժամանակը», դասախոսություն՝ Մարտին Միքայելյան
16.05.2015 թվական - «Էդուարդ Իսաբեկյանը և իր աշակերտները» ցուցահանդես
12.06.2015 թվական - Ուսանողական հուշեր... քննարկում
13.10.2015 թվական - Դարձյալ Իսաբեկյան.նոր էքսպոզիցիա
03.11.2015 թվական - «Էդուարդ Իսաբեկյանը և իր ուսանողները» 2-րդ ցուցահանդես
14.03.2016 թվական - Կտավները վերադարձան. քննարկում
21.05.2016 թվական - «Էդուարդ Իսաբեկյանը և իր ուսանողները» 3-րդ ցուցահանդես
08.11.2016 թվական - «Էդուարդ Իսաբեկյանը և իր ուսանողները» 4-րդ ցուցահանդես
03.03.2017 թվական - «Գարնանային պատկերահանդես` նվիրված կանանց»
20.05.2017 թվական - «Էդուարդ Իսաբեկյանը և իր ուսանողները» 5-րդ ցուցահանդես
07.07.2017 թվական - «Սերունդների երկխոսություն» Տաթև Մնացականյան
07.03.2019 թվական - «20-րդ դարի թիֆլիսահայ ավագ սերնդի կին արվեստագետները» (Հասմիկ Բադալյան, Գայանե Պողոսյան)
16.03.2019 թվական - Խմբագրաթոն «Կինն արվեստում»