Էդուարդ Արևշատյան

Էդուարդ Սուրենի Արևշատյան (մայիսի 8, 1926(1926-05-08), Երևան, Հայկական ԽՍՀ, ԱԽՖՍՀ, ԽՍՀՄ - մայիսի 6, 2007(2007-05-06)), ճարտարապետ, ՀԽՍՀ վաստակավոր ճարտարապետ (1971)։

Էդուարդ Արևշատյան
Ծնվել է	մայիսի 8, 1926(1926-05-08)
Ծննդավայր	Երևան, Հայկական ԽՍՀ, ԱԽՖՍՀ, ԽՍՀՄ
Մահացել է	մայիսի 6, 2007(2007-05-06) (80 տարեկան)
Ազգություն	հայ
Կրթություն	Հայաստանի ազգային պոլիտեխնիկական համալսարան

Սուրեն Արևշատյանի որդին է, Սեն Արևշատյանի եղբայրը։

Կենսագրություն

1950 թվականին ավարտել է Երևանի պոլիտեխնիկական ինստիտուտը։

1956 թվականից՝ Երևանի պոլիտեխնիկական ինստիտուտի դասախոս (դոցենտ՝ 1970 թվականից)։ 1966-1974 թվականներին՝ Հայաստանի ճարտարապետների միության նախագահի տեղակալ, 1972-1994 թվականներին՝ Երևանի գլխավոր ճարտարապետի տեղակալ։

Էդուարդ Արևշատյանի նախագծերով Երևանում կառուցվել են՝

• Հայկոոպի վարչության և Երքաղխորհրդի գործկոմի շենքերը (երկուսն էլ՝ 1954),
• «Ծիծեռնակ» միջազգային զբոսաշրջության ճամբարի շենքը (1956),
• Ուսուցիչների կատարելագործման ինստիտուտի շենքը (1986),
• Աբովյան փողոցի ստորգետնյա առևտրային կենտրոնը և հետիոտն անցումը (երկուսն էլ՝ 1985),
• Հայաստանի ամերիկյան համալսարանի շրջակայքի ճարտարապետական ձևավորումը (1981),
• Մարշալ Բաղրամյանի հուշարձանի պատվանդանը (քանդակագործ՝ Նորայր Կարգանյան, 2003)։

Ձևավորել է Բուենոս Այրեսի, Լոս Անջելեսի, Մոնրեալի միջազգային ցուցահանդեսներում Հայաստանի տաղավարները և այլն։

Պատկերասրահ

• 

  Մարշալ Բաղրամյանի հուշարձանը Երևանում

• 

  Ստեփան Լիսիցյանի կիսանդրի (Երևան)

• 

  Հուշարձան Երկրորդ աշխարհամարտում զոհվածներին, գյուղ Խաչիկ

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 2, էջ 45)։